| «‹ July 2025 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 | |
|
咁都撞到你o地...世界真細小小小~~  |
|
今日中秋節翌日假期!!下晝大家姐同我去銅鑼灣行街,有d興奮!!因為銅鑼灣比我o既感覺係有錢人去o既地方,
d野好貴,明星會出現o既地方,都係第一次去!!落樓下就有小巴去銅鑼灣了!!我都未去過香港呢邊行街,
所以完全唔識路!!去SOGO都唔識,要問人!!o係化妝店企o左成個鐘,大家姐有d問題要搞!!之後去餐廳食飯!!
d野食都幾好味!!之後去東角行,d野好靚,但好貴!!想買番個銀包,袋同平底鞋,但睇唔o岩!!
最後都冇買野走了!!行去搭車時,有個熟識o既人o係我面前行過,係Jessica!!我想嗌佢,但佢好快行走了,
冇嗌到!!之後有個傻佬拍我:「喂!!Michelle!!」個傻佬係陳吉昌!!呆o左一呆,o係銅鑼灣咁遠都撞到你o地??
要唱番首歌:世界真細小小小...我同吉昌講我同大家姐行街,但就冇同大家姐介紹吉昌,因為唔知點講!!
吉昌介紹自己係教會o既助導!!而Jessica企o係一邊,冇出聲!!之後大家講拜拜!!之後大家姐問我咩係助導,
我話係同導師差唔多,不過導師大d,助導係小組o既牧養者!!大家姐仲話吉昌...(唔可以公開)!!
乜係咩??上o左車之後打比gini報數,同佢講我撞到Jessica同吉昌,原來佢o地去銅鑼灣食飯!!
 |
| 刊登時間：2007-09-28 01:53 AM [ 訪客留言(0) ] [ 編輯日誌 ] [ 分享至FACEBOOK ] |
尖沙咀cell聚~~  |
|
中秋節快樂!!
下晝媽咪出院,唔使我接佢!!3點到去觀塘同佢飲茶!!飲完番屋企!!8點cell聚尖沙咀玩!!但我遲o左3個字!!
臨出門前洗頭!!你根本唔記得8點cell聚!!我唔提你會記得嗎??我帶了月餅同你o地分享!!講樣核突野比你o地知,我搭地鐵o黎,大約o係九龍塘站有位坐!!斜對面有個男人做o左樣野好核突!!
就係"採礦",核突到唔想望,佢完全係旁若無人!!佢起碼足足撩o左5分鐘,撩到去旺角先停,因為佢落車!!
吉昌預備o左一筒螢光棒,欣賞你有預備!!若果你冇帶螢光棒,我o地就要玩手指了!!哈 !!原來冇人識路,
原來海濱長廊出o左地鐵站就係,又要再行番本來o既地方!!期間影相,那個阿伯上下郁,
點影呀??影到勁朦!!聲波o黎到!!那條長龍就係花燈??上上面坐!!康同佢個朋友o黎o左,叫雲,係第一次見!!
之後玉清都o黎到!!吉昌預備啤牌玩"非洲滑士啤",輸o左要用唔同o既方式去食月餅,由我o地諗!!
惠君負責派牌,係"非洲人",而我負責切月餅,係"五星級大鼠(大廚)",試過擺o係玉清塊面度食,最激o個次,
竟然係我同惠君輸o左,要我o地講:「我o地出發喇!!」,之後行出少少大嗌:「各位中秋節快樂,耶穌愛你,
我o地食月餅喇!!」比佢o地拍低o左,我o地係咁笑!!個個都望住!!好在有人陪我大嗌,如果唔係拉我入青山!!
撞到熨斗cell!!之後我o地玩"(琴)綿胎",初時惠君拍得最慢,係咁輸,拎o左好多牌比吉昌玩,惠君有旁睇!!
吉昌拍得好快,到我輸得最多,惠君話我反應遲鈍,竟然最遲鈍o個個話我反應遲鈍??可惡!!(講笑!!唔使介意)!!
中秋節唔玩蠟燭唔似過中秋節!!總之就帶鐵盒o黎啦!!都玩o左幾支,可謂太大風吹熄了!!時間過得真係快,
又係時候講拜拜!!因為有幾個都未食野,提出想去食野!!我都未食飯,因為3點先飲茶,7點幾要出o黎,
6點幾就要食飯了,太早又食唔落,所以唔食就出o黎,到o左呢個時間就好肚餓!!因為中秋節,
吉昌都比我o地去食野,吉昌同阿草都去,但佢o地陪我o地!!其他人走了!!只得惠君想食M記,但其他關晒門!!
都11點了!!唯有去M記啦!!M記好多人,但好快搵到位了!!但好多人排隊買野食,排o左好耐先買到!!
11點4開始食,吉昌要我o地搭半要食完!!睇相,嘩...好好笑呀!!估唔到我係食得最慢o既一個,搭8先食完!!
食完走了!!其實我同阿草可以搭5C番屋企,不過就會有排都番唔到屋企,所以搭地鐵!!梓雪唔係搭MTR,
走了!!我o地搭MTR,去到油麻地大把位坐!!吉昌提出玩"唔係呀嘛,咁鬼易",我o地打對坐,我,阿草,
雲同麗娜一邊,而吉昌,惠君同康一邊,出題目,惠君係咁輸!!題目係地鐵站名,望住睇都輸!!冇野講!!
好多人都主住我o地,好在都係幾個人,得兩個人玩要拉入青山了!!嘻嘻!!以為旺角好多人搭o添,點知好少,
玩到去黃大仙,我同阿草要落車,同阿草搭小巴番屋企!!我12點半番到屋企,打比吉昌報平安,但佢冇聽!!
打比阿草!!番o左教會咁耐,今次都係第一次聚到最夜番屋企喇!!阿豪cell聚完同friends去玩,
佢之前話1點幾番到屋企,佢都好乖,打比我報平安!!
  <--呢個係鐘樓,唔係"金鐘"!!惠君記住喇!!
  <--蠟燭著了...太大風吹熄了=_=
|
| 刊登時間：2007-09-25 07:11 PM [ 訪客留言(3) ] [ 編輯日誌 ] [ 分享至FACEBOOK ] |
又食又拎~~  |
|
夜晚同大家姐同佢埋佢同屋住一齊食飯,佢個同屋住叫Joey姐姐!!我o地去意粉屋,因為我遲去,
所以佢o地食先!!食完上大家姐屋企,Joey姐姐拎o左d衫出o黎,叫我揀,話送比我!!我揀o左幾件,
有一件係透o既,要打底,我覺得o個件好靚!!又食又拎,好開心!!12點到走!!
ps:星期一至五都要報數(除星期二)!!
|
| 刊登時間：2007-09-28 01:23 AM [ 訪客留言(0) ] [ 編輯日誌 ] [ 分享至FACEBOOK ] |
| 第2次番第二堂崇拜~~ |
|
今日唔知醒番第一堂崇拜呀!!8點7吉昌打o黎我先醒!!番唔到第一堂崇拜,連新堂o個邊都番唔到!!
我記得7點5醒過下,但完全冇醒o既意識!!當我半夜醒過,第二日早起,就未必準時醒到!!係喇...
我記得凌晨5點幾二家姐仲未訓,傾電話嘈醒o左我,可能因為咁唔知醒!!若果我一直訓到第二日,半夜冇醒過,
就好少會唔知醒,我唔知點解會咁??但我試過差唔多次次都係咁!!連新堂都番唔到,唯有番第二堂崇拜!!
梳洗後換好衫再訓過,訓到9點半就出門口,點知都係訓過龍...差唔多10點先醒!!好在我記得杯麵個背囊,
聲波對行山鞋,要比番佢o地,因為F.5camp時借o既!!o係門口見到明仔,佢都係番第二堂崇拜!!
上去比番個背囊同對鞋比佢o地!!今次係第2次番第二堂崇拜,第1次番時,d人好嘈,臨開始前一刻先識安靜,
同第一堂差好遠,所以好唔鐘意番第二堂崇拜!!今次比上次好d,崇拜前咁嘈,叫人點安靜呀??唉...算了!!
我都好少番唔到第一堂崇拜!!有首新歌叫<生命中的加利利>,幾好聽喎!!<全因為祢>好耐都冇唱過!!
潘牧師好好笑,陳牧師一支水同佢o既說話令潘牧師諗起一句經文:因我活著就是基督、我死了就有益處。
完o左上去團會,一出門口比基督少年軍o既小朋友截住做問卷,幫幫佢啦!!上到去選"完美人"??
gini係"完美人"!!唱團歌!!點名,得10個番崇拜!!落去地下望住新翼祈禱!!完o左cell聚,文章分享!!兩封信,
第一封係魔鬼寫,好好笑!!第二封係耶穌寫!!兩封信我都有感受,不過冇分享!!之後去金飯碗食!!有d人走了!!
等位時,那個伯伯係睇相的,話聖經許可睇相,叫吉昌睇約伯記37章,吉昌話要睇前文後理先知,
不可單單睇某些章節!!我一直以為係燒鵝,原來係燒鴨,係吉昌食o個d!!我嗌錯了!!聲波比我o地望住,
仲唔小心比人恐到,好搞笑!!一路食,一路都好好笑!!食完無野做,不過番屋企都冇野做,番書院仲好!!
吉昌同聲波番書院交十分一,同佢o地番去!!我行上7樓!!佢o地交完都冇野做!!坐o係圖書閣,儀仔開會!!
麗霞,阿瑤都o係度,傾計...睇書...聲波係讀書,係咁講,仲係英文o添!!夠未??杯麵同吉昌跟佢一齊癲!!
超煩!!佢o地唔想讀了,3個訓晒,成個死屍亭咁!!基督徒o既生活呀!!我冇訓,趁有時間點名電腦!!
去到差唔多5點就同助導們一齊走!!好開心!!星期日都冇幾何會同咁多個助導一齊走!!實在太難得了!!
|
| 刊登時間：2007-09-27 01:43 AM [ 訪客留言(0) ] [ 編輯日誌 ] [ 分享至FACEBOOK ] |
| 司鼓...幻滅了>.< |
|
今日起身後洗頭,可以洗頭了!!好清爽呀!!今日轉look,著新買o既衫,褲同鞋!!晨祈約o左1:30番書院開會!!
洗完頭落小食館買外賣番書院食!!番到去見到嘉莉開會,之後去買野飲,之後見到阿盈,同佢一齊食野!!
食完上23,點知轉o左去地下廁所隔離!!講下個星期日同導師助導一齊去大球場d野,要諗野,
但最後諗o左幾樣野就散了!!之後o係canteen坐,我好眼訓,伏o係枱度訓!!之後上去等團契,gini仲未o黎到,
阿豪同佢一齊!!仲有兩個助導宜家先出現!!入去團契,要執場地,坐地下!!主題:玩有時!!團契玩o左3個遊戲!!
1.弧狸先生幾多點 <-- 導師助導問,小羊做行!!一開始話10點,我就行到導師助導前面了,
仲係第一個番到原位!!只係玩一次咁少!!
2.漁翁撒網 <-- 呢個遊戲好攞命!!導師助導做網,仲要戴d恐怖面具(我有次hold團契都戴過),
負責去捉我o地!!而我o地就係魚,我o地要周圍走,唔可以比佢o地掂到,一比佢o地掂到,就要做網去捉人!!
呢個遊戲玩o左好耐,咩人都比佢o地捉晒!!最後我冇比人捉到!!嚇死!!
3.手打足球 <-- 呢個遊戲好好玩!!好似踢足球咁,踢足球用腳踢,但手打足球,係用手o黎打!!兩團鬥,
先o係大板牙VS大三!!求其搵個位坐,玩時所有人個pat pat要黐住地下,唔可以整高同企o係身!!
有兩個龍門,台下那個是大板牙,另一邊龍門係大三,要有人守住個龍門!!計時玩,個球好大個,最後5:2,
大板牙嬴o左!!之後大將同大陣仗玩,大將嬴o左!!我望到坐位好重要,中間位好重要,因為一開始中間開波!!
同兩邊龍門位都好重要!!叫佢o地坐中間,點知中間好少大板牙!!最後輸o左!!團契好好玩!!阿豆總結!!
完o左開cell,惠君hold cell,第一個遊戲係搵一個人出o黎講:「『某某人』(那人決定要嗌邊個),
如果你愛我o既話,請你為我笑一下!!」某某人就要講:「我雖然好愛你,但我不能為你笑!!」某某人要忍笑,
其他人都唔可以笑,笑就輸,就要出去做講o個個!!麗娜有次叫o左我,呵...但佢引唔到我笑!!我一d想笑都冇!!
第二個遊戲玩紅綠燈,超好玩!!我咁醒,梗係冇比人捉到啦!!不過當吉昌做o既時候,真係想dup死佢!!
有人輸o左,佢收埋隻手o係佢前面!!我係最先走到佢前面,佢係咁引我笑,初初都引唔到我,我已經忍住笑,
但佢講得勁快,我想郁都郁唔到,想行前都有d困難!!最後幾經辛苦先掂到佢,但佢勁大聲:「你郁啦,
仲咩唔郁呀??」最後我都忍唔住笑郁o左,咁就功虧一簣了,差少少就可以斬斷佢隻手!!真係想dup死佢!!
我係好容易笑o既,比佢引o左幾次都忍到笑,都覺得自己好叻!!惠君之前話總結有d唔識講,問我點講,
個總結講得幾好,下次自己諗喇,我知你得o既!!完o左諗住報聖樂司鼓,司鼓歸其他樂器,竟然多o左一個條件,
就係:已獲3級考核或研習該樂器2年以上...呆晒 !!報唔到呀...激鬼死!!勁灰 !!之前報過都唔使o既!!
後來得知原本自己已有o既事奉要再填From,要續約o架,乜要o架??吉昌話佢年年都要填From報司結他,
好在我拎o左From啫!!既然報唔到司鼓,續約報番獻詩啦!!又要填聖樂From,又要點名,兩邊都趕住,邊樣先??
今日cell得13人!!下個星期係"音樂馬拉松",各同工努力呀!!交完From走了!!獨自一個回家!!
|
| 刊登時間：2007-09-25 07:09 PM [ 訪客留言(0) ] [ 編輯日誌 ] [ 分享至FACEBOOK ] |
« | 26 | 27 | 28 | 29 | 30 | 31 | 32 | 33 | 34 | 35 | ... | 109 | »  |
2007 年 9 月 26 日 星期三 
