今日係我地拍左拖4個星期o既日子,但係佢都冇搵我... ...我本來想要打俾佢,但係因為之前o個兩次打俾佢,

佢好似唔鍾意咁,所以我都唔敢再主動打俾佢啦... ...我地好耐冇見啦... ...佢係唔係已經唔鍾意我啦?!

我今日去細妹到,佢同我占左個卦,睇下邊個先係我o既真命天子,結果... ...o個個竟然唔係佢... ...

其實我早就估到o個個唔會係佢... ...因為佢同我講過,佢係點都唔會同我過一生... ...但係我仲係好天真咁希望我出黎o既結果會係佢... ...

我呢D係咪叫犯賤呀,明知結果唔係自己想要o既,但仲係要去知道... ...好啦,現家搞到自己咁唔開心啦,安樂啦... ...

我現家唔理得咁多架啦,我知道我從一開始就襯唔起佢,佢太令仔啦,佢太好啦~!!所以佢一直同我講佢之前D女朋友點好,點好,

我一D都冇唔開心,因為我知道我係幾咁不堪... ...我根本就唔應該有咩要求... ...我只係希望佢同我一齊係覺得開心,所以佢要咩,

只要我做到o既,我就一定會滿足佢,我唔想見到佢唔開心個樣... ...只要見到佢開,我就開心架啦... ...

但係我真係好掛住佢... ...我好想見到佢... ...呢幾曰見唔到佢,我日日都訓唔著... ...再過2日係我同佢一個月o既日子啦,

o個日我地會見嗎?!我唔知... ...我都唔想去諗... ...我只係希望可以送到我呢幾個星期為佢準備o既禮物... ...