| «‹ June 2025 ›» | | S | M | T | W | T | F | S | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 | | 29 | 30 | |
|
| 考試了(中文同普通話)~~ |
|
今日考試,考到1/2(五)!!我o地去九龍灣會議展貿中心度考!!3點幾考試,考中文同普通話!!嘩...中文份卷...真係同Mock卷一模一樣!!
之前真係唔知同Mock卷一模一樣,不過阿銀提過下!!但我都冇咩點溫書,有d唔識做!!之後考普通話!!第1部份填充,聽兩次錄音都唔知佢up咩??
有一條係:媽媽是___,爸爸是股票行的___。((媽媽我竟然聽到"筷子",什麼來的??爸爸聽到係經紀))我真係聽唔出係咩,留空o左!!
考完之後,其他同學都聽唔出佢up咩??個個都話聽到似係"筷子"o既物體!!考完番屋企!!但o係搭緊車途中,二家姐打o黎話阿媽又入o左醫院了!!
 |
| 刊登時間：2008-02-07 03:54 AM [ 訪客留言(0) ] [ 編輯日誌 ] [ 分享至FACEBOOK ] |
整家大旅行(再反轉大欖)~~  |
|
今日係我o地仰望之家大旅行,去大欖郊野公園!!都唔知去過幾多次大欖了!!今日好凍,但唔知點解我著o左好少衫!!好在趕得切番崇拜!!
我只係遲o左出門口,唔係唔知醒起身!!因為...唔講!!就o黎到時打比草,又唔聽!!以為佢o地坐o左o係左邊,但就o黎開始,
求其搵個位坐,坐o左o係後面,同阿婷一齊坐!!坐低o左,聲波打o黎,我坐低了!!阿草都send訊息o黎話坐o左o係後面右邊!!
之後我先見到佢o地坐o左o係邊!!今次證道係一個外國人,唔知係五旬節堂會o既咩咩人!!係一個女仔!!曾寶玲牧師做翻譯!!
完o左就等齊人行去書院後面上車!!上齊人,仲有幾個係大陣仗o既弟兄姊妹坐我o地架車!!上到車一開始祈禱先!!
之後一齊唱歌紙上o既歌!!唱完家歌,背完家訓o岩o岩好落車了!!好凍呀!!分番團同cell去透爐!!聲波就比o左件褸我著!!
好快透好爐了!!團一齊祈禱,之後就燒野食了!!本來燒完一次d野食就會食,但燒o左都幾耐下,有人話唔夠炭,燒完手上o個d炭就冇了!!
所以我o地用燒烤網燒野食!!而好在我o地都有帶自己o既食物盒o黎,所以我o既食物盒好好用,燒完o個d食物唔使即刻食,
擺落個食物盒到,儲埋成盒先食!!阿草話我拎o左好多野食,好似未食過野咁,但其實我真係食o左好少野!!同埋冇炭嘛,
梗係擺o係食物盒度,一次過先食啦!!燒到七七八八,係時候去玩!!打羽毛球,同cell員玩數字球!!周圍影相!!咁就完了!!要回程了!!
好多人o係車度都訓著o左!!去到摩士球場度落車,阿草話番書院交水費,我同佢o地一齊走!!
|
| 刊登時間：2008-02-05 09:51 PM [ 訪客留言(0) ] [ 編輯日誌 ] [ 分享至FACEBOOK ] |
cell聚去聲波屋企打機~~  |
|
因為聽日係整家大旅行,所以今日冇團契,只有cell聚!!我o地cell聚去聲波屋企打機,聲波問人借Will比我o地玩!!
本來我應承o左幫手一齊買野,但遲o左起身!!佢o地上去屋企先!!我有張美心餅劵好耐都仲未用,就去拎西餅比大家一齊食!!
落到地鐵站買西餅!!之後就上去聲波屋企,佢住耀善樓!!上到去,就見佢o地打機!!有d就幫手整野食!!食西餅前祈禱!!
聲波屋企個間隔同我屋企差唔多一樣咁滯!!只係佢屋企多o左間房!!所擺d野都差唔多!!我打機...玩類似街霸o個d咁!!嬴o左!!yeah!!
有d cell員好遲先o黎!!之後就食飯了!!好正...有菜心,腸仔炒蛋,玉子豆腐同雞翼,有忌廉湯同汽水飲!!不過唔夠餸食,又多人,
所以嗌o左$30叉燒飯同炒o左d麵!!好好食!!食到好飽!!食完就打機,大家輪流打!!玩保齡球,初初唔識點玩,唔係將個波打到d觀眾,
就係甩波!!玩o左一陣先識控制!!之後我同阿草鬥,睇下邊個叻!!本來我高分過阿草,但佢玩玩下比o左阿羲,最後阿羲嬴o左我少少!!
本來阿草同聲波有預備搵人詩歌分享,但都好晏,最後都冇搞到!!去到5點幾離開佢屋企!!之後一齊去佳寶拎炭番書院!!番到書院散!!
|
| 刊登時間：2008-02-05 09:15 PM [ 訪客留言(0) ] [ 編輯日誌 ] [ 分享至FACEBOOK ] |
晨更...人際present~~  |
|
今早竟然番到晨更,2008年第一次番o既晨更!!之前3個星期都番唔到晨更!!因為今日人際堂要present,要power piont,
所以要問聲波借手指!!所以我o地都約o左一齊番晨更!!不過...佢send訊息話番唔到!!約我完o左晨更之後o係M記等!!
今次我遲o左少少,落到樓下冇巴士,就搭小巴落地鐵站搭地鐵過樂富!!點知落到月台搭地鐵,車一o黎就撞到吉昌,佢竟然番晨更,
真係好少見!!原來佢上星期都有番,只係我冇番,所以唔知!!真係失敗,之前叫佢記得番晨更,但自己竟然唔番晨更!!
我話尋日本來叫聲波比野我,最後都冇約出o黎!!原來佢尋日諗住約聲波,聲波話有野做,原來就係約o左我,唔怪得之會咁!!
唉...最衰都係我啦...何!!我同佢講我今日要present,佢即時反應係:吓...你要"變聲"??第幾期發育呀??你個死仔!!咁都聽錯!!
你耳仔有問題嗎??送個豬頭比你--> 佢話係present呀!!佢又晒英文,係"present",最尾有"慈"音!!知你勁喇!!
但都冇可能會聽到"變聲"o架??玩野咩??呢個話題完o左就到o左新堂了!!要晨更...我o地遲o左3個字到!!完o左之後,
團得我同祺峰有番,唉!!之後就去食早餐,不過o係食早餐之前去M記搵聲波拎手指!!佢o係M記食緊早餐,我話唔想o係度食,
同番佢o地一齊去五十嵐食早餐!!我o地成棚人分o左兩張枱食!!祺峰番屋企搞搞d野,搞完出o黎食早餐!!有冇搞錯!!
我叫o左個五香肉丁米粉,炒蛋,多士同凍奶茶,竟然可以比錯通粉同鴛鴦我!!兩個人叫奶茶,一個叫鴛鴦,竟然可以3杯都係鴛鴦囉!!
仲有裝鹽o個個樽係爛o既,豪仔一倒...全部d野倒晒出o黎,成碟要換過!!真係宜家d人點做野??咩服務態度?? 今日早堂本來係數學堂,
但數學堂上完,所以轉o左人際堂present,老師話可以番9點!!所以可以食耐d!!番到去就已經有人present!!每人有3分鐘present,
最多4分鐘,過o左4分鐘會扣分!!每一個人present都有人幫佢評分同o個個人present完都有評語!!好驚呀!!我仲未搞掂!!
好努力咁諗緊!!可以present 3條題目,1.訪問3個唔同種類o既人去講佢對你o既觀感 2.訪問兩個全職o既人士3.一件難忘的事
3選1 present!!除o左present,仲要作最少700字o既文!!本來諗住做第1題,但第3題易做d!!所以決定做第3題,講F.5 camp!!
可以用power piont show d相出o黎!!好在我係最後一個present,咁o岩o係最後2,3個present時搞掂晒!!不過都仲係好驚!!
終於到我present喇!!唔知將手指插o係邊,好樣衰!!唔識開power piont,仲樣衰!!已經祈o左禱,令到自己好鎮定,但講到好窒!!
亦盡量有笑容同手勢配合!!講o左3分鐘多d!!我present當中,公開我番緊教會,係一個基督徒!!present完之後真係鬆o左口氣!!
|
| 刊登時間：2008-02-03 03:24 AM [ 訪客留言(0) ] [ 編輯日誌 ] [ 分享至FACEBOOK ] |
| 唔使番學~~ |
|
今日唔使番學,因為下星期考試了,有好多堂都上完了!!今日趕功課,聽日要口頭報告!!又係臨急抱佛腳!!
竟然...要搵聲波拎手指!!希望聽日順利啦!!
|
| 刊登時間：2008-01-25 12:38 PM [ 訪客留言(0) ] [ 編輯日誌 ] [ 分享至FACEBOOK ] |
« | 9 | 10 | 11 | 12 | 13 | 14 | 15 | 16 | 17 | 18 | ... | 109 | »  |
2008 年 1 月 28 日 星期一 
