|
o岩o岩好7點半去到大球場!!原來門口都有飛攞!!門口樓梯度有人check袋,睇下有冇人帶危險品!!
而門口就有人check飛!!入到去,就有人派野!!之後我o地搭電梯上上層搵位坐!!搵到位了,因為d櫈太污糟,
媽咪要我o地抹乾淨d櫈先好坐!!去到都已經開始o左祈禱了!!都唔知唱緊邊首詩歌!!一坐低就有捐奉獻,
媽咪話佢有捐!!一開始聽詩班唱詩,惠君個細妹話好悶,我覺得都幾悶,因為有咁多人唱,又咁高音,
有d似催眠曲!!我都擔心d新人會覺得悶!!我都以為個佈道會除o左葛福臨牧師證道之外,就全部都係唱詩,
點知唔係!!之後開始好睇了!!有個叫蔣麗萍o既女人獻詩!!那個女人係我之前住o個間宿舍o既愛心大使!!
之前宿舍50週年,所以我見過佢!!佢同之前一樣都係唱o個首詩歌,但我都唔記得o左o個首係咩詩歌,
但我覺得佢唱o黎唱去都係o個首詩歌,莫非佢只係唱呢首詩歌好聽??呵...講下笑啫!!不過真係好好聽!!
那個結他同小提琴o既solo超正!!媽咪話聽出耳油!!有個外國人用廣東話唱歌,睇唔清楚係咪葛福臨牧師,
但全場拍手!!惠君本來有兩個細妹未o黎,之前都好擔心,不過儀仔接o左佢o地o黎,惠君就去門口接佢o地!!
我同媽咪坐過o左個坐!!佢兩個細妹o黎到了!!嘩...天氣凍到乜咁!!佢兩個細妹短褲短裙,仲冇著絲襪o添,
真係好勇!!不過佢兩個細妹都幾識打扮!!不過只係衣著方面唔合時候!!到o左葛福臨牧師證道喇!!
有人翻譯!!都幾搞笑!!不止葛福臨好有能力,連翻譯o既人都好有能力!!睇到上帝賜予好大o既能力比佢o地!!
我睇到媽咪係咁"up"頭,即係表示好同意牧師o既講法!!當牧師話最後會邀請人落到去台下o既時候,
媽咪同我講o左句:好呀!!神呀...真感恩!!不過惠君好擔心d細妹唔肯決志!!最後媽咪佢自己話要落去台下,
我陪佢落去!!惠君叫佢細妹決志,佢o地點都唔肯落去!!完o左同惠君電聯!!惠君講過佢唔記得帶陪談員證!!
我之前都驚唔記得帶,所以一早擺落個袋度!!我o地幾經辛苦先落到去!!講台前面已經好多人,
維持跌序o既人都唔比我o地行過去,但媽咪話想行過去,最後都行到上前面!!有個姨姨幫我媽咪做陪談!!
我都差d唔記得要戴陪談員證!!我就同另外一個姨姨幫兩個中二o既朋友做陪談!!最後同o左一個做陪談!!
惠君話佢同吉昌o係門口o既KFC度等我o地,我o地去完廁所就行去!!行到去,吉昌就走o黎,佢就介紹自己!!
我同吉昌講我媽咪決o左志,吉昌即刻恭喜佢,同佢握手!!惠君d細妹走o左!!我,我媽咪,惠君,
吉昌同埋吉昌o既一個新人一齊走!!一路行,我媽咪就不停咁同吉昌講野,講佢之前入醫院o個d野!!
吉昌梗係聽啦!!媽咪太多野講了,全程都不停講,講到大家分手先講完!!吉昌新人叫Steve(唔知係咪咁串)!!
我以前有個同學都叫做Steve,佢都番過永光!!我o地可以搭小巴番屋企,以為吉昌會搭地鐵走,
諗住都同佢o地一齊搭地鐵走!!點知吉昌話搭巴士番屋企,得惠君搭地鐵,所以我o地都係搭番小巴走了!!
呵...姣??唔係呀??我唔覺喎!!乜姣係咁o既咩??哼!!都幾好笑!!
 | 
2007 年 11 月 29 日 星期四 
