| «‹ July 2025 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 | |
|
Panda做崇拜主席...有情音樂會~~  |
|
今早8點7先起身!!死喇...番唔到第一堂崇拜!!係惠君打o黎我屋企先聽到,原來手提Miss o左6個電話咁多!!
我發現自己尋日眼訓得滯,冇校鬧鐘!!番新堂o個邊都趕唔切,所以諗住番第二堂,校o左鬧鐘再訓過!!
點知成10點3先起身,又要極速!!搭巴士都趕唔切,無奈搭的士番書院!!今日係Panda同金魚做主席領詩,
上到去本想坐右邊o個度,但無位!!之後見到大三yoyo,但佢坐到好後,冇同佢坐,自己坐o係中間個位置!!
吉昌同祺峰彈結他,獻詩係琼兒,Natalie同朱小小!!其他就唔知!!Panda西裝look好有型呢 !!主題都唔錯!!
今次係劉偉業牧師證道,o係崇拜之前我都留意到佢剃o左頭髮,,雖然佢背住我,但佢著住o左牧師袍!!
我估到佢病o左,點知真係!!小心身體呢!!你o地也要為劉牧師祈禱呢!!完o左之後上6樓家會,坐o係後面!!
有冇人話我知邊個升o左家員,拎得救同十分一呀??之後去食M記,板燒雞腿飽好好味!!下晝有<有情音樂會>,
呢個音樂會係form離開o左教會o既弟兄姊妹!!吉昌話娜娜都會番!!其實我都有搵過...番o架,之前都搵過,
但佢話唔番!!個<有情音樂會>都幾好睇,仲好搞笑o添,笑到我同惠君...完o左佢o地走了,原來我仲未點名,
點o左成個鐘先點晒Love today live同旅行o既人數!!之後助導一齊走!!
 |
| 刊登時間：2007-10-26 07:06 PM [ 訪客留言(0) ] [ 編輯日誌 ] [ 分享至FACEBOOK ] |
有情大旅行(前)~~  |
|
今早6點起身整野,約阿Fi8點幾番新堂整傳聲筒,點知佢遲到,到佢o黎o左,我又要去MTR接靜儀!!
搞到好整先整到!!好在有人有膠紙同較剪,我明明有帶較剪,唔知去o左邊!!o岩o岩整到第6個就要上車了!!
上到車,我同阿Fi當然要坐第一行,我搵o左祺峰彈結他,d野食同物資又o係我o地o個邊,搞到我o地冇位坐!!
差d唔記得要開始祈禱,要導師提!!阿Fi話我知佢冇寫到傳波波同傳聲筒o既一d題目,佢今早話我知佢有寫,
宜家先o黎話無寫??唔係呀嘛??本來係阿Fi hold傳波波,不過阿Fi就o係一邊寫,我就幫佢hold住先!!
先玩特別版傳波波,就算比我諗到o既問題,但原來都係聽唔到!!玩o左一陣,個個都話想唱歌,咁就唱歌!!
唱歌比較興奮!!之後玩IQ題仲興奮,佢o地即刻醒晒,不過玩得一兩個字就到目的地!!回程仲有力氣就再問啦!!
旅行目的地係:大欖郊野公園!!去到抖一抖,O...好鬼熱呀!!之後玩逐個介紹!!第一個遊戲夾衣夾,先分6組,
但Fire已經無o左兩組!!我都未話開始,佢o地就係咁夾人!!嗌到勁大聲都冇人聽我講野!!
每次勁大聲講野都走音!!佢o地夾o左3分鐘都唔想停,嗌停無人聽到!!想死!!最後吉昌件衫最多夾(下圖)!!
唔知係咪佢仇家多 ,個個都追住佢o黎夾!!之後玩聲聲傳聲筒,阿Fi同我講佢唔知擺o左另外一張o係邊,
因為佢要寫兩張,一張我,一張佢,但佢就唔見o左一張,咁我做講o個邊,梗係需要多d啦!!而阿Fi就要執山喇!!
因為o岩o岩整得6個傳聲筒,好多組都整甩o左條線,搞到玩唔到!!都估到會整甩,可惜無時間整多d!!
最後都見阿銀o個組都好快傳到,成日都走過o黎,所以佢o地組嬴o左!!有獎!!因為太熱同埋無時間,所以食野先!!
本來仲有個火燒後欄未玩!!阿草話可能唔玩!!
|
| 刊登時間：2007-10-26 01:11 AM [ 訪客留言(0) ] [ 編輯日誌 ] [ 分享至FACEBOOK ] |
| 有情大旅行(後)~~ |
|
之後就食野...竟然唔夠碗同叉??助導話無啦啦多o左差唔多成10個人去旅行,所以唔夠物資同野食!!
最後係食唔飽!!阿豪玩遊戲時整親條頸,幫佢按幾按!!有個範圍去玩夾衣夾,d人都唔聽走晒出界,
最後有幾個都因為咁而整親!!唉...阿豪偷影我!!食到七七八八,阿Fi,阿草同我去預備最後一個遊戲,
就係玩check point!!要佢o地搵到之後成cell影相!! 呢個遊戲分cell時都玩過!!我諗的!!
本來都係將佢o地分開6組,不過要寫6張紙太多,所以將佢o地分cell玩!!我o地搵o左十幾條,
再每cell是但抽8條去搵!!我o地搞掂o左就未開始,因佢o地o係度唱緊歌,同埋我都想唱!!
之後由阿Fi去講個check point點玩,就開始了!!限時最多半個鐘!!佢o地就開始搵野!!
我可以周圍睇佢o地玩!!我跟哨牙cell去搵,同埋比o左d提示佢o地搵!!cell d新人唔想影相,
就算影都背轉面影!!唉...之後就周圍行!!Fire cell最快搵完,第二係New牙cell,第三係哨牙cell!!
Fire cell有獎!!之後就上車回程,靜儀住元朗,轉o左幾個彎就落車番屋企了!!我就繼續o係架車度問IQ題!!
雖然有好多人都好攰,訓著o左,但都有人答我問題!!Alex好勁!!初初哨牙cell都冇答過,但之後都追上o黎,
但最後係Fire cell答得最多!!好快就番到新堂了!!d新人走晒!!家員同校福長留低聚...講番今日o既事,
吉昌問我o地有咩感覺??我覺得好亂同好煩,仲有係高興而去,敗興而返!!之後講點去解決!!咁就完了!!
ps:多謝各位借出o既衣夾!!但仲有好多衣夾仲未有人認領,係咪唔想要呢??
 睇下吉昌比人圍攻到有好多衣夾,仲好有層次感o添!!
 我有型嗎??係阿豪影o架!!
|
| 刊登時間：2007-10-26 01:09 AM [ 訪客留言(0) ] [ 編輯日誌 ] [ 分享至FACEBOOK ] |
Love today live音樂會~~  |
|
晨祈約9點番書院為今日祈禱,但唔知醒,9點7先起身!!今日諗住著boot,因為都有d凍同埋今日著會方便d,
但又未到冬天,都唔係真係好凍o個隻,著boot又好似怪怪地咁,所以就冇著!!約o左阿草10點半幫我溫英文,
因為過幾堂英文就測驗了!!我早阿草少少番!!教o左冇幾耐,阿草收到電話,話12點幾要做快閃!!
總之約佢早d啦!!12點幾了,我o地無時間去食野,去地鐵站join佢o地,之後做快閃!!死喇.....之後去接新人,
得阿豪同靜儀,湯媽媽突然有事o黎唔到!!我叫靜儀聽日去旅行,佢仲即時比錢o添!!真係開心!!佢比$100,
咁o岩我有$60找比佢!!先帶佢o地番書院!!上去時,Jessica叫我照顧兩個新人!!有"拍拍手"拎,開始了...
演出有:儀仔同Ellen(獻詩),阿強(獻詩+結他),李國樑同馬學良(結他),文仔同蘇文亮(打鼓),有個助導彈琴,
不過唔知邊個!!有好多流行歌都係我聽過,但就唔知邊個唱叫咩名!!唱o左好多歌:Love today live主題曲,
滄海遺珠,愛的福氣,天使的禮物,知己良朋,小王子,無賴...好多歌!!過o左一大半就關o左幕,以為真係完,
原來仲有,比之前仲激!!真係超正!!不過d人係咁用個"手"o黎拍,搞到全程好鬼嘈,聽得多仲有d煩!!
完o左就介紹,之後d新人走了!!剩番我o地留低點名!!
|
| 刊登時間：2007-10-25 11:24 PM [ 訪客留言(0) ] [ 編輯日誌 ] [ 分享至FACEBOOK ] |
| Love today live音樂會後... |
|
唉...我同阿草都仲未食野呀!!好鬼肚餓!!聽日旅行我要做主席,好多野都未搞掂,歌詞尋日打o左,
但差少少就point得!!諗住上7樓point!!o...唔記得o左今日7樓唔開o添!!點算呢??諗住叫聲波幫我point,
聽日比我!!呵...之後7樓有導師o係度,雖然導師話o左幾句,但都用到電腦!!但printer就point唔到野,
要send比聲波,比佢point同影!!之後我同導師助導去訂野食同買遊戲要用o既物資!!先去大成街市買番薯,
金菇...之後去凍肉鋪訂丸,炭...途中我同阿草去買遊戲o既物資,買完番番凍肉鋪!!最後訂晒野!!7點幾喇,
我成日都未食過野,好肚餓!!之後阿銀,Panda,儀仔,杯麵,吉昌同我去鍋貼大王度食!!我o地全部人都食鍋貼!!
好好味!!食完就各自番屋企!!聽日旅行我要做主席,今晚有好多野做,今晚都唔使指意咁早訓!!
|
| 刊登時間：2007-10-25 09:57 PM [ 訪客留言(0) ] [ 編輯日誌 ] [ 分享至FACEBOOK ] |
« | 21 | 22 | 23 | 24 | 25 | 26 | 27 | 28 | 29 | 30 | ... | 109 | »  |
2007 年 10 月 21 日 星期日 
