| «‹ June 2025 ›» | | S | M | T | W | T | F | S | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 | | 29 | 30 | |
|
點名cell聚(團契前)~~  |
|
今日要10:30番學校補測普通話聆聽,但遲o左少少,之後都可以再聽多一次!!呢次測驗可以open book!!
都以為好易,但其實都唔係!!聽完之後15分鐘做,又話測到11:30,點知11:15就測完!!之後去突破行o左一陣!!
12:30要番書院點名聚,所以行完就番去!!因為我冇咩錢o既關係,咁o岩阿草話1:30番到,
所以叫佢o係慈雲山幫我買d平o既野食比我!!我聚完就可以食!!o係57rm點名開cell,係B...同阿暖做主席!!
第一個遊戲係玩前後扑傻瓜!!咩叫前後扑傻瓜??係圍圈咁玩,先兩個人一組,前面o個個就坐低,
而後面o個個就企o係度!!搵一個扑人,當要扑人時,後面o個個就要o係佢扑前面o個個人o既時候,
嗌對方坐o係度o既人!!前面o個個係被人扑,唔可以出聲,而後面o個個就要保護佢前面o個個,嗌人o地個名,
唔好比人扑到佢!!呢個遊戲我玩過一次,就係初初上人際堂o既時候玩過!!第二個遊戲仲好玩,叫傳電!!
捉人o個個一隻手要掂住d牆或者枱同櫈,捉到人就要拖住佢,由被捉o個個人去捉人!!因為空間太細,
所以好快就連成一條人龍,不過仲未被人捉到!!初時仲o係d邊位走,不過阿暖話只係得一邊可以捉人,
所以叫我o地走去佢o地人龍o既中間度避!!走到人龍中間,一定會比佢o地圍,我就點都唔比佢o地捉到,
我o地玩到就o黎癲!!最後阿暖先嗌停!!係咪要捉晒先嗌停??梗係捉剩一,兩個先好玩o架啦,捉晒仲使玩o既??
最後捉剩我同美善!!Yeah~~不過呢個遊戲十分好玩,番過教會咁耐都未玩過,遲d有機會開cell玩先!!
馬學良總結!!經文解釋!!之後完了!!上7樓搵阿草拎野食,阿草同惠君唔知搞咩!!我坐o係家枱食!!
阿銀o係度,但佢好似想死咁款!!吉昌同聲波一齊番!!我食紅腸米粉,d紅腸染到d粉變o左紅色,
d人見到係咁問我做咩d粉紅色??我唔使答都已經有人幫我答o左!!食完之後就落canteen等d新人了!!
 |
| 刊登時間：2008-01-21 12:35 AM [ 訪客留言(0) ] [ 編輯日誌 ] [ 分享至FACEBOOK ] |
羲hold團契~~  |
|
今日阿豪有番,佢有幾個星期冇番了!!等到3點幾就上去團契!!今次團契,團終於都有番d士氣!!
今日係阿羲做團契,亦係佢第一次做團契!!佢做律師呀!!佢一講野我o地就歡呼!!我見佢都有d緊張,
所以我o地比d鼓勵佢!!期間玩IQ題,d IQ題都未聽過!!我有試過舉cell紙,我o地可以答,點知冇人識答,
舉得快都冇用!!答案係"大red唇"...=="Chris余同佢d新人玩遊戲時先番到!!以阿羲第一次做團契o黎講,
算係做得唔錯!!之後開cell,Chris余同佢d新人走o左!!lina同惠君hold cell!!今次開cell有d特別,
有3個遊戲,o係每一個遊戲完o左之後,都會有一個小總結,係第三課栽培!!遊戲:1.青蛙跳落水
2.口是心非(幾難,不過考唔到我) 3.解手(輸o左)!!完o左教玉清點名!!寫生日卡比Chris余!!阿羲番到,
佢話幾緊張,第二場做得好過第一場!!正常!!好多時都係!!之後我去o左23rm坐o左一陣就同阿草走了!!
|
| 刊登時間：2008-01-21 12:33 AM [ 訪客留言(0) ] [ 編輯日誌 ] [ 分享至FACEBOOK ] |
| 化妝(好靚)~~ |
|
今日上化妝堂,早上上理論,下晏同同學互化妝!!理論講面形,每個人o既面形都唔同,有橢圓形(鵝蛋形),
圓形,長方形,正方形,三角形/心形,鑽石形同梨形!!最靚o既面形係橢圓形,最唔靚係梨形面!!
老師要我o地分析同學o既面形,大部份o既人都會係混合形,有兩種面形合併!!例如正方形+鑽石形等等!!
我竟然係橢圓形面,我聽到都呆o左!!以為係鑽石+橢圓,原來...聽到都好開心!!全班得我一個係橢圓形面!!
不過面形靚咁又點,自己都唔識打扮!!很快放lunch了,那個侍應手腳真慢!!下晏同同學互化妝!!
我先同我o既拍檔化,我化緊妝o既時候,有個男同學話想幫我修眉,我當然話好,不過要等我幫人化完先修得!!
經過上次教訓,第二次幫人化妝!!結果比上次化得好o左!!同人化完了,個同學就幫我修眉,只係蚊o左兩三下,
個老師走埋o黎話有排修,因為我d條眉真係好唔掂!!o個陣3點幾,如果要修o既,就要修到5點!!
個同學就唔修了,佢叫我自己去修眉,改一改個眉形!!之後佢好快手拎住個濕粉卜搽落我塊面度,我覺得驚訝,
第一個反應:你幫我化妝呀??佢話:係,有咩問題??我話:冇!!你繼續!!只係我本身同緊另外一個同學化妝,
照計係到o個個同學去幫我化妝,宜家變o左你同我化,好突然,有d好奇問下啫!!就係咁就比佢化!!
不過我十分放心,因為佢所用o既野都係佢自己o既,我相信佢好專業!!其實我都唔係好想之前個同學幫我化,
因為佢化得唔靚!!個同學諗o左好耐,究竟搽邊隻色o既眼影會襯我好d,最後佢揀o左粉紅色o既眼影!!
佢仲同我搽埋mascara同夾埋眼睫毛o添!!結果佢用o左一個鐘幫我化o左個妝!!我覺得好靚!!
化完就比老師睇,老師都話幾好!!我即刻拎部手提出o黎影低!!其實個妝化得幾好,不過只係條眉同塊面太乾!!
學校得到一本雜誌社o既邀請,老師就o係我o地咁多個學生之中,搵兩,三個化妝化得最好o既同學,
幫d model化妝!!最後揀o左3個,不過冇幫我化妝o個個同學份!!更加唔會有我份!!之後番書院點名!!
見到團契o既人R緊稿,今個星期阿羲做團契,嘉莉陪佢!!點完6點過新堂幫手整新年佈置!!
番到去...好大工程!!阿盈都o係度,我幫手油油,油o左唔知幾耐就好攰!!有野食o添!!仲幫手整o個d唔知咩!!
整到7點幾同陳德仁幾個一齊走了!!陳德仁真好,肯同我一齊行去黃大仙地鐵站先搭地鐵走!!
|
| 刊登時間：2008-01-20 01:56 AM [ 訪客留言(0) ] [ 編輯日誌 ] [ 分享至FACEBOOK ] |
| 歡送會~~ |
|
今日係一年一度o既歡送會,去o既都以盛裝出席,我都會去,當然唔例外!!不過今年o既歡送會o係下晏舉行!!
阿草去唔到,因為佢尋日先知要番大陸,所以佢崇拜完o左就要走!!我今日o既衣著同平時衣著差唔多,
上身都係o個d,下身變o左條裙同對boot!!對boot已經買o左好耐,著過好多次,個底已經蝕o左好多,
但好多人都以為係新鞋=="崇拜讚美o個part要企o係度!!點解咁o岩要著盛裝o既時候先要企o係度呢??
之前婚禮要著盛裝都試過幾次讚美要企o係度!!有冇咁o岩得咁翹??之後團祈禱會,轉o左班房,
以後都o係41rm團會,嘉莉同聲波做主席,美君獻詩,祺峰彈結他!!之後我o地去金飯碗食飯!!
雖然歡送會都有野食,不過要等到d人歡送完o左先可以食野,所以我o地都去食飯!!上到6樓o係門口等入去!!
入到去跟power piont坐!!抽筋,樂仔,嘉誠同叉燒做主持!!歡送o左一半就食野了!!o係食野之前去o左廁所,
番到o黎見到吉昌坐o左o係我o地呢邊!!有d開心!!但佢竟然食飽o左!!我頭先見到佢拎住個M記包食!!
不過佢都有食少少野!!又係咁喇!!d雞翼又比人拎晒!!我又係一隻都冇食過!!同F.5放榜前o個個聚一樣!!
下次我一定會食雞翼先!!我講比吉昌知我尋日立o既志,但竟然唔記得o左一樣!!食完我o地就影相!!
還記得上年拎o左吉昌部相機周圍影,若果阿草o係度,相信都會同上年一樣,拎佢部相機周圍影,
可惜佢唔o係度!!都冇乜點影相!!影團o既相更係一團糟!!完o左食野時間,又跟番本來咁坐,睇番歡送環節!!
今次係歡送家導師,尤其係Ellen o個part會特別多!!Noel都有講野!!本來去到7:30,搞到8點幾先完!!
|
| 刊登時間：2008-01-20 01:05 AM [ 訪客留言(0) ] [ 編輯日誌 ] [ 分享至FACEBOOK ] |
| 我hold cell~~ |
|
12:45番到書院開cell,因為團契之後團開常會!!今日係我hold cell,竟然冇場地!!去o左廁所o個邊開cell!!
因為冇場地,所以玩遊戲唔方便,我之前以為有場地!!因為我玩o左其中一個遊戲要繩,但條繩就o係阿瑤度,
佢又未番,諗住第一個遊戲先玩繩,但都要調轉!!先分組!!第一個遊戲:8x8格仔,擺d障礙物,
要佢o地搵一個人出o黎,然後蒙眼行!!其他人要話比玩o個個人知點行,要令到玩o個個唔可以掂到d障礙物!!
最快行到過對面o既o個個人,o個組就嬴!!呢個遊戲之前團會都話過!!第二個遊戲:有一d物件同埋一條繩!!
搵兩個人拎住o個條繩,條繩要打結兼要有個圈,我指定o左某一樣野,佢o地就要盡快去拎o個樣野,
唔好比條繩綁到隻手!!今次開cell o既主題係聖徒o既品行!!唔知係咪因為今日多o左新人番定係冇場地,
定悶o既關係,d新人唔係好投入,又唔多願郁!!之後就團契了!!今日團契好好笑...李黎遲(你o黎遲)!!
做乜都遲過人!!點解次次遲到都可以做到助導??連結婚都遲!!阿邦扮女人好嘔心,佢件衫似工人多過似婚紗!!
個團契好好笑,係叫我o地做事千祈唔好遲到!!Alex獻詩,好好聽!!之後上43開團常會,只係for家員同校福長!!
早睡早起...o no!!導師講完要講o既野,最後要我o地立志,導師買o左個火柴人o既一張卡,$8...好貴!!
要我o地寫低立志o既事項o係張卡度,之後要企出o黎講,仲要錄低o左,不過就會比番我o地!!先家員,
後校福長!!家員講完,助導就會比一封信佢,只係家員先有!!最後一個係我講!!我立志o左7樣野!!完o左走了!!
|
| 刊登時間：2008-01-20 12:08 AM [ 訪客留言(0) ] [ 編輯日誌 ] [ 分享至FACEBOOK ] |
« | 11 | 12 | 13 | 14 | 15 | 16 | 17 | 18 | 19 | 20 | ... | 109 | »  |
2008 年 1 月 19 日 星期六 
