你琴晚講o既野到底代表D咩?!我好驚呀,你唔好成日都講埋D會令人亂諗野o既說話得唔得呀?!

我唔想再聽到呀~你知唔知,你講一次o個D說話,我個心就揪痛一下... ...你知唔知o個種感受幾難受呀?!

我好驚冇左你呀,我冇試過咁驚冇左一個人架,你係第一個... ...i begged you,唔好再講o個D野啦,好唔好?!

琴晚o既你就只係係到講不知道,我問你唔知D咩,你話你唔知你係邊個,我話左俾你聽,之後你又話唔知我係邊個,

之後你仲問你係我邊個... ...你係我男朋友呀,知唔知?!你又話我講大話,我冇呀,我知道你唔鍾意女仔講大話,

所以我冇同你講過任何o既大話,就好似琴晚咁,我諗住晚上係你屋企樓下等你,睇下你出唔出黎,

如果你出黎,我就同你講sorry,如果你唔出,我就等成晚,等到第二日早上,但係當你打黎問我做緊咩o既時候,

我就知道我根本唔可以對住你講大話,我話左俾你知,我要出去,你問我出去做咩,我話等你,

你聽左之後,叫我唔好出,我又真係好聽話咁,冇出到去... ...我真係唔想冇左你,但係... ...

我同你一齊左11日啦,你知唔知你講過幾多次分手呀?!係6次呀... ...我好驚,好驚有一日,你講完之後,我哄唔番你,

我同你最後真係分左手... ...我好驚有咁o既一日呀,你知唔知?!所以,唔好再講o個D野,好唔好?!應承我,好唔好?!

我知道我呢D野,你點都唔會睇到,我都唔係想打俾你睇,我只係想個天見證我有幾鍾意你~!!