| «‹ July 2025 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 | |
|
好味但好貴~~  |
|
今早接阿媽出院!!之後去食飯,佢有好介紹,我o地由佐敦行去旺角!!去o左一間老字號食,叫"富記",
嗌o左一碟滑雞飯($30),一碟梅子排骨($43),一碗湯(唔知咩名)($30)同一碗白飯($5)!!樣樣都大大碟,
尤其係o個碗湯!!不過d野好好食,但好貴!!咁又係,話晒都係老字號,去食o個d人都係上o左年紀!!食到勁飽呀!!
食完我要去福利署搵社工,阿媽就自己搭車番屋企先!!搞o左一陣就番屋企了!!
 |
| 刊登時間：2007-08-28 11:20 PM [ 訪客留言(0) ] [ 編輯日誌 ] [ 分享至FACEBOOK ] |
病到死~~  |
|
今日咳醒o左!!慘...尋晚預約o左11點睇醫生!!未去過,唔識去,搭的士!!係政府醫院o黎!!本應我唔使比錢睇,
因為屋企拎綜援,只要拎張綜援紙去就得了!!但尋晚阿媽入o左醫院,拎埋張綜援紙去,所以冇拎去睇,
其他醫院之後補番都得o既,但呢間唔可以!!要比$45!!等o左9個字到我!!個醫生都只係開o左支咳藥水比我!!
番到屋企食完藥就訓了!!訓訓下,玉清打o黎,佢話本身佢今個星期hold cell,但佢唔得閒,想叫我幫佢hold,
今次係同筋斗雲合cell hold cell,本應自己都病,唔想諗野,但算啦,都冇咩做,應承佢啦!!之後繼續訓,
訓到家姐出去!!3點幾自己煮飯食,食食下,阿媽打o黎叫我買飯比佢食!!要去探佢,6點幾去到,探到7點半到!!
ps:今日發現o左一樣野,就係楊千嬅o係10月開演唱會,我好想去睇呀 !!
唔知有冇人想去睇呢??如果有人想去睇o既話,記得同我講呀!!冇興趣者別出聲!!
|
| 刊登時間：2007-08-28 02:04 AM [ 訪客留言(2) ] [ 編輯日誌 ] [ 分享至FACEBOOK ] |
| 食齋~~ |
|
一起身就打比阿威叫醒佢,原來佢醒了!!o岩o岩好8點3番到書院!!之後阿威同阿豪番o黎,都估到阿豪會番!!
上到去坐最後o個兩行,差d要坐最後o個d位!!病o左,咳到死,崇拜想唔戴口罩都唔得喇!!雖然好多新人番崇拜,
但都係得10個!!完o左崇拜阿威走了!!多謝你番崇拜!!感動T.T之後團會,Panda唔o係度,Stella講主日學!!
之後係儀仔同吉昌搞o既一個活動,類似彈牙派搞o既咁!!玩二人三足傳波仔,即係用繩綁住隻腳(二人三足),
而手就拎住乒乓球拍,乒乓球拍上有個乒乓波,就要我o地以cell鬥,分兩邊,由一邊傳去另一邊,
期間唔可以掉個波落地下,掉o左落地下要重新再行過!!我同gini一組,初初惠君,阿草兩組試都唔得!!
之後我o地試,我o地最勁都係行到一半!!最後比阿發同阿豪試,竟然得!!呆o左!!最後係New牙嬴o左!!
吉昌總結講個故仔都好好!!之後係實習助導分享,佢o地要離開大板牙了!!晨祈宣傳...雜誌宣傳...校園祈人??
雖然我係晨祈,但我因為星期五o個日唔得閒冇去開會,所以咩都唔知!!之後組長吶喊...同阿豪講校園祈人,
問佢會唔會參加,但佢...完o左組長吶喊,佢話得,但原來要決o左志先得!!之後去大滿貫食飯,
6個女仔堆埋4個位食!!4個男人一張枱!!之後番書院,助導3點要去新堂聽咩咩(唔記得o左),仲有半個鐘時間,
就同我玩波子棋,本來聲波都得,但佢有野做!!7樓唔玩得,我o地去o左6樓樓梯下企o係度玩我o地玩o左兩盤,
我嬴o左一盤!!玩完佢o地過新堂!!本來我都可以去o既,但今晚我要同屋企人去食飯,因為要同媽咪預祝生日,
屋企人會5點幾6點去到,等佢o地電話,所以都去唔到新堂!!我就同阿瑤去打波!!打打下又傾計,傾傾下又打下!!
期間又執下場地!!最後6點幾先打o黎叫我去始創食飯,原來係食齋,呆晒!!打多一陣同佢o地一齊走了!!
搭地鐵去始創!!大家姐又話間野o係5樓,邊有5樓呀??點知原來o係3樓,真係比佢玩死!!但大家姐未出現,
二家姐就出現o左,o係度等位!!佢好忟,大家姐打比佢叫佢出得o黎,點知出到o黎反而要佢等位,
仲要等o左成粒鐘都未有位,比著我都忟啦!!我知大家姐都係遲到o個隻,好在我都打多幾個字波先o黎啫!!
之後大家姐同阿媽先出現!!等o左好耐終於有位喇!!佢o地叫我嗌野食喎,我都未食過齋o既,點知食咩呀??
叫我嗌都嘥氣!!嗌o左幾碟野,佢o地知我鐘意食酸甜排骨,就叫o左一碟!!呢碟都幾好味!!
我都係第一次食候頭菇o架咋!!叫o左o個煲湯就幾難飲!!但佢o地話對我好,要我飲多d!!阿媽話呢間野好好食,
話下次都會o黎!!吓...下次??唔好喇o掛!!實際上,食齋呢家野都係唔o岩我!!d野食真係麻麻地!!
如果唔係同媽咪搞生日,都唔會食齋!!下次咪搞我!!食完大家姐同阿媽行一陣,我同二家姐番屋企先!!
|
| 刊登時間：2007-08-29 12:52 AM [ 訪客留言(0) ] [ 編輯日誌 ] [ 分享至FACEBOOK ] |
好男好女大激鬥~~  |
|
今日要12點番到書院,因奇兵影相!!但我12點先食飯,所以都搞遲o左,1點先番到去!!去到門口吉昌打o黎,
原來佢同gini,惠君,一d新人番o左o黎!!奇兵影相先!!o...麗娜決志了,恭喜你!!唔知阿豪幾時決志呢??
今日係好男好女大激鬥o既團契,男仔要著黑色衫,女要著白色衫,我都好少見吉昌著黑色衫(聖樂衫除外),
覺得好怪!!gini話2點團契,我之前唔記得o左o添!!好在阿豪知啫!!之後就去MTR接阿豪佢o地,
原來佢o地o係黃大仙中心行緊,叫佢o地要番書院!!因為我病o左,口嚨好痛,係咁咳,所以都買o左兩個口罩戴!!
團契坐地下!!又係一年一次o既男同女鬥,唉...其實我好唔鐘意咁o既團契,有d無聊!!因為無咩新意咁!!
今日仲要口嚨痛o添,都冇嗌口號,個樣死死下咁,做咩都好似提唔起勁!!團契完o左開cell,原來今日冇場地,
係梳化位開cell!!康莉hold cell,玩3人4足,用報紙撐高,但d報紙好少,但竟然輸o左!!完o左阿豪佢o地走了!!
之後整家聚,點牙hot 1,阿芝連續4星期都達到目標~~恭喜你o地!!完o左點名...cell35,點牙25,揹牙10!!
仍然可以keep住有30人以上o既人數!!點完同瑤佢o地打波,但d男仔...唉...唔打了!!同cell佢o地玩何仔公,
好好玩,玩到助導要開會就完了!!玩完再打波,今次鬥波,鬥鬥下,阿威打o黎話我知佢聽日番崇拜!!好感恩呀!!
因佢走時都叫佢聽日番!!繼續打,玉清o個兩個新人打波好勁!!打到6點幾走了!!
|
| 刊登時間：2007-08-26 01:39 AM [ 訪客留言(2) ] [ 編輯日誌 ] [ 分享至FACEBOOK ] |
確認學位~~  |
|
今早7點5先起身,遲o左3個字番晨更!!完o左團有8個人,但助導佔o左4個,小羊得我,Alex,瑤同美君番!!
之後去吉之島食早餐,原來去吉之島食早餐都係一個唔錯o既選擇!!好味,好平,好大碗!!
食完我諗住去城大確認學位,之後去旺角搞埋d入息審查d野就番屋企了!!但阿瑤話佢下晝有聚,唔想番屋企!!
但之後都唔知做咩好...話去打波,佢又冇波!!最後番書院上7樓玩波子棋!!聲波本來話要去打大佬,
之後再同大三團去睇戲!!但之後又話唔去睇戲,同我o地一齊玩!!有我,雜誌,瑤同聲波!!玩o左3盤,嬴o左兩盤!!
玩到2點到!!原來晨祈要開會!!原來尋日係盧慧玲打o黎!!之後同聲波去牛車水食飯!!食完去城大了!!
我識去城大,但那個環保樓就唔知係邊,搵o左好耐,仲打埋電話問都唔知!!幾經辛苦都搵到了!!上去拎籌等叫,
那個班房o既人冇個識,成間房好靜!!搞到我都好驚!!之後嗌我了!!去第2個班房...都只係交資料!!完!!
本來諗住去埋旺角申請入息審查d野,但可以寄去的,不去了!!搵瑤打波!!佢o係新堂傾計!!去到打大佬先!!
之後去摩士...但冇場!!佢又唔敢問d弟兄拎波!!最後都拎了,阿席要我o地打到6點走!!我o地番書院打!!
射Key!!射射下,隔離團有個男仔走o黎一齊射!!好玩!!玩到6點,比番個波弟兄走了!!
|
| 刊登時間：2007-08-24 11:53 PM [ 訪客留言(0) ] [ 編輯日誌 ] [ 分享至FACEBOOK ] |
« | 32 | 33 | 34 | 35 | 36 | 37 | 38 | 39 | 40 | 41 | ... | 109 | »  |
2007 年 8 月 28 日 星期二 
