今日差D唔記得出 tsuen wan 補習，好采三點半個陣望到個鐘先醒起要出去.補完習翻屋企食飯，食完之後就去左festival walk 到行左一陣~行Taste經過嬰兒部個陣，我就企左係到睇左好耐.唔知點解我覺得d奶津好靚，細細個幾得意.之後又行過麵包店，見到D蛋tart好靚~行到九點幾就翻左屋企.

p.s:自從星期五之後，我就覺得滑蛋有時好細路仔，可能佢真係一個細路仔~因為我估唔到佢見到我就行過黎 I 落我到，我都係第一次俾個細路仔禁樣 I 落黎，個感覺有D怪怪地，但係又唔會抗拒禁既~

今日訓到十二點先起身，因為好似好凍禁~二點就出有門口去補習，補完習我就係旺角行左陣之後就坐28M去姨媽到.架車等緊客既時候，我就見到姨媽上車~本來話各自各翻去，點之最後都撞到.去到佢到都冇咩點做過野，夜晚就去左打冷同埋睇極速的士.睇睇下電視，我就訓著左.訓到八點半先至起身翻屋企~翻到開左陪電腦，諗住聽日要翻學點之醒起唔駛翻，所以就冇乜心機.係以前有時間既時候，乜都冇做到真係有D後悔~誼家唯有好好珍惜呢三日~

p.s:又有冇人體會過理所當然既事消失時候心情又係點~
      又有冇試過自己有時間既時候，無做到自己想做既事，唔識去珍惜，到無時間既時候，就去後悔~

今日出去補習，淨係上form 5 冇上 form 4，上堂我都冇咩點同豐講野~由琴晚走既時候，我都冇咩點出過聲.行去補習既時候，豐問我做咩禁失落唔講野，我冇答佢.食野就自己一個人，又食吉野家~翻到屋企就一個人都冇，開電腦聽左陣mp3.媽就打電話黎問我落唔落街食野，我冇落到~到左夜晚stella@我，我就同佢傾左陣計~我突然覺得自己好好彩，因為我件事有時間去修補，而佢就冇~

p.s:我今日發現左自己有個唔係幾好既習慣，每次遇到自己唔鐘意既野就會禁，我諗我要改下.

今日放學既時候去左搵曾sir，曾sir同我同謙傾計~佢話謙係一個幾聰明既人，勁過我.不過佢話我就係一個唔識講大話既人，做野唔係好轉灣，好直wor~我都幾同意佢講既野.到左lunch就就去左music room，之後我就走左.六點半到就同巧儀善媛同埋幾個人出去~去個陣就有講野，不過走既時候我就冇咩點講野.係葵芳巧儀問滑蛋我同炸雞邊個靚仔，好采炸雞聽唔到.都冇咩點同炸雞講過野.最無奈既就係炸雞同善媛鬧交，係九龍塘鬧到幾大聲~見到禁我就善媛唔好同佢講，無謂為左一個禁既人係條街到禁樣，況且係女仔~坐小巴個陣，巧儀叫我坐單位，但係我見到善媛坐雙人位，我廢事啲唔三唔四既人坐過去，所以就走左過去坐~走既時候，去到石硤尾我就落車.我知道自己就黎見唔到佢地，自己一個人落車個陣，我真係好down~個陣時我望住善媛巧儀佢地，唔之點解突然好down~我唔知呢啲係米叫唔舍得. 巧儀今日問我自己唔係屋企整野食，我就好自悲細聲禁同佢講我唔識，我淨係識識地整公仔麵~

p.s:過左今日，我覺得佢終於翻返黎呢個世界~

今日考bio，long ques 就冇相象中禁難~到左mc就，唔好提喇.做mc期間， 謝sir監考.佢唔知做咩坐係距離我幾行幾地方，係度望住我，又係度畫野禁~都唔知做咩.到左放學，見到巧儀同善媛上pe.因為落雨冇帶傘，所以就同佢地傾左一兩句.巧儀話佢聽日逼住同炸雞出街，佢話本來以為冇佢會好開心，點知原來佢根埋一齊出，即刻冇曬mood~講完之後，我就走左.因為好肚餓.上到車見到迪迪，巴士經過車行個陣我就見到架法拉利，所以同佢傾傾下就講左車~同禁多人傾計，終於有人知我最鐘意既係邊架喇< aston martin >.呢架野簡直唔係車，係一件藝術品，又睇得，又聽得，真係好靚~有錢都買翻架.去到葵芳就食吉野家，食完就翻屋企.翻到屋企溫左陣書就出去補 phy~今日呀sir又講笑，問我地如果地面冇friction，點先可以行到.(試下從 action and reaction 去諗，過幾日開估).

p.s:我換呢張wallpaper並唔係因為我鐘意周杰倫，我只不過鐘意呢套卡通同架車~