２００７年，６月，１３日

今日,晏就同梁湛去左黃大仙0既招聘會......打個圈,睇中"四洲集團"......攞左份表格,唉!都冇用......都冇身份証,又冇帶相喎,又點IN......呀 !!!

跟住,係M記坐左一陣......我就出左MK　→　shopping !!

去左"荷里活"買左一套suit！！　→落左西洋菜街某間鋪買住cheap cheap 地既鞋．．．見住先喇！不過，個款幾ｏｋ．．．好襯套suit！！又去左"bauhaus"買左個銀包，個款ｏｋ喇！粗粗地幾百蚊用住先喇！！

又埋去Ｔrendy land買左把傘，好彩買左把傘囉，痴線嫁！　ｍｋ鬼死冇咁好天，一點雨都冇！點知．．．返到石硤尾．．．未出地鐵已經聽到ｄ雨好似瀑布傾瀉咁，又鬼死冇咁大風喎．．．．．．．．．．不過，有傘都難逃一濕！！

＄２０００蚊　用淨＄５００蚊整身份証，岩岩好　！！　Total loss 囉　！！

係太子既ｍｔｒ　撞到隻野收工，佢同我講野．．．我冇理到佢，直行！！就好似佰生人咁　！！　今晚，先發覺自己係好後悔俾左個電話ＹＭＣＡ對面班個kid子，真係好煩！！　唔理佢．．．就應該識做喇　！呢幾日心情唔好，真係好想攞佢嚟出氣，已經夠煩嫁喇，仲煩住曬　！！有時．．．做野→真係要決絕Ｄ！！

心情直線下降 !! 算好番dd咁喇 ! 岩岩落完樓下,問我fd借左$2000蚊,去攪點d ID 先,如果唔係點見工??點出街 ??冇身份証等同於冇身份咁,好冇安全感 !!

自從,隻野話搬返嚟住,我就落左樓下同ＹＯＹＯ訴苦，佢想幫我出頭搵果件扒麻煩，但我唔想再理佢，只要佢唔再發癲．．．我仲可以忍　！！　不過∼但暫時未知個豬扒會唔會又跟埋返嚟 ??? 睇下點先算 !　因為，當初有人話過唔會再踏入我屋企門口半步既　！！我就睇你做唔做到　！！

唉！借易還難！！　雖然，話只要我有困難就會借俾我，唔會”吹”我還姐，但我都唔好意思再借，再要人地幫　！！　　始終∼欠人野，唔係咁好　！！

天光喇．．．雀仔又係度唱歌喇　！！　

今日,2007年,6月,11日

我永遠都會記得呢一日,......接近6點果陣,係花園街既某間精品店,諗住攞果銀包出來買把傘......點知個袋打開左......個銀包唔見左 !!!!

去條街搵左好耐都唔見,最後,都係去左太子差局報失 !!!

又冇左幾千蚊!! 第二次啦 !! 又要成$2000蚊去補返D証件、BANK 同其他VIP 卡喇 !!!

真係大出血,見工d 衫、鞋又未買.....shit !!

又要問人借錢,真係周身債!!

pk,   今晚, 我哥返嚟食飯.......佢話要搬返嚟住........唔知果件豬扒又會唔會搬過嚟

如果,係既話............我走 !!!

２００７年，６月　１０日　雨

考完既第二日姐，我已經悶到想死啦∼！∼　返工？我又唔想咁快．．．心都係想休息多一排先，因為，唔想咁快就冇假期．．．想做而未做既野太多喇　！今日，都圈左好多分工出來，簡近屋企好呀？但係．．．簡高級ｄ地區好呢？究竟，宜嫁ｓｅｎｄ出去．．．準備返工呀　？　益話．．．大陸返嚟先呢　？　　好頭痛　！！同埋我又好想去大陸”順遼”個　沙灘．．．呢個係我一直都想既事，希望可以同明仔開開心心咁玩返一日，跟住就返嚟．．．返工　！！

尋晚，明仔打嚟．．．佢同我講佢係北京打俾我！．．．　　講左成晚，佢都係想我同佢講聲：〔生日快樂〕！其實，係佢生日既前一夜，即係我考完果日（８號）我已經想打俾佢同佢講聲嫁喇　！！

本來想呢幾日去游水．．．點知．．．嚟Ｍ　喎　！　Ｓｏ　ｂａｄ　！　

2007年,六月,八日(五),雨

一年啦 ! 話咁快又一年啦 ! 可以話過得好快,亦可以話過得...慢 ! 考完啦 ? 今日,係最後一日啦?應該開心先係嫁? 但,當我踏出YMCA門人之後,心情突然覺得好沉重,有種說不出口,不懂形容0既感覺!!! 唔捨得?? 唔係呀 ? 由開始到現在都希望快d完0既 !!

或者,係一種徬徨、無助......既開始吧?

之後,自己一個人去左"荷里活"既NATURE'S 做個Facial.............又幾百啦　！

跟住就萬無目的咁係廣場裹面行．．．食．．．買．．．只想一個人係咁．．．行

去”馬莎”買鞋．．．點知．．．最細個size都唔岩我著．．．激死人！！有錢都買唔到呀　！！　陰公冇？？

好累　！　好累　！　但我唔想訓．．．眼皮好重．．．突然間．．．個腦好多野諗！