2007 年 7 月 7 日 星期六  |
今日唔係幾舒服呀  |
分類: ※ ~_~ 『家常便飯』→... |
2007/07/06
今朝8:30就起左身出去攪回鄉証,勁慶囉,等得超耐囉;累到我要曬十幾蚊去食M記,超難食囉,新出果個"死人咩咩粉"呃錢嫁 !
勁瘀囉 ......俾旅行社D人問我:『Yi 你岩岩補返証件唔係好耐咋波』我好無奈咁答左佢一句:『係呀!唔好提!』唉! ......真傷心
返到屋企又即刻換衫出去土瓜灣In accounts clerk........唉! 出門口前仲要聽一個麻煩友電話,好鬼激氣,本身都唔夠時間嫁啦! 我仲以為去土瓜灣好快.....點知! 攪左成日不但曬車錢,最重要係......攪到暈車浪,個頭好鬼暈,想嘔...又嘔唔出,好辛苦囉~!~真係冇鬼用呀!所以返工都係簡可以搭MTR去到既地方,好D囉!講到尾都係自己"咋"唔搭得車,加上天氣又咁鬼熱,又唔夠訓 !! 點好呀 !! 好似開始覺得自己唔知想點呀 !! 點算!! 煩死人啦! 灰!!!
我諗......都係等暑假呢個"過度期"過左先算,唉~!~係呢行冇經驗,始終都係會俾人"洽"嫁啦,總之人工有咁底就俾到咁底,你根本冇討價還價既機會!
|
| 2007 年 7 月 4 日 星期三 |
| 踏入7月份啦 |
分類: ※ ~_~ 『家常便飯』→... |
2007/07/03
又一DAY喇! 今晚個肚不停咁痛...都唔知做咩鬼,個人又好攰喎......又食又訓,就嚟變豬喇,咁既生活唔無聊就誓係假,不過我唔急返工,因為,每次諗起以出嚟做野,一個星期得一日休息......就好恐怖,發惡夢囉 !!
呢兩晚佢都有打電話嚟,同我傾偈,今晚,斷斷續續打左幾次,兩個白痴又係度傾埋D無聊野 不過都開心既,但就俾佢成日激我囉,衰人 ,我諗佢呢個星期都會打電話俾我,因為佢12號就要離開公司喇!! 唉 ! 希望佢會諗條路應該點行,唔會咁易就氣餒,咁我就唔使咁擔心喇 ,不過,宜嫁好似要擔心自己多d囉......
聽日去攞ID啦,順便攪埋回鄉証佢,唔使煩,好心痛呀!又要$560水;又要諗起唔見銀包件事,都怪自己唔小心啦,破財擋災?唔想再遇到呢d事啦,有陰影呀!!
|
2007 年 7 月 2 日 星期一  |
香港回歸十年啦  |
分類: 未分類 |
尋晚,出左尖咀睇煙花......失望,冇咩Mood囉,可能人大左瓜,所以冇左果份童真係度!
去過灣仔、飛天鵝山、尖沙咀睇過咁多次煙花,始終都係0係灣仔最好、最正,睇得最開心......因為果刻成個天都係,現場好有feel......諗起都回味;不過,最開心既都係可以自己親手放,雖然花款冇咁多,係大陸過新年,最開心既係可以放煙花喇!!
唉!唔應該叫carlo去,攪到成晚悶親佢......sorry 呀!
好傻囉...同亞山兩個人係深水埗等亞芳放工,諗住佢失戀,同佢去食糖水安慰佢......點知個衰婆去左食宵夜!
跟住飲左支酒就返屋企,嘩!個頭好痛囉...真係"炸"呀!諗住會訓著喇...點知成晚都訓唔著,激鬼氣......都係杯咖啡累事,早知唔飲喇......個口又生非芝喎,shit!
係唔係要狂踩一個人,踩到一文不值,佢先至會死心既呢,點極都唔醒既,討厭!成日係度扮曬緊張咁,煩死人......好想講鐘意人之前,唔該睇下自己個樣先喇!成日扮曬關心,諗住會打動到我......唉!唔鐘意...點都唔會感動嫁喇!!!
要忍到幾時呢??? |
2007 年 7 月 1 日 星期日  |
| 可惜 |
分類: ※ ~_~ 『家常便飯』→... |
唉!今晚諗住去食"四川麻米線",點知一去到門口......收鋪!! shit !!當時又落鬼死冇咁大雨喎,痴線嫁、變態嫁........呢排成日都落雨 !!
所以就去返"松記"食糖水囉! 死人亞山,次次見佢都係講"性經"講女人既,好討厭......唔想聽囉!
跟住,行過去深水埗......點知咁岩又撞到小風,佢話有小聰電話,我都係唔要,如果佢想搵我、想見我,心裡面總有我呢個朋友既話,佢自然會搵我,我特登去搵佢都冇意思喇!本來係想去機鋪打機撞下佢,不過,都係算喇!!而且又落雨,都係返屋企算啦!
唔知點解今晚......撞到別特多人,又見到好耐冇見既林x興,佢唔叫我,都見唔到佢!!
不過,有個fd失戀........唉!都唔知佢宜嫁點,又唔知應該點去安慰佢先至好喎!! 誓心!! 不過自己都唔係好得人0地好多姐,一樣咁煩 !! |
| 2007 年 6 月 29 日 星期五 |
| 15、16 |
分類: ※ ~_~ 『家常便飯』→... |
唉!一直都好想快d返工唔使留係屋咁悶,又出街,又要洗錢!!
咁0既日子人都會癲囉.......好喇!終於等到喇.......但,我個心又15、16唔知做唔做呢份工好,自己又唔係好鍾意呢間野,而且又係美容院,俾我既感覺好怪囉......好少美容院有文員果喎!!
呀 ! 好煩呀!點算好呀!我應唔應該返好呀,亦或......等過左呢個暑假、過度期先呀,定係唔好miss 左呢次機會呀？？？
有冇人可以話我知呀？？ 算 ！ 自己諗諗 ！ 再算 ！ |
« | 18 | 19 | 20 | 21 | 22 | 23 | 24 | 25 | 26 | 27 | ... | 28 | »
|
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
