| «‹ June 2025 ›» | | S | M | T | W | T | F | S | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 | | 29 | 30 | |
|
晨更...迎新日...  |
|
今早番晨更,打電話比吉昌同儀仔,儀仔話佢部電話壞o左,要我call佢!!眨下眼d時間過得好快!!都未換衫o添!!
拿拿聲出門口!!已經搭10了,又未有巴士o黎,搭小巴又勁遲番到去,所以決定搭的士,雖然咁樣會好嘥錢,
不過會最快番到去!!上到去o岩o岩開始了!!因為病o左,所以好難唱到歌!!佢o地都見到我整o左負離子!!
儀仔,杯麵,吉昌同我番,原來嘉莉都有番!!真淒慘,越o黎越少小羊番晨更了!!之後我o地去KFC食早餐,
抽筋跟我o地一齊食!!KFC開o左一半,等佢開晒!!開o左之後有好多人排隊,我o地去搵個靚位坐低先!!
之後去買野食,嘩...原來KFC d早餐有好多!!買齊之後抽筋帶祈禱!!d野食好好味呀!!不過d薯蓉好難食,
同其他KFC d薯蓉唔同!!食完傾計,坐到夠鐘先走!!今日係毅進迎新日,我10點要去九龍塘城大迎新!!
之後我o地搭地鐵走!!我同吉昌搭去油麻地o個邊走,而抽筋同儀仔搭調景嶺o個邊走,杯麵一早走o左!!
我只係搭一個站走了!!去到城大,又係盪失路,雖然有地圖,但我都係唔識去,要問人!!終於知o係邊了,
但要上斜,有排行!!行行下,突然有個人同我講野,佢都係參加迎新日,亦係我將來o既同學!!
但我見佢好似唔多捱得,只係有d熱,就話熱到死!!o個個同學稱呼自己做雪女,佢住o係離島(坪洲)咁遠!!
咁終於去到了,要登記才可入去!!登記時佢要你將個有名o既貼子貼o係件衫到,入到去,已經分好組了,
我係第3組!!等齊人先開始!!每組都有一個導師跟!!有兩個人企o係張櫈度講野!!原來第2組都係我o地班的,
但我見第2組d人玩遊戲時好唔合作,望住佢o地又好似啤住我咁!!玩d遊戲都幾無聊,d遊戲我以前都玩過,
仲悶過開cell玩o個d!!主要係互相認識,我o個組有個女仔都係叫Michelle,同我一樣,有兩個Michelle!!
我o地組有d人好熱情,好nice!!好慶幸自己唔係o係隔離組!!我都差唔多記得自己組員d名了!!之後睇片,
關於毅進,同番學o既事!!最後派時間表(我會show出o黎),11點幾完!!之後同3個同學一齊走!!
走時見到第2組o既一個男同學,見佢都幾nice,我o地叫佢,佢叫葉應輝,但我覺得佢好似葉文輝(啤梨),
佢o地個名都只係差一個字!!又同佢一齊行!!又撞到將會教我o地美容o既老師,佢又係叫Jessica!!
身邊有好多人叫Jessica!!我o地問佢好多野,都唔記得問佢咩了,都唔係我問!!之後佢o地話一齊去食野,
但我因為今日番晨更搭的士,又食o左早餐,唔想再用錢了,所以冇同佢o地去食飯,番屋企食飯!!o係臨走時,
我o地都互相交換電話號碼,o個4個同學,佢o地叫:阿貓(慈雲山),筱婷(觀塘),葉應輝Frankie(唔知佢住邊),
阿Wing(藍田??忘了)!!就係呢4個朋友!!迎新日就識到佢o地好開心呀!!阿貓仲係住慈雲山,
佢同阿草都係住慈樂村,以後大家可以一齊番學!!交換電話號碼之後,我就番屋企了!!
 |
| 刊登時間：2007-09-24 04:25 PM [ 訪客留言(0) ] [ 編輯日誌 ] [ 分享至FACEBOOK ] |
| 公仔麵變意粉(頭髮電番直)~~ |
|
下晝大家姐話去整頭髮,但佢就6點幾到!!我去整頭髮先!!本來我應承o左Jessica尋日比份野佢,擺低o係書院,
但尋日肚痛番唔到去,唯有今日番書院擺低份野!!同埋要番去點名!!但一o黎我趕住去整頭髮,
二o黎書院5點先可以入去,加上上o左車先記得永光仲未放學!!3點到,咁點算呢??唯有send訊息比嘉莉,
問佢幾點放學!!見佢o地都就o黎放學,o係書院附近等嘉莉出現!!見佢咁耐都唔覆,就send比敏欣,
敏欣覆o左我,佢o地仲未放學,但佢o地又唔係一班!!見有永光人放o左,就打比嘉莉...飛去留言!!
敏欣都唔係好理我,我打比美君,佢仲未放!!等到4點3,打比敏欣終於放了!!叫佢幫我叫嘉莉出o黎!!
明知o係訊息打o左有急事啦!!可以當冇回事咁o架??我終於等到嘉莉了!!比o左份野佢,同埋叫佢幫我點名!!
真係唔該晒!!之後拿拿聲去九龍灣電頭髮!!去到都差唔多5點了!!要整幾個鐘,唔知會唔會阻住人o地收工呢??
電負離子+焗油=$406之後就整了!!焗緊油時,惠君打o黎問我做緊咩!!我電負離子呀!!佢話電o黎電去,
d頭髮會好傷!!我都知,但鬈頭髮實在太難打理,太煩了!!好處就係得個靚字,其他好處就冇,壞處多多!!
加上我電鬈o左都差唔多半年啦,我d頭髮都直番咁滯,最弊唔係直,係唔鬈又蓬鬆,成個暴風女神咁!!
6點幾,大家姐o黎o左,我冇理佢!!佢好似係焗油!!但都幾多人整頭髮!!去到夾完頭髮了,仲差少少就整完,
吉昌就打o黎,問我做緊咩??我電負離子!!我要轉look呀!!本來我係唔想咁快比佢o地知我整負離子!!
嘉莉係我逼於無奈先話佢知,平時吉昌都唔會打比我,咁o岩o係我電緊頭髮先打o黎,唔講都唔得啦!!
搵次神秘感得嗎??電完之後,覺得怪怪地咁!!係我睇唔怪定係個師傅整得唔好呢??大家姐就話d陰冇咁好睇!!
算啦!!我覺得ok啦!!應該係睇唔慣啫!!整完之後都9點幾了,好肚餓呀!!我o地就去搵飯食,
去o左一間食上海野o既鋪頭食飯!!不過d野唔多好食!!但食o左$130到!!又貴又唔好食!!
雖然我買o左d衫褲同對鞋,但阿媽叫我唔好比大家姐知,叫佢買多對鞋比我,可以替換!!咁唯有順佢意!!
我又唔可以比大家姐知我有新堂,都係著住對爛鞋出去,因為後日係迎新日,所以佢叫我去睇下d鞋o岩唔o岩!!
好夜了,d鋪頭都關晒門!!得番o個間鋪頭仲未收,係買"遮仔"d野!!佢同二家姐一樣,見到對鞋靚d就叫我買!!
我覺得唔靚,所以冇買到,好在我買o左鞋了,如果唔係迎新日唔知點算!!之後各自番屋企了!!
|
| 刊登時間：2007-09-22 12:50 AM [ 訪客留言(1) ] [ 編輯日誌 ] [ 分享至FACEBOOK ] |
| [ 此日誌受密碼保護 ] |
|
|
| 刊登時間：2007-09-21 11:40 PM |
| 煽情的分享...培談員訓練班... |
|
今日8點番到書院,見到gini,我o地坐o係canteen d櫈度!!吉昌坐o係梯邊,見唔到我o地!!我o地冇叫佢!!
嘉莉番o黎見到我o地!!齊人上去崇拜,發走了!!本來有13人,係有史以來最多人o既一次,但發冇番崇拜,
破唔到紀錄!!今日係Jessica同崔蚊做主席領詩,郭達天,Ellen,儀仔獻詩,其他唔知!!完o左之後我以為團會,
點知咁快cell分享,可惜gini走了,培談訓練班再番o黎!!今次我分享,詩歌分享...重演這生(一開我日記就有),
連助導都未聽過!!我開頭有d驚,之後冇野了!!講我細個唔開心o既經歷比大家知!!唔知你o地聽完有咩感受呢??
我講呢d野,只係想你o地了解我更多!!但我欠缺眼神交流(我預備時都知,但我覺得已經係最好)!!
講o左咁多煽情o既野之後,吉昌同我o地講經文!!之後家會,今個月有5個升家員,有4個:阿豪,Brian,
Flora同"基佬"(唔識串個名,佢唔識我,但我叫佢基佬 )!!可惜得救同十分一冇人拎同交!!之後去食飯,
因為時間好短,所以o係大快活賣外賣,仲要跑去同人爭!!好在跑得快,唔係有排排,但吉昌佢o地遲o黎!!
食完o係操場搞士氣大會!!之後立即上大禮堂聽培談員訓練班,未開始時好眼訓,開始o左唔眼訓了!!
聽完之後同佢o地一齊走!!都幾早...差唔多5點,唔想咁早走!!但佢o地要做功課!!去到地鐵站之前,
阿媽打o黎話同我去食壽司,叫我等位!!好在佢打得合時,再遲d我就搭車了!!之後我就去太子食壽司了!!
|
| 刊登時間：2007-09-21 11:32 PM [ 訪客留言(0) ] [ 編輯日誌 ] [ 分享至FACEBOOK ] |
| 食壽司+買衫~~ |
|
我先去始創中心,5點幾咁早,邊有人排隊等位呀!!我就周圍行下,行o左一陣,二家姐叫我去拎o左位先!!
o係裡面等佢o地o黎!!等o左好耐佢o地先到,都6點幾了!!一到6點,門口成大排人等位,好在我o黎o左等位先,
唔係唔使食!!上次同大家姐食,今次同二家姐食!!本來都有叫大家姐o黎,不過佢唔得閒!!我o地食到好飽呀!!
好好味!!食完二家姐同我去買衫,阿媽比o左$1000佢!!去o左i.o.s度買!!佢一見到o岩心水,就叫我攞去試,
唔使問我鐘唔鐘意,唔使睇價錢!!不過佢話試啫,又唔係一定要買!!咁又係,但鐘意先試得落o架嘛!!
呢d咪係佢個性格囉!!試完之後都幾好睇!!佢都覺得好睇,二話不說o既佢就去o左比錢!!買o左兩條短褲,
兩件衫,4百幾蚊到!!之後制花園街,噫...撞到麗霞喎,佢話佢o係度住!!之後阿媽番屋企,
我o地去o左家樂o個邊行,又買o左d野,噫...藍威打比我,傾o左一陣!!之後行去波鞋街買波鞋!!
我都唔知點解我對鞋會著到爛成咁!!佢話叫我買converse!!不過二家姐d性格又o黎喇,佢睇中o左對米色鞋,
覺得隻色易襯,試o左先算!!佢係咁叫我買,但我又唔鐘意隻色!!都係貫徹我o既性格,睇定d先買!!
行到某間鞋鋪...有隻白色面,紫色邊o既鞋,二家姐話幾靚,我一睇就好鐘意了,因為我鐘意紫色嘛!!
試o左之後都幾靚,就買o左!!之前睇o左咁多間鋪頭都無我呢對鞋買,會唔會係賣剩呢??不過點都好,
我覺得靚咪得囉!!哈哈!!之後行旺中買野!!最後佢話佢買剩得番$10!!佢約o左佢個friend出o黎食野,
佢個friend帶埋佢個boy friend出o黎!!去o左一間叫極之好茶餐廳(記得叫呢個名??)食野,因為食得好飽,
所以同二家姐一齊Share食!!食完佢個friend走了,咁無聊o架!!只係出o黎食野就算!!不過已經12點幾了!!
都同二家姐搭車番屋企!!我比錢...1個人$7,我比o左$20個司機,我落車時同o左個司機講2個,
個司機竟然找番$13比我@.@我唔係找錯o左唔同個司機講,而係我落o左車先知,想講都冇用啦!!
|
| 刊登時間：2007-09-21 11:27 PM [ 訪客留言(0) ] [ 編輯日誌 ] [ 分享至FACEBOOK ] |
« | 27 | 28 | 29 | 30 | 31 | 32 | 33 | 34 | 35 | 36 | ... | 109 | »  |
2007 年 9 月 21 日 星期五 
