2007 年 6 月 7 日 星期四  |
真的完了  |
分類: →傷心◎日子...... |
考埋聽日,今年既...就完啦,終於都完啦 !
應該開心定傷心好呢??? 我都唔知...最後一日.....但冇心機溫啦 ,點算好呀??
好累!! 又要踏入人生另一個階段啦 !! 比心機 !!
想哩埋一排.......玩下自閉....俾自己諗清楚......決定條路應該點行兼反省呢一年所做既野......
點解,我總覺得自己仲有想......"逃避"0既心呢??? who can tell me "why"
今日, 一出門口......又傾盆大雨啦.....攪到我又成身灦曬......up 住來考試....." 衰天",淨係呢邊先落呀,油麻地又冇落........so bad
|
| 死左 |
分類: ※ ~_~ 『家常便飯』→... |
6月5日,晴,熱到"痴"肺
今晚,考LCCI A/C,個個考完出黎...第一句就係"死曬",都唔明佢up咩Q 囉!!!
勁慘! 考足3個鐘,我就"震"足3個鐘,D冷氣吹到正,凍到成身起曬雞皮、發紫呀!上身發熱,下身發冷!夏天發燒有D唔正常囉!!
點解Hidy 唔幫我地報HK Paper, 要報UK Paper呢??因為,我地覺得HK Paper 易明d,問題問得直接d, 唉! 宜家講咩都冇用,已成過去!!唯一等出年再來過啦,有時間0既話!!!
考完諗住早d返屋企訓點知又同佢地食埋宵夜先返,去左"椰林閣"鉅扒",又曬$60雞,不過,冇所謂啦,難得一次咁既機會,辛苦成晚......當安慰自己都要啦!!哈哈!!
但大出血喎,...呢幾日已經洗左$1500以上啦!! 點算?? 買3見工既都洗.........
好慘! 又失眠......訓唔著呀! 聽日仲要考嫁!!!快D訓得著啦 !! (6月6日零晨三時十分) |
| 2007 年 6 月 1 日 星期五 |
| 如何說... |
分類: 情感而言 |
二零零七年,六月一日,雨
尋晚,一點零多D,我訓唔著...打電話俾明仔!我地傾左成兩個鐘---差唔多三點!! 佢同我講三年唔好面,(想專心係事業上)沉默左一陣......好!我應承左你!!!
因為,咁樣...都係為左佢事業著想,所以,我都會尊重佢既決定,更加會無限量係佢背後默默咁支持佢!! 而我最想見到既就係......真心真意地,真係好想見到佢可以靠自己既努力,有"出人頭地"既一日!! 其他的,不太重要吧!!
"承諾"是否能夠敵得過...時間的考驗呢???呢個係未知知數,"人"要變既時侯可以變得好快!! 一切由時間來證明吧 !!
世界上咩野都可以買保險......唯獨愛情唔可以!!!
期待那一天......會好快來臨!!! 那亦是他成功的時侯了!!!
呢三年就各有各...發展自己的事業喇!! |
| 2007 年 5 月 28 日 星期一 |
| 如果...... |
分類: ※ ~_~ 『家常便飯』→... |
今日,返學之前去鴻福堂買左一支"銀菊露"飲,.....放學又去買左一支"止咳茶"俾媽子!!唉!!媽子又病左,尋晚仲咳得好辛苦,我個心好唔舒服...好心痛 !!!溫書都冇心情溫落下!!!
如果,我多D關心下佢,或者.......咁會好好多......覺得自己好不孝!!! 果心好內疚,過意唔去!!亦覺得自己冇必要再咁"固執"!!
夏天啦! 如果,我早D出門口0既話,就唔會馮一,三,五....返到去,都"身水身汗"啦!! 幾乎,日日都係跑馬拉松返去咁!!
最近,呢幾個星期....晚晚都失眠,好辛苦,想訓又訓唔到,做人真係好慘,唔可以控制自己0既思想,更加唔能夠阻止個腦去諗,我明知道自己唔應該係呢個時候去諗呢D無聊野架,但無奈我做唔到唔去諗!!或者,我實在太過在乎呢段感情啦,先會胡思亂想,.............
一到"寧靜既夜晚"我就會好自然咁.....又諗"佢地"既野,究竟....佢地邊個講既野係岩,邊個講既係假話,我應該信邊個.....呢?我又...應唔應該再原諒明仔,我好驚!我唔知應該點....應唔應該再同佢一起,心裡面是否還有那根剌存在呢??我真係好想擺低"感情"時.....考完先再諗
呢幾日操05/06年既 A/C PP 都覺得有難度.......唉 !! 今年,點考,點算?? 希望,今年會淺d啦,最好全部都係我識做既........咁就very good 啦,開心到笑呀!!!
如果,LCCI Pass 既話,仲開心到死呀...!! 但願如此啦!!
唉! 唔好再發白日夢啦 .....傻婆 !!
希望今晚開始,唔好再失眠...... 因為失眠係件好痛苦事,更加唔好再亂諗野 !!!
奸爸爹 ...呢!!!
|
2007 年 5 月 23 日 星期三  |
哭笑有時呢  |
分類: →傷心◎日子...... |
 唉!尋晚又失眠!好辛苦囉,想訓又訓唔到!又可以控制自己個腦唔諗喎!
今日,返學勁冇精神囉,死死下咁!所以,A/C Test 果陣都唔知自己做緊咩!不過,都識做一dd既,希望pass 啦!都好多人唔識既!!
成日都唔駛上堂,下午果堂又"中打"考試......shit 差三分之一就打完成篇野家啦!宜家希望task 1可以拉到pass0係啦!!
跟住,放學去左"波鞋街"睇鞋!原本,一放學第一時間沖返屋企訓家,但聽日放假呀嘛(佛誕節)......同亞sa...行呀...行呀...行雲成條"波鞋街"仲於睇到有我對"拖鞋" 但$299,冇discounts,我就唔舍得買...屋企都有對白色囉,減價先買!!
結果,買左一對白色既addidas波鞋$320.......不過,係童裝黎家,好好笑囉......個sales 都估唔到我會買"童裝",唔計啦,鬼叫我腳細咩!!!戟都唔想家...次次買鞋都好難買到我size既,我又鐘意既色...咁諗都唔諗就買左啦!!攪到好鬼死"尷尬"囉,俾人係咁笑呀!不過,連自己都忍唔住笑!! 難得可以買到心頭"好",加上又便喎,抵,到燦啦!! 所以,今日...唔開心既野都忘記曬啦.....成績順其自然囉...都已成過去囉......準備下一科仲好啦!! 係咪!! 嗯... 嗯...
唉! 如果,我日日都識咁諗都好囉....就唔駛咁悲哀!!! all right ??
就是豬一條......呵呵! :-D |
« | 19 | 20 | 21 | 22 | 23 | 24 | 25 | 26 | 27 | 28 | »
|
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
