見到有人話收到＜美男吸血鬼＞復活当選e-mail，戰戰兢兢地check e-mail∼

因為事務所冇提過落選o既有機會復活，我早兩日已經買左黃牛飛......

按左N次重新整理！！睇晒收件箱∼∼垃圾桶∼∼濫發電郵∼∼

100%確定復活e-mail沒有來

睇黎我2019年都唔算好好運！演唱會冇復活！舞台劇又冇復活！

而家只希望黃牛飛一切順利，平安寄到酒店，安全入場睇MADE∼

暫時買左一場，如果有價錢OK的票會考慮睇多場∼

NEWS演唱會炒得太貴，8000 YEN一張炒到兩萬幾YEN，真係買唔落手

希望我抽中o既位置唔好太差！STAND我已經滿足！只求唔好2樓或最後排！

恭喜Jr.們終於有新資源！！！！🎉

滝沢秀明社長製作，將會開設一個叫「ISLAND TV」頻道

會直播演唱會（收費觀看），上載Jr.們日常自拍影片等等......

官網：j-island.net/

今日報紙都有報導∼∼而且好大篇幅有齊大家o既全名！

一共11組∼連MADE同宇宙Six都有份呀！！

目黒蓮最厲害！宇宙Six同Snow Man都有佢∼

突然覺得人少有著數，圖片可以睇得清楚D

MADE新造型激讚！

應該有髮型師SET頭，健翔髮型好好睇！稲葉根本就係model一名，又型又靚仔∼

大河由金髮變成灰髮？！手指先係看點！　福士正常好看！

官方吉祥物叫Jj同Jemmy，就連每一組都設計左一個！

MADE吉祥物打煲呔，非常配合佢地（女僕？！男僕？！執事？！）風格∼

宇宙Six吉祥物好攪笑，有觸鬚扮外星人

不過都係咪咁開心住！！上次＜Johnnys' Jr. dex＞都有MADE同宇宙Six個名∼

結果等到最後一集全員大集合先有得亮相，仲要好少鏡頭

希望今次佢地會被善待啦！！

「ISLAND TV」原圖影片大集會

MADE主演舞台劇＜美男吸血鬼＞公佈左角色啦∼

舞台劇官網：ikemenvampire-stage.com/

秋山大河　飾演　拿破崙

稲葉光　飾演　達文西

冨岡健翔　飾演　莫扎特

福士申樹　飾演　亞瑟柯南道爾

一堆看似熟識，但又勁陌生o既名字。。。。。。

拿破崙同達文西以前讀書有讀過，不過記憶中西史冇合格過∼

莫扎特音樂家麻∼∼有乜作品？唔知道喎......

亞瑟柯南道爾，上網查完先知原來係福爾摩斯創作者

有粉絲製作左對比圖，個人認為健翔同個角色最似！！

上次大河連載中提到去左驗眼，唔知係咪去配colour con呢？！

稲葉一向驚戴con，希望趁住今次舞台劇可以克服，然後表演時就可以睇清楚舞台同觀眾∼

共演者名單都公佈左，有一刻幻想過如果係同Mesemoa.一齊演出就好啦！結果係諗多左！

順便記錄一下角色名，唔洗成日上網查

荒　飾　牛頓　／　橫尾　飾　梵高　／　松本　飾　梵谷　／　釣本　飾　莎士比亞

東　飾　聖女貞德　／　竹石　飾　太宰治　／　瑛　飾　聖日爾曼伯爵　／　長谷川慎也　飾　執事