| «‹ July 2025 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 | |
|
葛福臨佈道大會~~  |
|
我o地太早去了,o係門口排隊,原來有人早過我o地去到!!聲波佢o地仲未到!!佢o地o黎到又過唔到o黎西翼!!
等o既期間見到...都唔出奇!!Stella同我o地一齊!!等o左幾個字入去了!!東翼o個邊d人好快入到去了!!
佢o地已經o係KFC o個度等緊!!等d人坐晒地下同1,2樓,之後我o地上3樓坐!!因為西翼3樓o既位置係最好!!
以為天氣好凍,天氣報告都話凍!!但原來熱到死!!我著o左好多件衫,o係等緊期間,入廁所除晒裏面o既衫!!
成cell可以gold埋一齊坐了!!之後要等成2粒鐘,去到先得閒食飯,導師助導都係!!但係阿豪好燥,發脾氣,
踢晒櫈咁,真係幾驚!!等o左差唔多2個鐘就開始了!!不過已經睇o左兩次,講d野都係差唔多!!開頭都係幾悶,
之後都幾好!!葛福臨牧師今次講尼哥底母o既故事,最後呼召,我當然想阿豪決志啦!!其實我o地一早傾定了!!
我見佢同阿俊傾電話,兩個都肯落去!!我就問高慧萍落唔落去,佢唔想落去!!而阿威就決o左志了!!
之後我就同阿豪落去!!高慧萍同阿威都走了!!終於行到台前,本應諗住搵個男o既同阿豪做陪談會好d,
點知...不過我見佢係咁笑!!最後都係我同佢做番!!o個個陪談員連禱都唔同佢祈就寫決志紙,唔係嘛!!
搞掂了!!阿豪要趕住走,佢就走先!!阿康上星期都決了,不過今次係正式!!之後我o地都離開了!!
我同阿草搭小巴番屋企!!夜晚喊了!!
 |
| 刊登時間：2007-12-14 01:00 AM [ 訪客留言(0) ] [ 編輯日誌 ] [ 分享至FACEBOOK ] |
| [ 此日誌受密碼保護 ] |
|
|
| 刊登時間：2007-12-10 03:07 PM |
嬲到震~~  |
|
今日3:00pm番書院祈禱,為葛福臨佈道大會祈禱!!以為好多人,點知得我,吉昌,聲波,Stella同惠君!!
希望變失望!!祈完之後去黃大仙附近做街佈!!得我,聲波同惠君做,吉昌要R崇拜!!之後惠君話細佬冇帶鎖匙,
要番屋企先!!得番我同聲波做!!最後竟然比我做到o既係小學o既師妹!!做完街佈之後都諗住番屋企!!
聲波話惠君有十幾個新人,問我可唔可以幫手去睇住d新人!!我諗都冇問題o既,不過就驚冇咩時間搵新人啫,
同埋車費都幾貴!!不過最後都同聲波去o左!!我o地搭地鐵過去,我打比惠君知,我幫手睇住佢d新人,
佢叫我打比謝韓搵一搵佢!!佢比o左佢電話號碼我,我就打比佢!!點知...激到我喊!!聲波o係我隔離問我做咩??
我叫惠君搵番佢!!去到銅鑼灣了,好多人呀!!惠君來了!!要等聲波同惠君d新人!!聲波新人到齊,
惠君來了兩個,一個叫阿烙,一個叫曱甴!!佢o地好搞笑!!我幫手睇住佢o地!!謝韓來了,佢跟住聲波!!
惠君仲有d新人未到,仲要等佢o地,所以我同聲波佢o地行去大球場先!!去到了,嘩...差d搵唔到位坐!!
我o地坐東翼!!惠君仲未o黎,因為大球場冇位坐!!佢話佢會同d新人去隔離南華球場度坐!!開始了,勁大回音,
兩重奏咁!!星期四坐西翼好少回音咋!!我知道聽日應該同新人坐西翼了!!蔣麗萍小姐冇獻詩喎!!可惜!!
最後呼召!!叫o左好多次,阿烙同曱甴都唔肯落去決志!!曱甴仲話係比人迫o黎,不過佢一早都係咁講!!
其實阿烙有d心郁郁想落去,不過驚冇人陪佢落去,我話同佢落去,佢又唔肯!!最後3個都冇決志!!出到門口,
已經唔見o左阿烙同曱甴!!最後同聲波佢o地一齊搭地鐵走!!我同聲波o係去之前都未食野,好肚餓!!
聲波番屋企食!!我就去太子搵我媽咪去食壽司!!好驚囉!!謝韓住荃灣,聲波佢o地o係油麻地轉車,
而我要遲聲波佢o地2個站落車!!得番我同謝韓兩個人,我真係好驚囉!!不過因為佢係新人,
我都冒住危險去問佢下星期會唔會番!!佢話唔番!!之後我都冇理佢了!!打比吉昌報番數!!嚇死我了!!
之後就拿拿聲走去和花亭食壽司,因為和花亭就關門!!去到了,媽咪幫我叫o左幾碟壽司了!!食完就番屋企了!!
|
| 刊登時間：2007-12-09 01:09 AM [ 訪客留言(0) ] [ 編輯日誌 ] [ 分享至FACEBOOK ] |
媽咪第一次番教會~~  |
|
唔知係咪因為尋晚去o左葛福臨o既關係,加上好夜先訓教,又唔記得校鬧鐘!!唉...出事喇!!9:00am先醒!!
仲係阿媽叫醒我o既o添,佢唔叫醒我,我都仲訓緊!!仲諗住番晨更!!番乜鬼o丫!!連學都番唔切呀!!
d時間又係唔上唔落,9點半會點一次名,9點醒都趕唔切番去,索性Miss o左成堂佢,等到第二堂IT堂先番!!
9點半到起身,之後番學!!放o左學本來都諗住去葛福臨,但尋日番到屋企,Panda send msn比我話唔使去!!
因為唔借出草地!!下晏同夜晚都冇去!!同媽咪陪談o個個姨姨打電話o黎,將媽咪轉介到旺角o既一間教會,
係一間解賭福音教會o黎!!佢6點幾就出o左去!!本來佢叫我陪佢去,但因為葛福臨得番兩日時間,
若果出o左去o既話,就冇時間搵新人了,所以佢自己一個去!!我自己一個乖乖的留o係屋企搵新人!!唉...
不過都係冇進展!!尋日o個兩個...星期六,日都唔得!!唉...兩隻飛機!!冇多,反而少o左!!媽咪11點幾先番,
佢番o黎先煮飯食!!睇o黎佢番呢間教會都有所得著,希望佢keep住信啦,繼續番教會啦!!
|
| 刊登時間：2007-12-02 02:19 AM [ 訪客留言(0) ] [ 編輯日誌 ] [ 分享至FACEBOOK ] |
葛福臨佈道大會...邀請媽咪出席~~  |
|
今日下晏番學,o係臨番學之前,我祈o左好多次禱,懷著好大o既勇氣去同媽咪講有葛福臨佈道大會呢個聚會,
點知媽咪一口應承o左!!答應番星期五o既夜晚o個一場!!超開心!!出o左門口之後,我好感動,不住的祈禱,
感動到流眼淚!!上帝真係聽我祈禱,應允我o既禱告!!之後就歡歡喜喜咁番學了!!今日有兩個新人應承我去!!
4點幾o個陣,收到個新人send o黎o既訊息,佢話佢同佢朋友要SBA考試,o黎唔到!!o...今晚要番搵佢o地!!
既然聽日同媽咪去咁唔方便,就同媽咪今晚去!!打比佢叫佢搭車去,約佢6:30pm!!到o左放學,
媽咪頭先先上車,我就驚到時冇時間食野,所以去買o左少少野食!!唉...不過我件白雪雪o既衫整污糟o左!!
我買o左支水洗洗!!之後搭地鐵去!!落到地鐵站撞到雪女,同佢傾o左幾句!!佢有番教會,竟然唔知有葛福臨!!
諗住o係佐敦去銅鑼灣得4個站,好快會去到!!點知o係金鐘轉車就呆o左!!嘩...成半個車站迫滿人!!
搭過o左成6,7班車先迫到上車!!電話壞壞地,好快就冇電!!唔好咁快冇電呀!!好多電話要講!!又要打比媽咪,
又要搵惠君!!7點先去到銅鑼灣!!惠君同佢細妹等緊我,真係唔好意思!!媽咪去o左地鐵站o既另一邊,
同惠君去車站接媽咪!!接完佢,就要拿拿聲行去大球場!!但因為媽咪未食野,又驚一陣肚餓,所以中途買野食!!
|
| 刊登時間：2007-12-01 02:16 AM [ 訪客留言(0) ] [ 編輯日誌 ] [ 分享至FACEBOOK ] |
« | 16 | 17 | 18 | 19 | 20 | 21 | 22 | 23 | 24 | 25 | ... | 109 | »  |
2007 年 12 月 2 日 星期日 
