| «‹ June 2025 ›» | | S | M | T | W | T | F | S | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 | | 29 | 30 | |
|
探阿媽...同導師助導食飯...  |
|
探媽媽...買麵包比佢食!!拎埋校福旗去,好在可以拆出o黎!!去到8點幾9點走!!諗到還掂都要出去食!!
不如同導師助導食!!因為導師助導要開會,可能就o黎完,我搭3C會經書院,就打比吉昌同佢o地一齊食飯,
如果佢o地宜家完,就同唔到佢o地食!!吉昌冇聽,打比阿草,佢話仲未開完,都要9點幾先開完,我仲o係佐敦,
去到都差唔多時間,到o左書院打比佢!!差唔多到書院了,阿草話開完,叫我去黃大仙地鐵站等佢o地!!
當我上到書院出面條橋就見到d導師助導走緊,仲見到吉昌,阿草,儀仔佢o地!!覺得好搞笑!!我落MTR等佢o地,
諗住佢o地會落MTR,阿草竟然話去聚福樓食!!下...又行番上黃大仙中心o個條樓梯!!原來佢o地仲未行到o黎!!
好多人見到我都問我仲咩o係度,我要講100次了!!哈!!加埋我,團有10個人!!全部都係導師助導!!
食鰻魚烏冬呀!!正!!今日有香港小姐競選睇,o岩o岩好去到頒冠亞季o既時候,季同亞都頒o左,冠軍就未頒住,
但剩番個三個港姐都好樣衰!!揀邊個係冠軍都揀唔落手!!點知冠軍係3號張嘉兒!!o...no!!好樣衰!!全場哄動!!
我o地仲好大反應o添!!琼兒o係隔離枱,我o地講笑話提名琼兒參與港姐!!但竟然燒埋我o個疊,
皆因上年港姐冠軍陳茵薇英文名叫Michelle,所以咪話我囉!!食完之後都11點幾,同阿敏,阿草番屋企!!
 |
| 刊登時間：2007-07-28 01:10 AM [ 訪客留言(0) ] [ 編輯日誌 ] [ 分享至FACEBOOK ] |
最後一日o既戀愛祈兵~~  |
|
今日7點幾起身番晨更!!call人...點解我求你番晨更都唔肯去番呀??我唔明呀!!雖然由今日開始8點先開始,
但我都係遲到!!個團都係好少人番!!靖嵐都有番呀!!個cell得我一個番晨更呀!!真孤獨!!完o左點名,
點知成兩個月都冇人點過!!悲哀!!之後去五十嵐食野!!碗粥好好味!!食完速番新堂"戀愛奇兵"!!趕得切!!
一開始好似尋日咁敬拜神!!最後頒貞潔約章!!完o左成團一齊相約天下第一腩見面!!同惠君sharp一個粉食!!
好好味!!食完都冇咩做!!名惠君番新堂坐o左一陣,之後佢又要番書院R團契!!我就自己一個去23整校福旗!!
整o左好耐下,又同弟兄姊妹玩下!!搞到6點到就唔整了!!嘉莉佢o地都R完!!我上去搵惠君一齊走!!
差唔多7點番到屋企!!8點幾都幾得閒,同gini佢o地o係msn度傾組o既野!!點知阿媽突然同我講要同佢搬床!!
由某處搬去某處!!點解要宜家喎??o係人o地最唔得閒o既時候叫人做野!!咁大工程...唔使旨意搵新人啦!!
打番個電話比gini都比阿媽鬧!!最後...果然不出我所料,搞到成粒鐘,o個陣都差唔多10點,又要我沖涼先!!
沖涼都10點多,先得閒去搵新人!!感謝神,我d新人都有所增長!!搞到差唔多11點先報得數!!對唔住!!
|
| 刊登時間：2007-07-21 01:28 AM [ 訪客留言(2) ] [ 編輯日誌 ] [ 分享至FACEBOOK ] |
| [ 此日誌受密碼保護 ] |
|
|
| 刊登時間：2007-07-20 12:45 AM |
戀愛祈兵...整家野...R團契獻詩~~  |
|
今日戀愛祈兵,又遲到喇!!一番到去有個敬拜o既環節!!小息後跟cell坐!!好快完了!!阿芝又番屋企食!!
我o地去牛車水食!!之後一齊去睇野!!因為尋日吉昌話叫我2點番書院幫手整家福音月o既野,我答應o左!!
本來惠君都要幫手,但佢今日先知下個星期我o地團負責o既音樂團契有佢份hold,要番書院R,冇去整野!!
原來整＜一蚊．雲吞．婉君＞o既扇做宣傳,要整好多,希望o係今個星期出到!!整到4點幾都差唔多整完咁滯!!
我5點番新堂40號房要R團契獻詩,一開始係我o地獻詩R,唱咩歌??唔話你o地知住!!第二場得一個人番o黎R!!
點知R o左10分鐘到,阿強叫我o地走得!!聽到都 O o左嘴!!番o黎R o左10分鐘!!好在我今日已經出o左o黎!!
|
| 刊登時間：2007-07-19 07:51 PM [ 訪客留言(1) ] [ 編輯日誌 ] [ 分享至FACEBOOK ] |
家祈禱會~~  |
|
今早番戀愛祈兵!!好多人都遲o黎!!我今日心情唔係太好!!今日作死佢,好眼訓,無心機聽吳振智牧師講野!!
就算我點"卒"對眼,都係撐唔大!!但合埋眼都聽到佢講咩!!幾經辛苦終於都完喇!!去金牌食野!!紫米露好好味!!
之後番書院祈禱會,趁仲有時間,諗住去摩士book場,因為cello係8月11日打羽毛球!!但點知比人book o左!!
book唔到!!就番祈禱會!!今次儀仔hold!!祈禱會最後o既時段係圍圈為8團祈禱!!今次祈禱會都幾好!!
完o左之後都冇野做!!惠君唔講我都唔記得o左今晚有讚美祈禱會,佢諗住番,問我番唔番,我都諗住番!!
但而家只係3點幾,仲有4個鐘,就諗住番新堂!!佢睇聖經,我整校福旗!!我o地都諗住番新堂!!
但阿草話因為出o左o黎好耐,叫我o地唔好番!!搞到惠君都話唔番!!我就想番!!最後都番o左新堂,佢o地走人!!
我番去新堂整校福旗!!整整下,高嘉謙番o左o黎,佢嚇我!!我太認真整喇,比佢嚇到o添!!佢讚我呀!!哈哈!!
本來都諗住番祈禱會o架!!諗諗下都唔想番喇!!最後都冇番!!6點鐘走了!!
|
| 刊登時間：2007-07-18 10:47 PM [ 訪客留言(2) ] [ 編輯日誌 ] [ 分享至FACEBOOK ] |
« | 37 | 38 | 39 | 40 | 41 | 42 | 43 | 44 | 45 | 46 | ... | 109 | »  |
2007 年 7 月 21 日 星期六 
