岩岩就過左我既18歲生日. 係呢個生日,我就係補課，UST open day 同屋企中渡過..

其實我已經覺得好滿足,我最想見既人可以係一日裡面見倒晒...屋企人比左一個好大既驚喜我..

媽媽寫左一封好簡單既信比我,但係包含左好多好感動我既字句...其實我想要既,都只不過係咁.

我咁大個女,第一次收到媽媽同爸爸既厚禮----$500   個一下其實我係想即時比番佢..因為...我認為父母表現佢地對我既愛唔係用錢去衡量!

不過,佢地話唔收即係唔比面佢地...所以我就收左. 不過多左$500的磪係興奮同開心既...

18歲女,好似真係好大個,不過自問我仍然需要更多既成長經驗, 特別係需要經歷更多既磨練...

3/12就交聯紹了...好似所有野都好快就到...其實我想係social sience發展, 不過呢D科真係唔知點解咁多競爭者;'(

仲有半年...收心讀好書!

----------------------------------------------------------------

其實對於呢件事,我真係唔想再提起.

其實我要講既野我都已經解釋得好清楚...我諗我既立場好清晰.

我唔介意係你心入面係一個衰人既角色. 我一D都唔care.

其實既然你可以將你所做既野合理化既...咁我都冇野好講.

呢一個係價值觀既問題: 你認為你利用朋友係一件冇問題既事.

我以為朋友係唔存在呢D野..起碼我唔會咁做.

父母養仔女係一個責任，唔存在利用...

就正如我大個左我都會孝順佢地比家用，養返佢地...呢一個都係一個責任..

更加係一種我對父母既孝心. 感謝佢地既養育之恩。

你竟然可以話咁係利用...原來你呢一個人既真正價值係咁.

其實真正成唔成熟唔係你單單話我係點就點...

你可以話我唔成熟，就如我都可以話你一樣咁唔成熟.

其實你都唔好覺得自己所做既野都係好偉大. 你係我既生命裡面只係一粒塵.

有你無你我既生命唔會有咩轉變..我有我既生活，你有你既"忙碌"

河水不犯井水.

其實...我真係唔介意冇朋友^^

係班上面冇咩人肯同我深交唔緊要.

我就真係唔多信呢D朋友可以陪到我幾耐.

無野係永恆...愛情亦係.

一個人結左婚可以離婚.

兩個人只需要一個放棄就可以分手.

係呢間學校我冇朋友，但係我係另一度有朋友.

我唔需要再去認識更多,大不了只係自己一個人.

我已經受夠左朋友呢一樣野.

宜家既朋友如果全部都走晒既, 我唔會再去識. 可能會既,不過我唔會花咁多時間.

人際關係真係好煩.

我知社會上多的是係呢D人, 但係個D就唔同.

其實一個人自由自在更好.

冇期待就唔會有失望.

可以活得更加自我.

由呢一刻開始,我唔需要人地教我點樣做,

我有我既思想,我有我既睇法. 我當然唔會想我既諗法要人地認同,

但係我好清楚自己最唔想要既係D咩.

朋友?寧缺勿濫;)  唔係個個人都可以做我既朋友^^

其實我要講既野就係咁多

我並冇唔開心,只係議事論事...

你有朋友只係你帶住個假面具做人.

我宜家過得不知幾好;)