| «‹ July 2025 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 | |
|
| 整葛福臨d野~~ |
|
今早6點11起身,本來咁遲係唔會番!!但咁o岩今日要晨更當值,無論係早番定遲到,都一定要到!!
所以飛的番新堂!!7點3番到去,見到阿沙企o左o係度,當值要企o係後面點人數!!唉...今日晨更得38人番!!
完o左就去50嵐食早餐,我要趕住番學就食先,走先!!之後番學!!之前應承o左吉昌今日番新堂整野!!
放o左學之後約儀仔佢o地一齊去食野!!都有10個人去食野!!我o地去牛車水食!!食完番新堂整葛福臨d野!!
要整陪談員d證!!將全個永光堂+大埔堂o既人名卡,再跟組排番好,之後將人名卡放入膠套度,再用繩扣住佢!!
初初好少人整,之後越o黎越多人!!隔離家都有人整!!本來吉昌話5點幾番o黎幫手,但又好似差唔多搞掂,
所以唔使叫佢番o黎!!好多人都走o左!!誰不知有d野出錯,搞到又要再排過!!呢d工程,一錯o左少少,
就要重頭再排過!!最後整到7點幾走!!我都係食完飯先整,而儀仔由晨更到夜晚7點先走,都冇停過!!
值得一讚!!我都好少做d咁大o既工程,做完之後係好攰,但做完好有成功感!!
 |
| 刊登時間：2007-11-22 01:31 AM [ 訪客留言(0) ] [ 編輯日誌 ] [ 分享至FACEBOOK ] |
撞見星雅~~  |
|
尋日收到電話,聽日要晨更當值,所以今日放o左學之後番新堂拎點名紙!!發現番晨更o既人越o黎越少!!
拎完走人!!去到黃大仙地鐵站撞到星雅,佢著住校服,同d同學一齊!!正想行過去之際,佢走了!!佢見我唔到!!
|
| 刊登時間：2007-11-21 01:06 AM [ 訪客留言(0) ] [ 編輯日誌 ] [ 分享至FACEBOOK ] |
| 型?? |
|
今日好凍,所以著o左對boot上美容堂!!其實上美容堂要著白色鞋,不過上次有好多人都著boot上堂,
而老師又無話,所以唔理佢,照著!!夜晚番書院點名,撞到高嘉謙,佢竟然話我心靈空虛!!呆晒!!
上到7樓見到嘉莉同玉清,佢o地好努力咁溫習功課!!好快點完就過新堂番讚美祈禱會了!!上到6樓,
一個團o既導師助導都冇!!等到咁上下就落去,原來吉昌已經坐o左o係度!!阿席坐o係我隔離,
佢問我做咩著得咁型??型??唔係嘛??我都唔知點答佢!!之後開始祈禱會了!!完o左之後,導師助導聚了一陣!!
之後我o地團圍圈,Panda講報數情況,我o地一齊為到葛福臨祈禱!!之後就散了!!
|
| 刊登時間：2007-11-21 12:55 AM [ 訪客留言(0) ] [ 編輯日誌 ] [ 分享至FACEBOOK ] |
| 感恩家祈禱會~~ |
|
今日崇拜因為太遲上去,所以分開o左兩邊坐,不過我就同3個助導一齊坐!!之後家祈禱會...好特別...
導師助導坐中間,家員圍住佢o地,我o地一班新人o係最外圈!!嘉莉獻詩!!先唱歡欣...之後讚美...之後感恩!!
感恩o個part好感動,都有喊o架,不過無人知啫!!尋日比o個張紙要寫感謝o既說話比你最想感謝o既人!!
原來係for家祈,搞到我o個一刻先寫!!仲有o係家祈之前比o左兩個心心我o地,都係送比你最想感謝o既人!!
o個張紙我比o左吉昌!!而o個兩個心心就比o左gini同吉昌!!一班家員就親手送上一張卡比導師助導!!
好多人感動到喊o左出o黎!!完o左就有Noel o既分享!!家祈之後就去五十嵐食!!Panda都去!!
我同玉清都叫o左牛肉鍋!!呢個陳吉昌好可惡呀,想打佢,不過比玉清隔住o左!!我o地一路食,
一路分享點樣keep o個4個穩定新人!!Panda早走有野做!!食完之後番書院...都唔記得番去做咩了!!
|
| 刊登時間：2007-11-20 01:16 AM [ 訪客留言(0) ] [ 編輯日誌 ] [ 分享至FACEBOOK ] |
| 變態遊戲~~ |
|
今日我好"忟"先番到書院團契!!今日團契坐地下,玩o左個超變態o既遊戲...要我o地逐團去攻過其他團!!
先係男仔玩,之後先到女仔!!見到d男仔玩就已經好驚!!真係唔係好想玩!!見到攻o個d人比守o個d人圍住!!
不過我o地團d人做攻時,杯麵十分順利過到對面!!笑死!!突然讓我想出一個方法點樣可以比人圍唔到我!!
到我玩o既時候,第一排順利通過,第二排開始比人圍,用我o地方法逃出o左,走去第二度,又被圍,又逃出,
最後都衝到過去終點!!因為有d團員仲被人,所以剩番10秒時,幫手扯開d人,救阿瑤出o黎!!但始終都救唔到!!
團契完之前晨祈宣傳集中營,估唔到有我個...背影囉!!呆晒!!邊個o係我後面偷影我??團契之後開cell,
團一齊開cell,以每cell作單位,企上櫈度,鬥快舉手問問題!!因為我o地cell太多人喇!!所以斬開o左兩組玩!!
但隔離兩cell係咁將我o地d櫈拎走!!Panda其中有條問題係問佢著緊o個條褲幾多錢!!提示係o係九龍塘買!!
唔使講都知o係又一城啦!!o個陣我o地都估二百幾,我就話通常買d褲都係$299,99字尾!!但吉昌話太貴,
所以冇講!!最後選擇$250!!點知真係$299!!完全比我估中!!因為我要去祈禱集中營,所以玩玩下要走人!!
去23先,之後搬枱落龍翔入口!!先係讚美祈禱,再去為人祈禱!!做o左幾個字就收當!!之後上番去搵佢o地!!
就係6點祈禱!!之後都冇野做走了!!
|
| 刊登時間：2007-11-18 10:33 PM [ 訪客留言(0) ] [ 編輯日誌 ] [ 分享至FACEBOOK ] |
« | 18 | 19 | 20 | 21 | 22 | 23 | 24 | 25 | 26 | 27 | ... | 109 | »  |
2007 年 11 月 9 日 星期五 
