成個星期冇見面啦,就連一個電話都冇呀,我真係唔知佢想點... ...如果係要分手o既,都同我講呀,現家咁樣算點呀?!

我唔係玩具呀,唔係你無聊就要黎把玩下,唔得閒啦,或者見到第二個就扔埋一邊呀,我係一個實實在在o既人呀,

我都有感受架~!!我都會唔開心,我都會受傷架~!!唔通你就唔可以諗下我o既感受啦咩~!!

佢到底有冇諗起過我?!佢係唔係唔記得左我啦?!如果係o既話,我可以點做?!

我都唔知點解自己會發咁大o既脾氣... ...我從來都冇試過因為見唔到一個人而發脾氣,仲要發咁大... ...以前o個個我,

到底去左邊呀?!!點解一拍親拖,我就會唔見左原來o個個自己?!我覺得咁樣好辛苦呀~!!係唔係我唔岩拍拖?!

算啦,唔見左咪唔見左lor,反正如果真係要keep住原來o個個我,一定唔會有人鍾意,因為o個個我就連我自己都唔鍾意~!!

或者,我應該殺死真正o個個我~!!(有D驚添~!!)咁樣就唔會令自己同人地唔鍾意啦,係唔係?!好,我一於就殺死o個個我~!!

熊人:

我知你唔會睇到呢D野,但係我真係好想你可以打俾我,唔該你呀~

打俾我啦,好唔好?!俾我聽下你把聲都好呀,好唔好?!

就算你打黎係同我講分手都好,你都打黎呀,好唔好?!我真係好掛住你呀~!!

我知要見你,係一件好奢侈o既事,所以我唔係要D咩,

我只係想要聽到你把聲,我只係想要咁炸~!!你就成全我啦,好唔好?!

呢幾日,我想你想到就快發癲啦~!!所以,我真係好想聽你把聲~!!