| «‹ June 2025 ›» | | S | M | T | W | T | F | S | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 | | 29 | 30 | |
|
晚妝~~  |
|
今日上化妝,下星期要考試,下堂要過埋新年假20/2先上化妝!!日妝已經教完,今堂係第一堂教晚妝!!早上講理論,下晏同同學互化妝!!
但我想修一修眉先,老師叫同學幫我修一修d雜眉!!之後就同我化妝了!!故名思義:晚妝,就梗係比日妝化得更濃更誇張!!我化完之後,
有個同學幫我執一執!!我個妝已經唔算誇,有人仲化得誇過我!!不過個妝都化o左成2個鐘!!化到都有d發脾氣!!化完放學了,
冇幫同學化!!但發現自己冇搽胭脂!!唔怪得之好似差d野咁啦!!唉...搞到除o左d眼影,塊面冇咩色!!算啦!!都走o左!!
放o左學番屋企了!!今日唔使番書院點名同跟團點名,因為阿瑤話佢教玉清點,而我仲未有咁快學團點名住!!
 |
| 刊登時間：2008-01-25 12:31 PM [ 訪客留言(0) ] [ 編輯日誌 ] [ 分享至FACEBOOK ] |
同二家姐買衫~~  |
|
上晏番完學,放o左學本應好好休息,但二家姐竟然問我去唔去街!!4點幾出去,但我竟然唔記得帶電話出去,唔番轉頭拎,
費是要二家姐等我!!我同佢出o左旺角食野先,之後去睇傢俬,諗住買,鞋架,飯枱等等o既野!!之後佢就同我去行街買衫,買o左兩件衫,
之後同佢去噤錢,竟然撞到阿泰!!之後佢見到有件衫幾靚,但就成二百幾蚊,最後都冇買!!但去到第二間舖頭,同頭先o個件係一樣,
但只係個袋口唔同,只係買幾十蚊,佢見我都鐘意就買o左!!最後買o左3件衫,二家姐就番工了!!本來想買番對boot同波鞋,
但都冇乜時間行,同埋睇唔o岩,最後都冇買到!!本來都番屋企,但想去搵大家姐!!佢前排被公司炒o左,所以宜家冇野做!!
之前係大家姐比錢我同阿媽,宜家大家姐冇野做,冇收入,所以搞到我同阿媽都咁窮!!我去o左佢屋企坐,陪佢落樓下影相,
佢仲化埋妝影o添!!睇埋戈師奶走了!!咁o岩係報數時間,番到屋企先報!!
ps:下次一定要記得帶電話出街!!
|
| 刊登時間：2008-01-27 12:53 AM [ 訪客留言(0) ] [ 編輯日誌 ] [ 分享至FACEBOOK ] |
| 家hold崇拜(早)~~ |
|
今日7:50起身,但8:15先出門口,因為今晚要練波,所以宜家先拎以前d運動衫出o黎!!一落今日就有車,
8:30就番到去!!今日係我o地家負責hold崇拜,尋日已經知了!!係阿瑤話我知,因為佢係崇拜影音!!
小江同Natalie做主席領詩,吉昌,國偉同祺峰彈結他,文仔打鼓,唔記得o左邊個彈琴,儀仔同Dia獻詩!!
cell有好多人都遲番!!聲波o係上面唔知做咩!!cell有11人番崇拜!!完o左之後,嘉莉有野做要走了!!
團會前同Chris余慶祝生日,佢聽日生日,原本諗住食飯之前同佢慶祝,但團會完o左佢要番學校,
所以就宜家慶祝!!送兩樣野比佢!!不過佢就係咁同人影相,搞到唔知想點!!最主要係送o個支彩虹筆比佢!!
之後團會了!!彈牙派活動!!cell鬥快飲水,10個伸展運動同21下Sit up!!我o地本來最快,但因為太馬虎,
所以New牙嬴!!之後就上去家會,通常年頭同年尾都會有好多人升家員,以為今個月會有好多人升,
點知得2個人升,其中一個係肥潘!!恭喜晒!!Jessica要佢o地嗌一個新人o既名,鼓勵佢o地升家員,
點知肥潘竟然嗌萬永盛!!4個拎得救!!冇人交十分一!!今年其中一個主題係喜樂,所以有一段讚美o既時候,
由朱小唐同琼兒帶領,唱o左兩首讚美o既歌,真係好激,好喜樂!!Benlung一上台,全家哄動!!
佢交代身體狀況同埋公佈結婚日期,改o係2月24日!!之後報告完o左就去食飯!!因為遲o左少少完,
下晏o既聖樂聚都延遲o左15分鐘!!如果2:00聚,就冇時間食飯!!一落到地下,阿瑤話我知今晚練波取消o左!!
下...有冇搞錯??我帶晒衫番o黎,宜家先話取消!!阿瑤話得好少人得閒去練,所以取消!!我o地去大家樂食,
Panda同我o地一齊食!!gini要走!!因為我,聲波,惠君同淑怡都係聖樂,所以搵到位就食先!!我幫聲波買埋!!
阿草,玉清同Panda唔係聖樂,佢o地慢慢o黎都未遲!!食完之後我o地就番書院先!!點知行到龍翔o個條大路,
聲波話唔記得噤錢,因為要交十分一,所以番番轉頭噤錢,我o地番去先!!
|
| 刊登時間：2008-01-22 12:10 AM [ 訪客留言(0) ] [ 編輯日誌 ] [ 分享至FACEBOOK ] |
| 聖樂聚~~ |
|
聖樂聚o係38rm,一入到去以為求其坐,就同惠君佢o地坐埋一齊,點知係有分咩部門坐,聲波一番到o黎,
吉昌就話佢知,我坐o左一陣又唔同我講??佢竟然話見唔到我!!你當我透明??因為好多人遲到,2:30先開始!!
文仔負責,聖樂部門有:司琴,司鼓,司結他同獻詩!!我係獻詩部門!!先玩遊戲,因為獻詩同司結他好多人,
所以將獻詩同司結他各斬開一半!!而司琴同司鼓就好少人,佢o地就合埋一組!!所以有5組!!玩咩??
每組有9張櫈,要我o地成組指定鬥快做一樣野,成組做完就企上櫈度舉手示意,最快o個組就嬴!!除鞋玩!!
初初梗係易d啦!!最後o個兩round要我o地落地下斟飲水機d水,每人都要含住一啖水番上o黎!!
一定要係飲水機d水!!儀仔問若果自己有水樽係落下飲水機d水o黎,咁得唔得??文仔話我o地認為係就得!!
聲波話佢支水係o係落下飲水機斟o既,就分比我!!我o地嬴o左呢一round!!最後要我o地整濕自己o既頭髮,
頭髮有水同埋係廁所入面o既水先得!!o個個衝晒去廁所拎水,我都有入去,個個都冇著鞋,地下好污糟!!
最後我都唔知邊組嬴o左!!之後就分部門圍圈坐!!講聖樂o既架構,發展,目標...好多野!!文仔係總負責人,
吳淑樺係副負責人!!最後要選八團大使!!每團一個,兩,三個都得!!我o地團圍圈傾o左一陣,不過都幾耐,
因為祺峰o係度發表偉論,最後佢做!!最後拎更表,只係得頭半年,1-6月!!家祈都冇我份,團契獻詩就有2次!!
完o左就落canteen,啟華,Alex同美君食緊飯,原來佢o地仲未食飯,佢o地cell搞咩??之後搵阿草,
佢話佢同玉清傾完,我同佢一齊走,4點幾,好早!!阿草o係蜂蜜公爵夾糖食,一齊搭車番屋企!!
|
| 刊登時間：2008-01-22 12:06 AM [ 訪客留言(0) ] [ 編輯日誌 ] [ 分享至FACEBOOK ] |
« | 10 | 11 | 12 | 13 | 14 | 15 | 16 | 17 | 18 | 19 | ... | 109 | »  |
2008 年 1 月 23 日 星期三 
