今日3號啦,聽日就4號啦... ...係我同佢一個月o既日子... ...我唔知佢會唔會搵我... ...

我都唔敢去諗咁多... ...我驚又搞到自己好似死人塌樓咁~成日都唔開心咁... ...我唔鍾意唔鍾意o既自己,好樣衰... ...

其實我唔使佢記得聽日係一個月架,只要佢可以陪我就好架啦~我只係想見到佢... ...聽到佢把聲... ...拖到佢隻手... ...

我只係想咁架炸~!!我唔使佢送咩俾我,同我去邊,只要佢係我身邊就好啦~!!咁簡單o既願望會實現嗎?!

我同細妹拍拖o既時間差一個月又一日,佢今日係同佢男朋友2個月o既日子啦,唔知阿雞有冇陪佢呢?!希望有啦~!!

我自己冇人陪,我都希望我細妹有陪.... ...

我已經準備晒聽日送俾佢o既野啦,我好想可以親手送俾佢,我想佢知道,我好緊張佢架,我好鍾意佢... ...

有D野我好難講出黎,我希望佢可以feel到... ...

我現家終於知道鍾意一個人係點架啦,原來可以係好極端... ...可以開心到上天堂咁,又可以傷心到落地獄咁... ...

琴日聽細妹講,個個一生都會遇到4個人,一個係自己,一個係自己最愛o既人,一個係最愛自己o既人,一個係可以一生o既人... ...

最後o個3個會唔會係同一個人,就要睇你同佢有幾多緣份... ...我覺得呢句好正~!!

我已經遇到2個啦,一個係自己,另一個就係最愛o既佢... ...我知我唔會係佢最愛,佢都唔會同到我過一生... ...

但係我可以識到佢,仲可以同到佢拍拖,我已經好開心架啦~!!一個人一生認真愛過,就值得架啦~!!