| «‹ June 2025 ›» | | S | M | T | W | T | F | S | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 | | 29 | 30 | |
|
著新買o既boot同褲番學~~  |
|
無咩特別!!搵唔到吉昌!!今日著尋日買o既boot同窄腳褲番學!!早上番晨更...但遲o左番去!!完o左之後,
佢o地都話我高o左,因為我對boot係高踭!!杯麵更同奇異o既眼光去望我!!我好趕咁食早餐,
儀仔話想去KFC食,但我就唔夠時間去KFC,開o左都還可以,最驚係佢未開!!因為之前都試過去KFC食,
都仲未開!!所以我o地去o左M記,其實我都唔係好想去M記食,不過無計,最快係去M記!!
但我到M記就得我一個食,佢o地陪我o黎食,到我走o左之後,佢o地就去KFC食!!因為時間太趕,
所以杯麵幫我杯奶茶落糖等等,等我可以食快d!!真係多謝你!!食完之後就去番學了!!吓...番到屋企先發覺...
 |
| 刊登時間：2007-11-13 01:03 AM [ 訪客留言(1) ] [ 編輯日誌 ] [ 分享至FACEBOOK ] |
有質素的團祈禱會~~  |
|
今早崇拜,之後係團祈,好耐都冇團祈喇!!真開心!!啟華同Alex做主席,祺峰彈結他,估唔到吉昌獻詩,
仲以為佢彈結他o添!!多o左個琴o係度,原來係杯麵彈琴!!今次團祈真係唔少野!!不過今次團祈好有質素!!
除o左多o左個琴手之外,仲有係成個流程都好好!!比之前o既團祈好!!最重要就係當我o地要企o既時候,
杯麵就企o係度彈琴!!我o地要跪低時,杯麵就跪低彈琴!!呢樣野令我睇到好專業同好有質素!!
今日因為團要拍野,所以今日要著團衫!!團o係葛福臨佈道大會o既目標係410人,所以要拍410 o既相!!
之後就去...(唔記得去邊度食!!)食!!之後番書院,佢o地家員有家員聚!!歷時兩個鐘!!期間本來做緊英文功課,
皆因無人教到我,所以唔做!!惠君同我一齊聽MP3!!吉昌話過要同惠君in得救,又話過教我做功課,
佢識分身嗎??終於等到佢o地落o黎,我o地先拎份功課出o黎做!!做到8點到同導師助導一齊走!!
|
| 刊登時間：2007-11-07 01:10 AM [ 訪客留言(1) ] [ 編輯日誌 ] [ 分享至FACEBOOK ] |
| cell去大球場祈禱(早)~~ |
|
今日cell去大球場祈禱,約11點o係銅鑼灣MTR等!!但我成10點先起身,10點7出門口,諗住搭紅色小巴去,
但等到11點都冇,就打比吉昌,我話我仲等緊車!!我本身想走,但都等o左咁耐,等多一陣都應該有車!!
但點知等到11點2都冇,足足等o左7個字都冇車o黎,開始懷疑星期六,日係冇小巴搭去o既!!
都擔心搭小巴落黃大仙,再搭地鐵會好耐,所以搭小巴去旺角,再搭地鐵過銅鑼灣,咁樣應該會快d!!搭小巴時,
吉昌打o黎話cell到齊,話佢o地行去先!!原來由旺角搭去銅鑼灣都有6個站咁多!!不過就搭$10咁貴,
雖然我用緊o個張係成人八達通,但上次由黃大仙搭去銅鑼灣都係搭o左$11.8,點解少咁多個站都咁貴o既??
好在之前去過一次大球場啫,唔係今次一定唔識去!!差d唔記得出邊個出口!!終於去到大球場了!!
佢o地唱緊<我要向高山舉目>o既呢首歌!!之後就開始祈禱,首先係自己搵個地方安靜祈禱!!我一坐低,
就有隻狗跑過o黎,有d驚o添!!我以為係一d惡狗,因為隻狗唔知咩事無啦啦走過o黎,又好似好惡咁!!
之後佢主人就叫佢走!!都無野了!!我祈o左好耐,最遲一個番番去,因為我好認真,祈得好深入!!之後就係組祈!!
之後係凝望祈禱,之前我o地要同d新人傳福音兼影相,就望住每一個新人去為到佢o地祈禱!!我企o左出o左度,
吉昌就搵我做一樣野!!吓 ...咩事呀??原來係叫我教佢o地跳<我要向高山舉目>o既舞!!因為我係晨祈,
之前有幸同導師助導o黎大球場祈禱!!o個日我o地有唱呢首歌!!晨祈要跳呢隻舞!!成cell得我一個係晨祈,
得我一個識跳!!只係咁o岩我企o左出o黎啫!!吉昌已經預謀搵我跳!!佢唔叫我教,我都唔記得o左,
諗o左成2分鐘先記得點跳!!之後就教佢o地跳...原來佢o地學識o左之後要拍片o架!!都幾搞笑o丫!!
咁就完o左我o地呢個行程!!之後就番黃大仙食飯!!
|
| 刊登時間：2007-11-06 07:55 PM [ 訪客留言(0) ] [ 編輯日誌 ] [ 分享至FACEBOOK ] |
| 團契(午)~~ |
|
去金飯碗食,期間發生o左好多事!!先係Lina發現佢碗麵有菜蟲,但個侍應好理直氣壯咁話菜係一定有菜蟲!!
鬼唔知菜係有菜蟲咩??但做飲食o既,唔係應該要將d食物洗好,整熟先拎比客人食o既咩??
點知個侍應仲理直氣壯過Lina,我梗係幫佢啦!!咁o既態度都有o既!!宜家係你o地唔o岩,仲拗咩呀??
叫佢搵個話得事o既又唔去搵!!不過最後都換o左!!Lina換o左碟飯食!!嘉莉話個侍應聽到我一出聲,
就啤住Lina!!道理o係我o地o個邊,使咩怕佢呀!!如果佢態度唔係咁差,我都唔會用咁o既態度同佢講野!!
之後聲波先o黎,佢個粉食o左一半,轉個頭就比人執走o左!!叫d侍應比番半碗聲波,點知比o左成碗粉佢!!
頭先又唔見佢o地咁快手!!雖然金飯碗d野幾好食,但我要將佢列入"黑名單"!!今早收到阿豪o既訊息,
因佢旅行時整親,之後o個幾日又無理佢,開始好痛!!佢話天光去睇跌打!!所以今日都唔番,要訓教!!
因為要落MTR搞學生地鐵乘車證d野,所以就走去搞o左先!!但估唔到佢o地咁快走o左!!番到書院,
佢o地已經上o左禮堂!!今日團契好變態,要每cell搵人上去,而cell就做競投,競投到o既o個一cell,
上去o個個人就要做一d好變態o既野,例如:o係塊面畫圈,做sit up50下,做掌上壓50下等等!!
最恐怖o既係要d導師助導(經理)出o黎,我o地競投,嬴o左o既要佢o地摸核突蟲!!佢o地話係真o架!!
好核突呀!!不過今次團契主題係:蝕底,我就是喜歡!!要唔怕蝕底,就要做到咁!!之後開cell,
係Lina hold cell呀!!佢第一次hold cell咋!!第一個遊戲係分組玩,每組輪流搵人做紙上o既字,
我出去做動作,竟然係"可愛"!!我即刻豎起兩隻食指,篤o係塊面度扮玉清!!咁容易,實估中!!最後係隔離組嬴!!
第二個遊戲係自己為單位,要每人報一個數!!先由Lina去抽號數,咁抽中o個個人就要出去食水泡餅唱歌!!
Lina叫佢o地唱咩歌就要唱咩歌!!不過Lina叫佢o地唱o既歌,好多人都話唔識唱!!Lina話有好多歌,
不過如果係新人出去o既,點會叫佢o地唱詩歌o丫,仲有太舊o既歌佢o地未必會識,就算唱都係流行歌!!
而我o地番得耐o既,相信都會係詩歌!!但Lina番得都唔係好耐,基本上佢o係教會所聽o既歌,我o地好多都識!!
有次抽到吉昌,佢竟然走o黎噴我!!真係可惡!!佢竟然比我估到佢唱"同根生"!!惠君o個次好熟,
但一時唔記得係咩歌,比人估o左!!其實我好想出去,但抽唔中我!!其實之前我hold cell都有諗過玩估歌仔,
不過又唔知用咩形式去玩呢個遊戲,所以所hold o既遊戲都冇玩過!!但估唔到Lina咁醒,咬住水泡餅唱歌!!
不過就會將d水泡餅噴到周圍都係!!不過要開心,污糟d都冇所謂啦!!之後抹番乾淨咪得囉!!
完o左我就要點名,點完就同佢o地一齊走!!之後去西九龍中心拎褲,順便去o個度行街同買野!!
|
| 刊登時間：2007-11-06 07:48 PM [ 訪客留言(0) ] [ 編輯日誌 ] [ 分享至FACEBOOK ] |
| 行街買野(晚)~~ |
|
先去拎褲,之後就行西九龍了!!好多野都好靚呀!!又想買呢樣,又想買o個樣!!本來我之前睇中o左個袋,
但今次又睇中另外一個!!搞到我心大心細!!最後都買o左我宜家拎緊o個個!!有3個原因,1.雖然另外個袋都靚,
不過佢手挽個條野唔夠大,我平時會好順手咁用一隻手揹起個袋,但我買呢個得,o個個就唔得!!
2.而我買呢個睇落少女d,另外個袋睇落成熟d!!3.其實我買袋係專of我番學用,我買呢個可以裝到File,
另外個袋就唔得了!!所以我都諗o左好耐先買!!但又想兩個袋都買!!哈...我太貪心了嗎??我已經行o左好耐,
未食野,就o係某架車仔度買o左5蚊2包o既麵食!!嘩...o係我食過咁多間冷麵之中,最好食o既一間!!
d冷麵落o左好多汁,d汁係超好味,我連d汁都飲埋!!另外我想買boot著,因為屋企o個對boot係粉紅色,
其他人話唔係咁好睇!!之前睇中o左對boot,仲試埋,但就因為好貴所以冇買!!之前又睇中o左件衫,
但西九龍中心好早收舖,番番轉頭竟然收o左舖!!諗住買多包冷麵食,都收埋舖o添!!唉...今次只係買o左個袋,
仲麻煩到嘉莉o添!!嘻嘻!!真係唔好意思!!行到10點搭巴士走了!!
|
| 刊登時間：2007-11-06 07:47 PM [ 訪客留言(0) ] [ 編輯日誌 ] [ 分享至FACEBOOK ] |
« | 19 | 20 | 21 | 22 | 23 | 24 | 25 | 26 | 27 | 28 | ... | 109 | »  |
2007 年 11 月 2 日 星期五 
