2007年,6月,17日

今晚,我拾房間果陣,睇番過往既相、同學送既card、大陸朋友寄嚟既信.....但,無意中發現一本2000年既日記,裹面所寫既野同係我同明仔之間係(2000year)所發生過既事!!!

果刻,我先知道...原來自己對佢既愛係咁深,自己係幾咁鐘意佢!!而自己係唔察覺!! 而果陣時既自己亦清醒過,知道相隔兩地既愛情係唔會開花結果,更勸過自己要忘記佢,重新過生活;因為,果陣先落嚟香港,而且果陣時都仲細........可以忘記大陸既野,好好咁讀書,適應香港既生活,一切重新開始!!!

最後,我發覺自己係做唔到 !!  我邊聽歌,邊睇果本日記,同佢寄俾我既信,睇過曬...我地所發生過既一切,我同佢由開始到宜嫁既回憶,一一浮現係眼前,就好似睇緊一套戲咁,當然有開心,亦有唔開心既事喇 !!

令我最.......就係 ! 原來,係果年(2000)我已經發誓要將"胡玉明"呢個人忘掉 !!

結果! now ! 2007 年喇 ! 如果......我係做得到既,就唔會拖到宜家 !! 呢一切証明我愛呢個人,係愛得好深 ! 甚至,忘記左現實呢一回事,明知呢個係永遠......唔會有結果,更加唔會有好既結局;但,我依然係放唔低,也許,(要放開,哪有那麼簡單???)

愛得不能自拔??? 自己都唔知!! 或者,係自己唔肯去面對呢個現實喇!! 一直係度逃避瓜 !! 我都唔知自己幾時先可以真真正正咁放開???  好難既事 !!

愛你比恨你更難 !!! 忘記...更難 !

又或者,一直宜嚟係我自己唔肯放開吧 !! 係自己對呢段感情過於執著吧 !! 正如千嬅首歌:『為何還在看海,不看開』......還靠記憶戀愛,    "人"已不在 !! 

我相佢愛我,但我永遠都唔明......愛我! 點解仲要一次一次咁騙我呢?? 每個男人都係咁鐘意講大話 ??? 我真係無法.......去想像佢既心究竟係點諗 ?? 愛一個人既定義係咩 ??

我唔知佢.......到底係唔係,真係明白我既心係點諗........

宜嫁算係點 ?? 我都唔知 !! 或者,答案已經擺係眼前,而係自己唔肯對面吧 !!

童話故事......根本唔可係現實中出現吧 !!!

大家既心如果唔係一致既話,兩個人一起唔坦白,冇彼此相信既話......係好難.......看到Happy Ending !!!

Wake up 喇 !! 豬 !!

岩岩"拾"完間屋→大掃除完!!! 好累哦 !! 成晚都係度又拖、又洗.....宜嫁周身骨痛呀 !!   唉 !!

出左成身汗,消耗左唔少"卡路里"呀 !! 減肥錢都慳番呀 !!

不過, 勁攰 !!  好累哦 !!

今日,終於都去左整ID,好攰囉!  7點零就起左身出去!!

終於都了結左件心事,亦都唔駛再發白日夢.......再諗......希望會搵得返喇! 呢D錢遲早都要駛既 !

之後,就去影埋相 !!

返到樓下果陣,李姑娘打嚟,..........我同我講左一大堆道理,佢講既......我都好明白,只不過.......真係好難踏出第一步,"我原諒你"呢四個字,真係好沉重!!!

其實,我只不過想用時間來沖淡呢一切......大家既誤會!!!

我更加知道......我不應該發媽子既脾氣, 佢只不過想......大家之間既關係會場好D,好好咁相處落下 !!

我想同佢講聲 SORRY , 即使佢有錯,我都唔可以咁樣令佢傷心、難做!!

但,呢一切我都唔想嫁,只不過我呢排心情真係好羞,好多野煩 !!!

又要理埋果D無聊人!!!

2007年,6月,14日 雨

今晚,我同明仔係QQ.......,或者,呢排大家既心情都差,所以傾任何野,都會成為....一種....唔知點形容,都算係吵架瓜,又或者,文字有時都會很容易表達錯誤!!! 我之後都打俾佢,正因為大家最近都好煩,壓力又大既原因,所以講野既語氣......都有d彊!! 更加唔知可以講d咩說話,對方會岩聽 .........我亦都唔想去諗咁多 !!! 時間喇 !!!

亦都係今晚,亞男佢打嚟搵我,個電話一響,聽到個鈴聲,果秒鐘我考慮......我聽唔聽好,個電話響左好耐,最後,我都係聽左,......."佢問我得唔得閒?呢排點?考完試未?係度做緊咩?點解把聲咁?"我冇咩點答佢,答得最多既就係冇野!! 因為,果陣我都同明仔傾緊,根本冇心情理佢!! 但,我諗由於我既冷淡,所以,佢唯有叫我得閒打俾佢(其實,果刻我好想同佢講,我諗我以後都唔會再搵你!)但,我冇講出口!!

同明仔傾完電話之後,我嘗試打俾佢,但佢唔得閒.......過左15分鐘之後,佢又打嚟..........

但我吸左佢線...............

佢問我點解唔聽佢電話??    我.....話我沖緊涼,其實......係我唔想聽 ,並唔係沖緊涼!!!

因為,係我本字典裹面,一早已經冇羅智勇呢個名既存在!!亞男,呢個人更加係我記憶裹面刪除,永永遠遠咁消失 !!!

朋友? 或者,希望自己仲可以當佢..........比普通朋友看待喇 !!

呢個人實在太過自以為是,太過自我中心 !!! 我唔想再去了解佢 ........

雖然,識左三、四年,但我對佢既了解都唔係好深 !!! 即使,有一日係街見到,我諗我都係只會同佢講呢兩句說話:『Hi』& 『Bye』．．．．．．

今日,佢返嚟屋企,咁岩我又岩岩起身,每次見到佢,個心硬係有種不太自然0既感覺,唔知點解!!

我同佢係"兄妹",呢個係不可改變既事實,但要我開聲同佢講野暫時冇呢個可能!!或者,我個心已經原諒做佢...但我仲未過度自己果關 !佢有主動問我出唔出去飲茶,但我個口好似俾膠水痴住,開不了口!

媽子,亦一樣.......我唔知點解,每次當我肯踏出第一步既時候,仲有d事.....阻住,或者,又應該話係個時間唔岩瓜 !!  我係好想...已經...主動去嘗試......同媽子之間既誤會解開 .......但無奈呢一切都超越我想像之內..........我無辦法 !! 尋晚,媽子經興仔手俾$1500蚊我,但我冇要度,我寧願問人借,欠人人情都好,如果,係真心FD既,絕對唔會同我計!! 我宜嫁唔駛返學,所以我唔想再用佢d錢 !!

佢駡得我岩,我應該又將回鄉証擺係銀包,...呢一切都係我自己攞嚟,所以,我先唔想用佢既錢去補領返 !!

我只想靜靜咁解決自己目前既問題,我唔想其他人吵到我,更加唔想有人嚟煩我,咁樣只會令我更加反感 !!!  其實,我知媽子個心點諗.......佢都係想我地兄妹間既感情會好D,我亦知佢好擔心我!但,我想講...我唔出聲,唔代表我係唔識諗!!!   我都有壓力同煩惱既時候 !!