| «‹ July 2015 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
下學期時間表~~  |
|
|
|
時間 |
星期一 |
星期二 |
星期三 |
星期四 |
星期五 |
|
上午 |
8:30-10:30 |
|
Day off |
化妝
胡芬妮髮型
美容教育中心
上課時間:9:30-5:00
上課地點:(3) |
|
普通話
尖沙咀(3) |
|
上午 |
10:45-12:45 |
|
|
英文2
尖沙咀(3) |
|
下午 |
1:45-3:45 |
數學
九龍塘(1) |
英文2
佐敦(4) |
|
|
下午 |
4:00-6:00 |
人際
九龍塘(1) |
*
中文
佐敦(4) |
|
*班主任課
(1)環保樓教學中心: 九龍塘於達之路77號賽馬會環保樓1樓及2樓
(2)尖沙咀教學中心: 九龍尖沙咀廣東道188號港景匯商場3樓
(3)胡芬妮髮型美容教育中心: 九龍油麻地佐敦道8號9樓D室
(4)佐敦教學中心: 九龍上海街80號華海廣場二樓
|
上午上課時間 |
下午上課時間 |
|
課堂一:8:30-10:30am |
課堂一:1:45-3:45pm |
|
小息:10:30-10:45 |
小息:3:45-4:00pm |
|
課堂二:10:45am-12:45pm |
課堂二:4:00-6:00pm |
唉...下學期呢個時間表:星期五早上番尖沙咀呀!!即係番完晨更食唔到早餐,番完晨更就要即刻番學!!唔制呀 !!
 |
| 刊登時間：2008-02-27 01:46 AM [ 訪客留言(0) ] [ 編輯日誌 ] [ 分享至FACEBOOK ] |
| 情人節~~ |
|
今日係情人節,但對我o黎講冇咩特別!!今日開學,下學期了!!派時間表,有d唔同,但逢星期二Day off!!今日同惠君傾電話,
由落樓下傾到上堂前!!因為5:00pm要番書院番rehearsal團契獻詩,本來放6:00pm,不過因為rehearsal,所以唔上中文堂!!
上到禮堂,團契資料組同做團契o既人都未諗好玩咩遊戲,阿暖勁諗!!佢諗到咩遊戲,叫埋我o地試玩!!佢o地6點幾先開始正式rehearsal!!
等o左好耐先知要唱咩歌,唱<喜樂的心>,同大將團o既姿彤一齊唱!!我發現姿彤唱歌時d音好"賴"同唱得好驕!!大家努力吧!!
雖然係rehearsal,但唔知點解我已經唔係好驚對住支咪唱歌!!值得慶祝!!可能係首歌易唱o既關係o掛!!練o左幾次<喜樂的心>同家歌,
但家歌最後個"家"硬係走音,玩野!!最後R到7點幾走人!!
|
| 刊登時間：2008-02-27 01:39 AM [ 訪客留言(0) ] [ 編輯日誌 ] [ 分享至FACEBOOK ] |
| 大陸之旅~~ |
|
年初一,我o地三姊妹都有番去!!我同二家姐一齊由香港搭車番,大家姐經羅湖番!!大家姐尋日初三走,二家姐初五走,我初七走!!
番o左大陸7日!!飲o左4日茶,出o左去食2日晚飯,食o左2日宵夜!!唉...死梗!!實肥死!!最細o個個表弟好得意呀!!原來唔係6個月,
係5個月!!人見人愛,車見車載!!個個都爭住要抱佢!!最開心就係我"豆"o左七百幾蚊利是到啦!!唔多亦唔少!!大舅父$200,大舅母$100,
細舅父$100,細舅母$50,有一個係大舅父o既朋友,我o地都會叫佢舅父,佢$100,其他少數目唔講了!!o岩o岩又"豆"多$100!!
真係有幾年冇番過大陸過年,唔止新年,平時都冇番過o黎!!初一番到o黎,第二大o既表弟o係屋企樓下等緊我o地,
其實係等緊我o地帶番去o既野食,因為佢好為食!!一日食到黑,但食o黎食去都唔係正餐!!最大o既表弟就o黎高過我咁滯!!靚仔o左,
連聲都變埋,把聲好似好老咁!!原來大舅父o係一年多前o係附近買o左間大屋,o個間屋比o左細舅父同細舅母,表弟佢o地住!!
我同大家姐o係大屋訓,二家姐同阿姨訓!!但我o地就要o係阿姨o個邊沖完涼先過去大屋訓,因為大屋o個個熱水爐要等佢2,3個鐘先熱,
先沖得!!不過我好夜先訓,唔慣咁早訓,大表弟都成點幾先訓!!大家姐走o左之後,二家姐過o黎同我訓!!到佢走o左...哈!!
我自己一個人訓!!張床好大,咁大個女都未試過訓咁大張床o架!!正!!"豆"o左7百幾蚊利是,阿姨1對1同我換番港幣!!
另外比番$600奶粉錢比媽咪!!同埋比多$200我用!!感謝神!!今日走了!!今日臨走之前去飲茶!!之後阿姨送我走!!我好唔捨得!!
直接搭番車落香港(太子),第一次搭呢d車番香港!!坐成5個鐘先番到去!!番到屋企,即打比助導同cell員啦!!哈...媽咪比利是錢喇!!
加埋有成$800利是錢!!聲波話今個星期日有新年特別捐,"豆"o左咁多就要識做喇!!雖然番o左大陸,但都不忘團契要獻詩同要hold cell,
獻詩有其他歌唱,hold cell...仲未諗!!努力!!
ps:我番o黎喇!!Baby!!
|
| 刊登時間：2008-02-10 05:12 PM [ 訪客留言(0) ] [ 編輯日誌 ] [ 分享至FACEBOOK ] |
| 番大陸~~ |
|
今日同二家姐番大陸!!有成幾年都冇番大陸喇!!哈...其實最主要都係番大陸"豆"利是!!因為好窮呀!!o係香港冇親戚,大陸o個邊有好多親戚!!
d舅父舅母每人都$100啦!!上年只係"豆"o左二百幾蚊!!唔番去點有錢呢??同時亦都係番去探親!!中秋節出o左世o既表弟已經有成6個月喇!!
佢叫朱家樂!!唔知得唔得意呢??真係好想快d番去呀!!我13/2(三)先番落o黎!!雖然番大陸,但也不忘16/2(六)要團契獻詩同hold cell!!
番大陸都要預備hold cell,真係史無前例!!放心啦!!我雖然番o左大陸,但我o既心仍然掛住你o地!!唔知你o地會唔會掛住我呢??
若果你o地真係掛住我o既,就用衫架掛住我啦!!我走喇!!88!!
ps:無論我o地相隔多遠,天上o既爸爸都會看顧我o地每一個!!
ps:初一了!!祝你o地:新年大快樂!!靈程日日進!!福杯常滿溢!!主恩臨到你!!恭喜恭喜!!
|
| 刊登時間：2008-02-07 04:14 AM [ 訪客留言(2) ] [ 編輯日誌 ] [ 分享至FACEBOOK ] |
| 事奉按立禮~~ |
|
今日8am有點名祈禱,不過我唔知醒,阿瑤8:35am打o黎,我先醒,佢以為我出o左o黎!!其後阿草都打o黎!!我趕番新堂o個邊,
最後都趕得切!!之後行番書院!!gini,嘉莉同lina走o左!!今日係家祈禱會,亦有事奉按立禮!!今次家祈禱會係八團聯合敬拜!!
台上有好多個主席,有2個獻詩同幾個dancer跳舞!!一開始全部歌都係讚美!!中間全部係祈禱,之後就係事奉按立禮!!
而事奉按立時,有一首歌係家o既歌,叫<仰望興起>!!唔係幾捉到個音!!今年o既事奉有:聖樂(家獻詩),點名(團點名)同校福長!!
唔知籃球隊係唔係呢??按立禮冇講!!面對住今年o既事奉,我覺得上帝好使用我!!我要比上年做得更好!!完o左之後係家會!!
講月份主題,生日...寶珊同婉玲(Twins)生日!!完晒落地下,o係樓梯撞到阿敏,但佢喊!!唔知咩事!!頭先見佢o係台上慶祝生日都好開心!!
之後去M記食,佢o地行先!!我留低諗住點名,仲未點名!!不過張點名紙o係7樓,唔想上去!!趁有時間送新年禮物!!咁就送晒!!真開心!!
去M記食"椒"財板燒雞腿飽!!同原本冇咩分別,只係多黑椒,辣o左d咁啫!!食完番書院團聚,今次團聚係Family day,玩killer!!
本來只係得我o地cell玩緊,不過New牙同Fire番o左o黎,所以團一齊玩!!由我講解同做公正人!!因為冇啤牌o既關係,
所以要佢o地先合埋眼,而我就會以拍頭代表killer,拍縛頭代表係醫生!!而killer同醫生都係我揀,所以做公正人好好玩!!
Alex同聲波玩到底都冇人估中,真好野!!杯麵同阿草一做killer就被人估中!!杯麵成日被人殺死,仇家多!!玩到4:15pm導師助導要開會!!
之後我上7樓點名!!有d晨祈開會,有d影音聚,有d團資聚!!Fire冇人點名!!因為阿瑤影音聚!!我叫Alex上o黎點!!佢都唔知有咩人番崇拜!!
好唔容易佢先點完!!不過阿瑤...唔得閒點名就叫cell員幫手點名嘛!!搞到cell差d冇人點名!!佢又係家點名,又係cell點名,
點可以咁冇交帶o架!!搞到Alex唔知頭唔知路咁點名!!我順便幫cell點埋電腦,係我點cell人數o既最後一次!!點完之後坐o左一陣!!
同阿ling一齊走!!仲有一個男仔,係Microphone cell(唔識串佢英文名)!!佢係家員,竟然搭lift!!被我大聲咁拆穿o左!!架lift落o左去!!
我同阿ling行樓梯,落到2樓見番佢!!佢話o係架lift度比d導師助導話,出番o黎!!仲扮唔知o添!!唉...家員!!
|
| 刊登時間：2008-02-07 05:49 AM [ 訪客留言(0) ] [ 編輯日誌 ] [ 分享至FACEBOOK ] |
« | 7 | 8 | 9 | 10 | 11 | 12 | 13 | 14 | 15 | 16 | ... | 109 | »  |
2008 年 2 月 14 日 星期四 
