| «‹ July 2025 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 | |
|
奇兵食飯...歡送妹妹~~  |
|
到o左7點到,原來佢o地都仲未決志去邊度食!!救命@.@所以問助導,佢o地都話嗌餸食飯係最柢!!
莫翹只係陪我o地去到新蒲崗就走了,因為佢有野做!!而Jessica就要跟家祈,因聽日家祈,同唔到我o地去食!!
最後決定去新蒲崗o既七喜度食!!我o係李求恩度讀o左6年,從未去過七喜度食飯!!我o地由書院行去新蒲崗!!
得我o地燕,欣,嘉,棋,財,超,傑7個去食!!我o地叫o左一個梅菜扣肉煲,一個魚香茄子煲,一碟霸皇雞,
一碟椒鹽咩咩通菜同一碟咩咩魚,加多7碗飯,每人一碗!!一路都有講有笑!!d餸好好味!!最後每人夾$38!!
食完去7仔買思樂冰飲,每人一杯,雖然好飽,但都要比面飲思樂冰!!之後去公園坐低影相同傾計!!
妹妹星期一要飛去英國喇!!所以我o地奇兵都送o左我星期五寫o個本簿比佢,佢好感動!!
今日呢餐都係同佢Farewell o架!!因為o個陣都9點幾,聽日又要番崇拜,所以送完要走了!!
我同燕媽去搭20號車番屋企走了,佢o地行去黃大仙!!我o地同分手時,妹妹好唔捨得,就喊o左出o黎!!
傻妹o黎o架,其實我o地都好唔捨得你o架!!但冇計啦!!上帝必定會與你同在!!我同燕媽搭車番屋企了!!
 |
| 刊登時間：2007-09-04 01:27 AM [ 訪客留言(0) ] [ 編輯日誌 ] [ 分享至FACEBOOK ] |
| 同筋斗雲合cell hold cell~~ |
|
今日團約12點半番書院整團道歉物,但我食埋飯先出去!!1點幾番到去!!阿威番唔到,得阿豪一個番!!
之後上去團契,主題係:汕頭婦女權益會曾好珠紀念中學的好故事!!玉清,嘉莉同惠君都有份hold!!O...
玉清那個"可愛"動作,笑死全場!!但潮爆o既現出仲好笑!!但今次個團契都有d悶!!音響今日搞咩??全程都冇聲!!
之後去38開cell,今次同筋斗雲合cell開cell,而我同大寶hold!!本來今次o既開cell唔係我hold,係玉清,
不過佢要hold團契,佢星期一已經搵我幫佢hold cell,我應承o左佢!!第一個遊戲係我負責,因為係我諗到o既!!
就係o係某一次o既團會玩過,相信大家都忘記了!!我覺得好好玩,所以今次開cell玩!!玩完第一個遊戲之後,
就唱番首歌,呢首歌叫:同有一顆心思!!吉昌彈結他!!以為自己都識唱o既,但吉昌話要好高音的!!我呆o左,
比第二個唱!!第二個遊戲係大寶諗o既,聽音樂,仲問問題咁爭櫈仔,都幾特別o丫!!本來大寶講總結,
不過佢生"痱之",所以都係由我講!!但個總結都好短,我覺得d新人會唔明!!其實係大寶話個總結唔使咁長o既,
如果係我自己一個hold,總結時我會講好多!!多唔係問題,總結係成個開cell最重要o既一個部分,
最緊要係要d新人明白!!哨牙唱cell歌先,聲波帶,但竟然帶錯...笑死!!之後筋斗雲唱!!開cell完了!!
之後cell聚o左一陣講少少野!!我叫阿豪留低講關於決志o既野,gini都留低!!gini要我以問答o既方式問阿豪,
但我要點名,gini講住!!解釋o左幾樣野同問o左幾樣野,但以阿豪o既性格,佢識都話唔識!!
最後佢趕時間都同gini一齊走了!!因我夜晚要同F.5奇兵組一齊食飯,所以都留o係書院,等到7點才出發!!
|
| 刊登時間：2007-09-04 12:33 AM [ 訪客留言(0) ] [ 編輯日誌 ] [ 分享至FACEBOOK ] |
晨更...團聚...寫簿...  |
|
今日7點半先起身,拿拿聲刷牙換衫走人!!8點3番到新堂!!完o左之後...呆晒...得我,嘉莉同美君3個番!!
尋日打比吉昌,佢話佢自己一定會番到晨更!!唉...點知落到樓下見到吉昌!!原來佢遲o左好多番o黎,
但2樓對門鎖o左,所以入唔到o黎!!之後諗住行去食早餐,但竟然收到晨祈資料組一齊食早餐o既電話!!
乜尋日陳超講o左咩??我冇聽到o既??唉...都係要同晨祈一班弟兄姊妹食!!同佢o地去五十嵐食!!
而吉昌佢o地去o左牛車水食!!我o地一路食,一路開會,傾關於葛福臨佈道大會o既事!!食完就番書院團聚!!
美君唔o係度,儀仔同阿強都番o左o黎!!團聚都係靈修,完全唔知段經文講咩!!2點半晨祈要開會,我要等到下晝!!
其實我有野做,F.5 camp奇兵組(我o地)要寫本簿比妹妹,因為妹妹遲d要去英國讀書,所以寫本簿比佢留念!!
但我又唔係好想寫,又見儀仔同吉昌無野做咁無聊,所以提議拎副波子棋落o黎玩!!我拎埋五子棋玩!!
先同吉昌玩五子棋,大家o既勢力都係咁上下!!之後加埋儀仔一齊玩波子棋,玩o左3盤到!!O...3盤都係我嬴!!
之後去大滿貫食飯!!阿強同儀仔買飯先!!我同吉昌都唔係好肚餓,早餐都未落隔,我決定同佢share一個飯食!!
食完我o地一齊番書院,儀仔同吉昌就走了,儀仔番屋企,吉昌唔知佢去邊!!我同阿強上7樓,但我上到去,
嘉嘉要我寫番本簿先,因為要寫3版咁多,所以都幾嘥時間!!一路寫,一路玩!!寫o左好耐先寫完!!
都冇去幫晨祈手整野了!!聽日同筋斗雲cell hold cell,會唱歌!!但唔知o個首歌叫咩名,只係知點唱!!
之前尹嘉誠話叫<愛心相牽>,但其實唔係!!原來首歌叫<同有一顆心思>!!最後搞到6點幾先走!!我,阿草,
尹嘉誠同大寶夜晚一齊駁線傾開cell d野,個個都唔出聲...搞到我呆晒 !!講完某樣野,都係冇反應!!
|
| 刊登時間：2007-09-01 12:24 AM [ 訪客留言(0) ] [ 編輯日誌 ] [ 分享至FACEBOOK ] |
| cell聚去Stella屋企~~ |
|
今日cell聚Stella屋企,應該係家員校福長聚!!我o地約9點9 o係黃大仙地鐵站等!!Panda遲d o黎,
聲波病o左去睇醫生,玉清未到!!之後組長抽籤,抽助導同抽邊d人一組去買材料,因為今日去Stella屋企打邊爐,
所以去買打邊爐o既材料!!最後嘉莉,草,康莉,我,生一組,gini,吉昌,芝,玉清,惠君一組!!之後抽買材料o既紙!!
之後出發買材料!!我o地要鬥買材料買得最平!!最後我o地買剩5毫子!!隔離組竟然買剩六十幾蚊!!
買完聲波出現o左o係吉昌o個組度!!之後出發九龍灣o既Stella屋企!!Stella住淘大花園J座,
原來o係大馬路邊,兜o左一個圈先搵到!!去到佢屋企喇!!間屋都幾細下,不過佢同Jason兩個人住,都OK啦!!
去到我o地就玩,我同吉昌,玉清,惠君,生4個玩大富翁,Jason做銀行!!副大富翁仲要係未玩過o架,
我o地第一手玩!!其他人有d玩Will,有d就整野食!!大富翁好好玩,我買o左兩個公共事業,好多錢收!!
仲買o左最貴o既太平山!!玩玩下,Panda o黎到!!吉昌同玉清玩到差d冇錢!!玩o左都幾耐下,就要食野了!!
玩過幾次大富翁,玩得最耐就係今次!!諗住食完會繼續玩大富翁,完整無缺咁擺o左入房!!由惠君帶祈禱食野!!
好多野食呀!!有雜丸,腸仔,金菇,烏冬,生菜...仲有汽水飲o添!!康莉同阿芝顧住打機,真係貪玩!!
其實我都好貪玩,不過我唔識玩同玩大富翁先,所以先冇打機!!食完打機了!!第一次見Will同第一次打!!
係感應o既遊戲機,佢有好多隻Games玩,可以插o係車盤,網球拍,棒球拍同高爾夫球拍度玩,例如玩賽車,
部機可以插o係車盤玩!!初初我唔識玩,我知佢係感應o既,因為我見佢o地之前點玩,我玩o既係賽車,
唔知賽車都感應,以為噤十字o個個制,點知係可以自己向左定向右轉,超白痴!!比Jason串我!!
玩o左一陣不玩了,因為不想玩賽車!!之前我見佢o地玩個關於節奏感o既Games,我想玩o個個多d,
我自認自己都幾有節奏感的!!之後同佢o地一齊估IQ題!!好好笑!!食完Jason同gini走了!!執好晒d野食後,
我o地就圍圈!!助導會搞咩??一人拎一張紙,寫優點同缺點??原來唔係,佢叫我o地o係張紙中間畫一條直線!!
哦...我估到佢想做咩了!!佢話呢條線代表我o地o既一生,將我o地自己某歲數發生過o既大事寫o係張紙度,
例如11歲撞過車,差d死去等等事情寫o係紙度,或者預備自己幾多歲會發生o既大事!!點解我估到佢想寫咩??
因為好耐以前(都有2年多前o既事),去美君屋企(粉嶺)度cell聚都做過呢個活動,所以咪知囉!!
以前去過美君屋企cell而宜家o係度o既有玉清,嘉莉同我3個!!寫完之後分享!!以轉筆o既方式分享!!
首先阿生分享,因為佢好快要走了!!阿生幼稚園時已經逃學了!!轉o左幾個,都未輪到我!!其實期間都未轉到我,
但我已經忍唔住要分享了,其實我想分享好耐!!吉昌只係比5分鐘我講,我用o左7,8分鐘分享!!
其實我仲有好多野想分享o架!!不過唔夠時間!!算啦!!打後要分享o既人只係講將來o既事!!
好多人講自己拍拖同暗戀過人,嘉莉幼稚園拖男仔隻手,惠君四年級拍過拖,我三年級暗戀過一個男同學等等!!
分享完已經5點幾6點,我o地要走了!!導師助導o係Stella屋企同工聚,所以我o地小羊走,
佢o地繼續o係Stella屋企玩!!我搭3D巴士走!!其他人搭地鐵走!!
|
| 刊登時間：2007-08-31 02:46 AM [ 訪客留言(0) ] [ 編輯日誌 ] [ 分享至FACEBOOK ] |
| 去禾花亭食壽司~~ |
|
番到屋企,阿媽同大家姐傾緊電話,話出去食飯,因為今日先係阿媽o既生日!!去番上次o個間野度食齋??
唔係呀,我寧願唔去呀!!惠君就o係o個陣打o黎!!之後大家姐話去食齋隔離o個間禾花亭度食壽司,
佢叫我出去等位!!唉...慘!!我一落到樓下,就打番電話比惠君!!7點鐘去到排隊等位!!嘩...超多人排隊呀!!
好在一直都有同惠君傾電話,唔怕悶!!傾傾下,大家姐就o黎喇!!但佢就周圍行,我就繼續排隊!!同惠君傾完,
打比gini傾!!都同惠君傾o左一個鐘多少少!!排完都仲要坐o係入面等,之後阿媽都o黎到了!!
等o左成個鐘多d先到我o地!!好多壽司食呀!!一坐低就嗌o左兩碟鰻魚壽司!!嘩...d鰻魚壽司十分正呀 !!
之後就嗌其他壽司食!!食o左都十碟多到!!食得最多就係鰻魚壽司,都食o左7,8件到!!其他壽司都好正!!
我咳咋,唔咳都食天婦羅,我覺得d天婦羅都好正!!我食過都有好幾間壽司店,暫時最好食o既壽司都係呢間!!
大約$323找數!!食o左都好多野,$323到都唔算貴!!好食過元綠同元氣!!其實星期日食齋見到都好多人排隊,
都知呢間壽司店d壽司好正!!真係無估錯!!下次我都有機會o黎o架!!今日下晝cell聚,去Stella屋企玩,
夜晚去食我最鐘意食o既壽司!!今日真係好開心!!開心到飛起  !!
|
| 刊登時間：2007-08-31 02:44 AM [ 訪客留言(0) ] [ 編輯日誌 ] [ 分享至FACEBOOK ] |
« | 31 | 32 | 33 | 34 | 35 | 36 | 37 | 38 | 39 | 40 | ... | 109 | »  |
2007 年 9 月 1 日 星期六 
