又係好多日冇寫blog，

因為呢排超忙~~~

26號要返學校中一迎新，

都幾多人lo~~~~

幫手個D都係中5升中6，

我係第9組，

個組長係2個中5升中6師兄師姐，

一男一女，(個男好似有D拿)

佢地都好好人，

有問必答，

我已經有D鐘意呢間學校啦!!!

一開始，台上既司儀(一男一女，都係中5升中6師兄師姐)講左個笑話，

個笑話係咁:

係師兄中1 Maths堂(第1堂)時，

個呀sir入到去咩都唔講，

只係黑板到畫左1個加號(+)  1個細加號，

又後佢就轉身做左個  十字  手勢，

話:  大加號!!!   (大家好!!!)

哈哈~~~好爛呀!!!

呢個笑話打破左沈寂的禮堂，

個個都捧腹大笑~~~

之後我地玩左tesk game，

都幾好玩，

最恐怖係第1遊戲—食橙，

我地要掏手剝橙，(冇刀)

我地用髒髒既手去剝，

剝完仲要食，

oh my god!!!

D橙難食到佢，

皮又厚汁又少，

最衰既係，

食完仲要張D橙皮用牙籤還原，(變返圓形)

之後要用黎打保零!!!

我地剝橙時張D橙皮剝到一舊舊好細舊，

今次真係比佢玩死!!!

最後我地做左個  橙皮串燒  出黎，

哈哈!!!咁都比我地打倒左3個樽，

勁啦!!!

之後我地去玩左一個game—天降之物，

哈!我就真係變左天降之物啦!!!

this game 係要一個人既頭碰到掛係天花板既紙仔，

我地當然係抬最輕個個上去，

點會抬到我......

但係呢個game係有時間限制，

想要攞到Level5(最高)既就要係某個時間內完成，

無奈之中只好抬我上去，(因為我係最高~~)

幾經辛苦，

終於碰到啦!!!

點知D人一鬆手，

我就從天以降啦!!!

好一個天降之物!!........

食完午飯，

我地就要參觀間中學，

間學校超大，

有成11層!!!(未計地輔，地輔好似有2層~~~)

我地去一個check point要4mins，

仲要做D任務，

有次我地去左9樓，

哇!!!!行死人!!!~~~~

點知上到去，

原來係無野做.......

超無奈lo.......

上面係術科老師教員室，

所以千祈千祈唔好做呢D科長，

如果唔係真係會死嫁......

仲有，係上面可以睇球，

因為係個到望落去係個藍球場，

你可以行上去睇，

如果你有咁既興致既話........

包保冇人同你逼........

最後，有個男社工話:

你地真係好好彩!!!

你地呢屆係聖保羅90幾屆以黎，

第1屆要兩邊走既學校!!!

咩係兩邊走?

就係要走小學到中學，

因為裝修既關係，

我地中1第1年，

要係小學到上，(自己中1用一間學校!!!!哈哈~~~)

但係早會個D都要係中學到上，

所以成日都要走黎走去.......

每次都要行條好長好長既樓梯，

唉......真係唔知係好彩定唔好彩啦.........

連續呢3日都要返中學上科學班，(27,28,29號)

由1:30-2:00~~~~

呀!!!好慘.......

不過除左第1日有D無聊之外，

其他個2日都好ok bo，

有得做實驗tim，(雖然冇得用Bunsen burner，冇得開火)

但都好玩，

我仲識左2個朋友tim!!!

佢地都係讀1C班既~~~

仲有，

科學有好多用具既英文名我唔識，

要死記，

唉......都係等開學先慢慢記.......