| «‹ July 2025 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 | |
|
番晨更...番學(早)~~  |
|
今日早上都好熱,所以著o左件背心番學!!早上番晨更...有我,美君,嘉莉,儀仔同祺峰!!原來永光今日放假呀!!
嘉莉今日著裙!!但嘉莉同美君都唔去食早餐!!唔好去M記就得了!!除o左上星期冇晨更之外,
上兩個星期都去o左食M記,因為趕番學,最快就係去M記食,但今日早完,唔係好趕,所以去o左金牌食!!
不過都唔知點解搞搞下搞o左好耐野,搭半完晨更,點解可以成搭10先食到早餐??金牌侍應d服務態度差到...
拿拿臨食完走了!!但竟然留低o左部手提,唔記得拎,杯麵出o黎比番我!!哈...逢親星期五番學都唔會遲到的,
因為早上會番晨更先,若星期二番早的話,好多時都會遲到!!真感恩!!今日番學都冇咩特別!!IT堂教倉頡,
好多人都冇帶那個單元番學,所以我都唔係好熟,但都可應付得到!!
 |
| 刊登時間：2007-11-03 01:38 AM [ 訪客留言(2) ] [ 編輯日誌 ] [ 分享至FACEBOOK ] |
同阿寶行街(午)~~  |
|
放o左學之後,就約o左阿寶行街同食飯!!阿寶就係帶我番教會o既同學,但冇幾耐就離開o左了!!
今次想透過行街同食飯,帶佢番番教會!!吉昌都知今日我同佢行街!!同佢電聯先可搵到大家!!
嘩 ...阿寶同以前唔同晒!!佢留o左一把好長o既頭髮,d頭髮仲長過Lina!!戴cap帽,d手指甲揸晒指甲油!!
成個look完全唔同晒!!離遠都唔認得佢!!雖然佢成個look唔同晒,但佢個樣一d都冇變!!佢一見到我,
就送o左成盒Halloween o既糖比我,裏面全部都係糖!!因為就o黎Halloween!!佢送比我o個一刻,
我諗起星期日Noel講過o既野,因為我同佢耐冇見,佢送呢樣野比我都係見面禮o黎!!同佢去又一城食飯,
期間突然收到一個好耐冇見o既朋友o既電話,佢話夜晚有party,想叫埋我去玩!!但我只係識佢,唔識其他人,
就算去都玩得唔開心啦!!但係咁叫我去,我話我要考慮,遲d再覆佢!!不過心已一早諗係唔去!!
諗o左好耐先諗到食咩!!我先買野食,之後佢去買!!今次同佢食飯,一早已想帶佢一齊祈禱,
就o係佢買野食時個祈禱,求神讓阿寶比我為佢帶祈禱!!到要食野喇,佢望住我,知我要祈禱,但我開口同佢講,
我帶住佢一齊祈禱!!佢唔肯...我不停叫佢祈,都係一陣!!佢點都唔肯!!佢好似好驚咁,又好抗拒,
最後都係我自己祈!!唉...真係好失望!!之後就一齊食野!!又一城d野食都偏貴!!食完就同佢一齊行街!!
本來我唔係好想行又一城,因為我覺得又一城冇咩行同d野好貴,但因為我o地兩個都冇咩錢,
唔多想行咁遠洗錢,所以唯有行又一城!!我o地由上行到落地下!!逐層逐層行,發現又一城d鋪頭擺位唔好!!
若果o個一層有一間係賣化妝品,咁成層都會係賣化妝品!!我睇中o左一頂cap帽,但我唔會嘥錢買呢d野!!
我o地行到3點幾就分手了!!之後就番屋企了!!食完飯就訓教了!!
|
| 刊登時間：2007-11-03 01:36 AM [ 訪客留言(0) ] [ 編輯日誌 ] [ 分享至FACEBOOK ] |
| 同大家姐行街(晚)~~ |
|
都未訓醒教,大家姐就打比我話今晚同我行街買野,佢話今晚唔去,就唔知幾時等到佢得閒去同我買野!!
所以之後就同佢出去!!星期三我同佢講過我想o係西九龍買衫,所以我同佢去o左西九龍買野!!
但出到去已經7點幾,出到去就去o個度食野,本來佢話帶我去一間好平又好多人去食o既舖頭度食野,
但就搵唔到,應該唔o係o個度!!就去o左一間食海南雞飯o既食舖度食野,我o地各嗌o左個海南雞飯!!
d飯o既份量都好少,仲嗌o左樣小食!!食完就去西九龍買野,西九龍中心d舖頭都好早關,
所以剩番好少時間買野!!一入到去就入o左一間舖頭睇長褲同裙!!試o左幾條褲同裙,最後買o左兩條褲,
不過因為腳褲太長,所以要改短,最快聽日有得攞!!有條裙覺得都幾靚,不過大家姐話條裙唔夠靚,所以冇買!!
之後就周圍行,但好多舖頭已經開始關了!!我之前睇中o左個袋,就去睇下,點知都係關o左!!去某間睇boot,
都關埋!!所以走了!!因為個袋需用d,所以大家姐比o左$200我自己買袋!!之後就各自番屋企了!!
|
| 刊登時間：2007-11-03 01:34 AM [ 訪客留言(0) ] [ 編輯日誌 ] [ 分享至FACEBOOK ] |
| 第四堂美容~~ |
|
今日上美容堂!!早上教面部按摩,唉...同我對做o個個同學真係做得好慢,我成日都做唔到!!
lunch同connie,君食飯,又係去番上次o個間雲吞麵度食!!我一坐低,就見到隔離d櫈有一隻大曱甴!!
嘩...即刻彈起o左!!叫d侍應拍死佢,但點知隻曱甴走甩o左!!因為隻曱甴走甩o左,所以我唔敢坐番o係o個位!!
之後調o左過第二張枱度食!!真係比隻曱甴嚇死!!下晝又係上理論,悶死!!下堂教肩縛按摩!!
因為星期日點名點o左電腦,所以唔使番去點名!!放o左學去長沙灣拎支票交學費,隔離就係西九龍中心,
順利去o個度行下!!o個度好多野行呀!!好多野都想買,好多野都好靚!!下次叫大家姐帶我o黎買野先!!
行到8點幾番屋企了,但唔想搭地鐵番屋企,就打比阿草問佢有冇車搭番屋企!!佢話搭2F巴士番慈雲山,
o係M記o個邊搭,搵o左一陣都搵唔到,見到架車就走o左,又要等,9點幾先番到屋企!!
|
| 刊登時間：2007-11-01 01:15 AM [ 訪客留言(0) ] [ 編輯日誌 ] [ 分享至FACEBOOK ] |
| 整天幕~~ |
|
今日上IT同人際!!今日人際科Miss要我o地分組整一個天幕!!6個一組,有12張報紙,一卷膠紙同一把較剪!!
呢個活動有分加!!不過要3個要求:1.團隊合作 2.個天幕要企得穩 3.要6個人都要擺到入去(企,樽,訓都得)!!
係唔可以用膠紙黐地下同黐牆!!能夠做到呢3樣就可以得到最高分,若果放棄其中一樣就有2/3 o既分數!!
比一個鐘我o地整!!先要諗組名同交組員名單,我,君,Kathy,Silvia,Connie同Vivian一組!!
諗個組名都諗咁耐,是但都得啦!!我竟然爆o左"蜜棗"出o黎,點知佢o地冇異議!!之後就開始拎材料整了!!
一開始...個個都冇頭緒,唔知整咩!!意識之下我將d報紙捲到好幼,之後再慢慢諗點整!!我比o左d意見,
但佢o地都唔同意!!其實我都唔知得唔得,都係試下!!呢d活動,唔試下點知得唔得呀!!我o地整o左好多個樣,
但點整都係企唔穩!!組組都要求老師加時!!最後我o地放棄入去企呢個要求!!將個所謂o既天幕整到好細,
下面係一個三角錐體,佢o地唔知點解無啦啦加個十字架o係上面!!成舊野都好硬正!!最後梗係同舊野影相啦!!
成班只係得一組做到!!雖然我o地組唔成功,但我覺得玩得好開心呀!!
|
| 刊登時間：2007-10-31 12:03 AM [ 訪客留言(0) ] [ 編輯日誌 ] [ 分享至FACEBOOK ] |
« | 20 | 21 | 22 | 23 | 24 | 25 | 26 | 27 | 28 | 29 | ... | 109 | »  |
2007 年 10 月 26 日 星期五 
