| «‹ July 2017 ›» | | S | M | T | W | T | F | S | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | 31 | |
|
| 18歲的文藝衡 |
分類: 未分類 |
18歲la. . .
人生新ge一頁,新ge開始,新ge學習環境,新人新事新景象. .
真係好奇怪~細個個時雖然一個朋友都冇但每當過生日時都一定會好期待,會有一種唔知點講ge喜悅感. . .
大個左朋友多左幾個但過生日時竟然完全冇期待ge感覺亦失去左個種喜悅感,仲會反問一句:生日姐. . 又唔係咩大日子. . .點解要攪咁多野去慶祝?生日同平日都一樣. .日子都係咁過ga la. .有咩唔同姐?
點解細個同大個左之後對生日是否重要E個價值觀會有所改變呢?
好明顯la. . .細個個時會對生日有期待感同埋會有一種喜悅感係因為少年無知,食米唔知米貴,成日都覺得生日一定會有birthday cake,禮物. .覺得自己生日係大哂,係主角 所以每次都好期待^_^
但漸漸大個左之後發覺,原來個世界唔係咁,個社會唔係我諗得咁簡單,生日唔一定會有birthday cake,禮物,唔一定係主角,唔一定有人陪. . .此刻生日亦唔再重要,而生日亦只不過係一個日子ge名稱. . . .
就算你係唔係生日,日子亦唔會因你而停下,只會好似瀑布咁不斷流逝. . .
人生真係一個殘酷遊戲,遊戲當中會遇到好多競爭對手,係E個弱肉強食ge世界裏面贏家永遠都會得到別人ge讚賞,輸家永遠都只可以妒忌贏家ge榮耀並一直做贏家ge跟班. .
難道真係冇人會伸出援手?錯. .佢地唔係唔想伸出援手,只係佢會先諗伸出援手之後得到咩利益?佢地怕他朝一日你真係成為贏家,而佢地則成為輸家. ..所以佢地選擇無視. . .就算見到有人有難亦只會企係一二邊做花生友. . .
E D就係現實ge殘酷,未必樣樣野都一定會合你心意. . .
所以生日冇birthday cake,冇禮物,冇人陪都唔再緊要,最重要ge係點樣去好好善用你每一日ge時間
人生苦短,一分一秒都好寶貴,所以切勿浪費光陰並好好裝備自己成為強者~
|
2013 年 5 月 9 日 星期四  |
新的一頁  |
分類: 未分類 |
1個月多少少ge DSE就咁就完結左la. ..
由我一開始ge緊張到考中文卷4前一日全晚失睡,直至我考英文speaking前心情ge輕鬆,我發現左一樣好奇怪ge事情. . .
係短短ge一個月考試中我發現原來考試緊張真係可以令到你份卷死亡,就算你入到試場睇到份卷,你一條都唔識都好,只要你心情保持輕鬆,係考試ge過程中你總會諗到2-3條
但奇怪地,如果你係考試個時好緊張,你睇到份卷ge題目明明係你之前做過ge,你都會唔識做
考試心情真係好重要. ..
而且考試心情都會影響埋你時間ge管理,當你一緊張個時,你就會成日覺得唔夠時間做. .點解?! ..因為過份緊張令到自己係其中1-2條到用左太多時間,當你條條都係咁個時,你就會覺得唔夠時間~
但相反,當你好輕鬆咁面對份卷個時,反而時間係夠用之餘仲可以有時間比你check下卷,諗下一d你唔識做ge題目. . .
考試心情都會影響埋你考完之後ge心理
係考試個時過份緊張,出番黎都會成日係咁諗番岩岩份卷,怕會唔合格因為冇時間做,仲會講:死la. .唔知岩岩份卷點tim.... .仲會不停咁問其他人考成點,希望可以搵到1-2個比自己差ge人. . .
相反,輕鬆咁面對份卷,出番黎你會覺得個心好實(姐係好有信心),唔會問其他人考成點,因為你知道其他人考成點都唔關我事,仲重要係自己考得好,亦都唔會再諗番岩岩份卷,就算諗都只係會諗番岩岩自己答岩左幾多,而唔係冇做幾多. . .
好可惜,係我領悟到E個真理個時已經係我考完試之後 :(
不過咁係正常,因為人就係咁ga la. . .正所謂:人唔到碰釘,唔會"哎呀"(姐係有好多野都係要自己試過先至相信)
DSE. .算la. .暫時唔理佢著la. . E加真係對著DSE唱句"愈問愈傷心~. ..) /_\
幾日之前,我開始左我人生ge另一頁:工作. .
KFC D 雞我本來都幾鐘意食,但自從做左幾日K記之後,我都開始唔係咁敢去食d雞
講真. . .真係衛生問題. . .係拎D雞出黎個時,佢地會先用個夾夾起個個擺雞ge架,之後因為太重(其實真係好重. . .)就要用另一隻手拎著條毛巾同個夾一齊拎D雞出去,但個問題係,條毛巾係拎雞個時係會(掂)到D雞,而條毛巾係用黎做好多野,抹枱,抹油. . . . 仲之,任何野都係會用個條毛巾,而全個廚房就只係得3條毛巾. . .D客唔肚痛我都覺得係奇蹟-_-". .
仲有,KFC咪有D雞粒ge. .有一次我唔小心整跌左幾粒係張枱到,張枱又多油又多汁. . .咁我問其他同事點算. .佢地話有咩點算姐,咪擺番D雞粒去個個裝雞粒個盤到lo. . .我聽完都真係O哂咀,佢仲要話冇問題,張抬好乾淨. . 我再一次覺得D客唔肚痛係奇蹟. . . .
但做KFC都幾好ge,因為我多數都係係廚房做1-2個鐘,之後就開始送外賣. .
我真係好鐘意送外賣. .第1,通常都係搭的士去搭的士番,D的士錢全部都係入公司數,星期6/日就仲好,有架私家車車我去送外賣,唔洗係出面截的士咁麻煩. ..第2,做外賣仔輕鬆ma. . .唔洗係廚房成日好似冇目的咁唔知做咩,講真我自己又唔係好夠力去拎d雞,我唯一最識做ge就係裝飯上蓋同埋做外賣仔,第3,做外賣仔,有時可以有tips ma. .我E加最高記錄一日有$19 tips. .仲可以識下D的士司機~. .
VTC. .我都仲未揀好讀咩科好,之前想讀配藥,想讀音樂,但E加我發現原來我係讀唔到,因為我冇咁高ge成績,講音樂,我又冇自己創作ge作品,所以都應該讀唔到ga la. . .
E加諗番起,中6頭個時,一心想去讀配藥/音樂ge個種衝勁同埋不停咁同人地講我想讀配藥/音樂ge個個我都真係有D天真,有d傻,甚至係有d自大. . .我個時真係完全冇諗過自己會讀唔到,點解呢?. . .
可能係因為我自己本身真係好鐘意化學同埋音樂,我以為我自己係E 2方面已經好勁
化學:我已經入過全班頭十名,音樂,我鋼琴用左大約3年時間就可以去到5級甚至再高D. .人人都話我鋼琴升得好快,就連我好尊敬ge鄭sir都有咁講過. . .
我承認,我對自己係化學同埋音樂方面都真係好自大,可能係因為我從小就冇咩叻,細個最叻係咩?講大話lo. .睇電視lo. . . .到我E加大個左,我終於搵到1-2樣我覺得好自豪ge野,我真係只有E 2樣野我真係會同人講:我係得ge. .
但事實証明,我其實都只不過係比其他人勁少少,就係到扮代表,事實上,我亦只不過係一個凡人. . .
我知將來ge路會好難行,但為左我屋企人,為左需要我照顧ge人,我決定勇住直前,我相信只要我一直向前衝,前面一定會有我可以行ge路~ |
| 2013 年 4 月 20 日 星期六 |
2013-04-20  |
分類: 未分類 |
DSE就咁就過左一大半,Ｅ加只係剩番物理,BAFS同埋speaking. . .
諗番d卷,我其實覺得可能真係份份都炒哂,就連我最鐘意ge化學都炒埋/_\
好多人都叫我唔好諗番d卷,其實唔諗係一件好難ge事.. .講就當然係咁講la. .又有冇人真係會唔諗?有. .就係個d從來都唔擔心個d人. .. .但我唔係. .我都想自己係個d可以咩都唔理,咩都唔諗個d人,但我做唔出
就係咁樣,愈諗愈大壓力~ ..之前ge我都仲可以彈下琴抒緩一下情緒,但e加已經唔再得. .我成日都覺得自己彈琴其實已經到左極限,可能我真係最多只可以彈下d人人都識ge歌. ..
我想係電話到搵d可以傾訴ge朋友傾下計,但可惜一個都冇. . .我真係有d無奈..我個電話有53個人ge電話號碼,一係就唔打得,因為佢地係勤力個d人,一係就打緊機,冇心情聽我講,一係就訓緊覺,仲有當中有好多都係因為佢地都已經有男女朋友,聽我電話會令到佢地另一半呷醋
有一日,我同我媽傾計,我話冇人重視我,個個都無視我,佢話唔係. .. 佢話我係佢心中係最重要,老左之後都係要靠我,我個刻真係喊左出黎
對於一個由細到大都覺得自己比人地無視ge人黎講,真係好開心的說
有時真係覺得好對唔住我呀媽. .. .讀書又讀唔好,又唔做家務,一直都只係顧住自己開心就算
我e加真係唔知可以點. . .Ive配藥. .我相信我一定讀唔到...音樂. .我又冇咩信心. .. . .重考DSE又怕考得唔比今次好. . .ive機場營運. .雖然係冇講過要幾多分先入得,但我覺得至少中,Eng都要有Lv3-4甚至要5
我真係覺得自己好天真. . .揀科之前都唔好好諗清楚自己係唔係真係讀到
如果我唔係男仔要擔起頭家,可能我真係會去死~. . |
| 2012 年 9 月 16 日 星期日 |
| 中6生活 |
分類: 未分類 |
HI. .大家好耐冇見la~. .有冇掛住我先~>_<
轉下眼就已經係鄭裕彤讀左5年la. .一諗到仲有半年就要離校,就有d唔捨得/_\. .但時間係永遠都唔會等你,即使有幾咁不捨,最後都係要離校~
半年之後就要考DES~ .有d緊張,真係好怕自己連Ive都讀唔到~. .至少要5條2先可以入Ive. .但其實事實上係要至少有2-3科有3先可以入Ive. .唉~. .真係好怕自己唔夠人爭. .學位又得咁少~/_\
講真我覺得最難ge係中文同埋LS~. .E2科都好難捉摸,都唔知點溫. .不過其實我都覺自己今年勤力左,多左問人d我唔識ge野,又開始自己寫notes,覺得自己好似愈黎愈好,有d滿足^_^. .不過我都仲未知自己究竟去到Lv2未~
不過我相信..只要我堅持,堅持,再堅持,我一定會成功~. .校長我永遠都會記得你E句~ ..唉. .今年轉左新校長. .規矩多左. .雖然佢E加係校長,但係我心中,校長只有一個就係徐港生校長,而傻豹永遠都只會係副校(講真佢真係仲未有資格做校長~)
從E加開始,我一定要努力~. .Ive藥劑我一定要讀到~>_< |
| 2012 年 6 月 28 日 星期四 |
最後一年singcon~  |
分類: 未分類 |
大家好. .好耐冇見la~. . 有冇掛住我先?>_<
今日又係一年一度ge singcon,今年係最後一年~. .突然有少少唔捨得@@今年真係好好挽. 又唱又跳真係好開心,今次係第一次挽得咁開心,係練舞個時我發覺有好多人都好鐘意跳舞,都好投入今次個singcon,雖然我地只係拎到第3,但真係好開心,係練舞練到累個時,我地全班一齊開youtube睇笑片,日本節目,睇到個個都係到笑到收唔到聲XD. . 個刻覺得原來我本來覺得好cool ge人都唔係咁cool,平時唔會點同佢傾計個D,都同佢地傾多左,一齊係到笑~愈來愈班ge感覺~我真係真係愈來愈鐘意5C!~
I Love You 5C!!!!!>_<
  |
1 | 2 | 3 | 4 | 5 | 6 | 7 | 8 | 9 | 10 | »
|
