今日都冇出過街，留左係屋企溫書~爸翻到黎就話唔舒服，所以夜晚媽就落街幫佢配藥...唔知點解呢排成日都聽翻D舊歌，聽到"不要對她說"既時候，就有D感觸~我覺個首歌個男仔好慘，睇住自己鐘意o個個女仔變，睇住佢同第二個一齊...仲要將自己D野收埋，唔敢同個女仔講~

有時係旺角見到D車貼陰質教育張poster，唔知爸爸架小巴有冇貼呢~

p.s:今日換左張wallpaper...我一路都想影D有香港特色既野，根住望出窗，第一眼就見到一大座舊式公屋，所以就影左黎做wallpaper~

今日翻到去，巧儀同我講校長好衰~其實校長幾時都係禁唔講理既.上到課室，校長就上黎同我地<arc>手.佢就話我個頭好型喎，其實我知佢暗串我後面頭髮~最後就對paper.冇咩突別.直到a mat堂，呀sir派完paper之後就同我地班講左D野.佢講完之後，覺得佢講得好好~佢話無論一個人讀書讀成點都好，都要做一個好人，唔好做D遺背良心既事.我聽完之後，真係覺得佢真係講得好好.Lunch之後個三堂，上左hall.好悶.不過到F.5o個個人唱既時候，雖然唔係唱得好好聽~但係成個F.5都好有Feel.到左放學我係門口等左陣善媛，同佢傾左陣計~睇完波之後，我就同左佢影相...不過冇同到巧儀，因為我見到佢好似唔係好得閒禁，而且最後都搵唔到佢...走個陣見到F.1o個個女仔，好似叫yoyo o個個~我認得佢，但係冇叫到佢，因為我驚嚇親佢，驚佢唔認得我.但係佢竟然好似好開心禁同我講byebye，byebye完佢仲要係度笑，都唔知佢做咩~

今日同滑蛋一齊行翻學，行到翻去~企左冇幾耐就見到巧儀，佢問我做咩禁呆滯.我就話俾佢聽我好眼訓.其實我<arc>佢，話曬都最後兩日翻學，唔多唔少都有D失落~對眼完全冇焦點禁望住個操場，好似好多野諗禁.上到去就對paper，唔想講成績.我唔想講並唔係因為考得差，只不過到左呢幾日，成績就好似唔再重要禁~到左Lunch，就上左music room搵陳太.陳太又問我做咩上黎呀，我又照舊答翻佢話掛住佢~係音樂室到坐到Lunch完就翻hall，係hall對中文同係禁簽名.最後放學就同曉盈一齊走...

今日星期日，十一點幾就起左身食早餐~食完早餐上翻屋企坐左一陣就去補習.補完習就照舊去姨媽屋企，今次冇同佢地食.同左表姐去APM到食.落左車行去APM既時候，表姐同我講琪表姐下年結婚~聽完之後心裡面就好不其然好開心.係APM食完野行既時候，表姐話去廁所，禁我就係門口等佢~等佢其間，有個小妹妹拎住支水行過黎我到，望住我同我揮手byebye.之後佢就跑去佢媽媽到，個女仔真係好得意~唔知做咩佢特登行過黎同我byebye完之後先走，真係好得意~行多一陣之後就翻屋企，係地鐵站個陣善媛打黎叫我救佢~初初我都唔知佢搞咩，佢把聲好似好驚禁.原來佢只不過唔識計A MAT.同佢講講下電話，我就幫佢計左如果佢係四十樓跳落黎既話，個落地速度係幾多~好似係四十幾meter/s.都幾快下...之後佢又話今日去行山，佢話下個星期叫埋我喎~睇下點先啦，話曬太多唔識既人，去到都唔係幾好既~

p.s:適當既時候，個diary就會出現~

琴晚溫完書，又睇卡通~突然之間覺得自己好似仲好幼稚禁，禁大個人仲睇卡通片.到左今朝就九點幾到就起身出去補習，去到補習社.個miss就問我"你係米form 5架".根住我話係.之後佢就話我"禁米乖仔囉，form4都上埋"~聽完佢禁講我就埋位坐.聽佢講comprehension.我睇完份paper就呆左，完全落唔到手~完全唔知認該係邊度入手.上完form4到左上form5堂個陣，個miss同我講"呀仔呀仔，你頭先都上過form4架啦.見識過D comprehension啦，覺得點呀".我就冇答佢，極為無奈.到左放學我就同豐食野，又講Euro R個尾都唔知做咩~好高.車頭同車尾根本就好唔平衡禁，都唔<arm>ratio既.翻到屋企就做phy mc.打住禁多先，因為要借個account俾琪上網~唉.唔交錢既後果真係...