「大剌剌的性格能令許多人喜歡，也會引起人反感呢。」
嘿嘿,, 雖然《最後的朋友》已經播到第七集,, 我仍逗留喺第四集既階段呢。
比較遲起步睇呢套日劇,, 初初因為知道是長澤正美做主角,, 所以毅然pass掉..
唔知點解,, 實在無法對長澤正美產生好感呢.. （笑）
但是！ 但是！ 又,, 又無意中發現野田妹都係主角之一既時候,, 就對呢套日劇萌起好感啦,, （注：只係對套劇）
嗯嗯,, 專登Click入去睇個故事簡介,, 果然不一般呢！ （←前後反應轉折甚大）
所以說,, 要用雪亮的眼睛●v●+留意劇集動向哩..
－－－＊－－－＊－－－＊－－－
劇名： 最後的朋友 Last Friends
首播： 2008-04-10
演員： 藍田美知留／長澤正美 飾、及川宗佑／錦戸亮 飾、岸本瑠可／上野樹里 飾
內容： 《最後的朋友》講述的是一群年輕人，各自有自己說不出口的煩惱，爲了追求生命的溫暖而住在一起，學習到友情的重要性的故事。 （日劇真係好似為教育而存在的呢）
人物概要：
藍田美知留：長澤雅美 飾
美容沙龍助理。受到職場前輩排擠的同時，遭受同居戀人宗佑的家庭(?)暴力虐待。
岸本瑠可：上野樹里 飾
美知留的高中同學。以稱霸日本全國大賽為夢想的專業越野摩託手。對美知留抱有無法傾述的深刻煩惱。
及川宗佑：錦戶亮 (NEWS) 飾
美知留男友。任職於市公所兒童福利科，人前一幅上進正直青年模樣，同時也具有對戀人美知留施暴的雙重性格。
水島猛：瑛太 飾
美髮化妝師。深受自身性恐懼症隱疾所擾，經常被人誤以為是同性戀，後被瑠可深深吸引。
瀧川惠理：水川麻美 飾
航空公司VIP室乘務員。暱稱小惠。瑠可的室友。
－－－＊－－－＊－－－＊－－－
最後的朋友 Last Friends 第一集至第四集
我好鐘意呢套劇既片頭,, 拍得超正的說..
睇完好有FU呢,, OP《宇多田光 - Prisoner of Love》都好好聽,, 我仲因為聽完呢歌鐘意左宇多田光把聲,, 好有魅力(?)呢..
嘿嘿,, 片頭一開始就是一副不尋常既氣氛,, （在我看來）
睇到呢幅圖,, 大家估到「瑠可對美知留抱有無法傾述的深刻煩惱」係咩未呢,, 嘿嘿=v=+
我既野田妹剪短頭髮搖身一變好有男子氣(?)既瑠可,, 短頭髮既野田妹都有幾分帥氣呢＞＜
唔望真啲都唔係好認到係先前果位傻氣既野田妹,, 雖然野田妹唔係一見會令人驚艷既類型,, 但佢係愈望愈耐看既類型哩.. （個人看法）
先前既問題「『瑠可對美知留抱有無法傾述的深刻煩惱』是什麼？」答案揭曉！ （叮）
就係如你所見到的答案.. 特別為佢地做左個充滿Love氣氛既框哩,, 作品雖然粗劣,, 請忍耐吧。
第一集尾就偷錫人既瑠可,, 冇錯,, 係偷錫,, 美知留喺劇初都仍然只當瑠可係最好的朋友,, 之後既未睇所以唔清楚..
睇完再講多啲比大家知啦,, 前題係能夠睇完的話.. （汗"）
看到嗎？看到嗎？看得清楚嗎？ 宗佑準備向美知留扔椅子既時候,, 瑠可就撲出黎擋喺美知留前面大吼：
「別碰我的美知留！」 「我的...美知留？」宗佑問。
本來應該係漂亮(?)既英雌救美既場面,, 似乎比瑠可既一句大吼第一次暴露左瑠可對美知留埋藏心底既愛。
話說回來,, 點解宗佑會向美知留扔椅子？ 宗佑就是有這種對愛人既暴力傾向啦,, 我懷疑係小時候既心理創傷所造成。
（FU有似分析員"）
我已經揀左個冇咁恐怖既場面貼上黎,, 第一次睇到佢打美知留既時候真的有嚇倒呢！
美知留比宗佑打到要向瑠可求救,, 可怕∼
撇開暴力傾向唔講,, 宗佑都算係個唔錯既情人,, 美知留匿喺瑠可既ShareHouse果段時間,,
宗佑不停周圍咁搵美知留：
第一站＝去美知留打工既髮廊度打探消息,, 但問著個討厭美知留既職場前輩..
第二站＝去美知留屋企打探消息,, 但搵錯左個美知留媽媽幫手..
第三站＝去瑠可練習既摩托賽車場,, 打算跟踪瑠可到ShareHouse搵美知留,, 但比瑠可避開左..
第四站＝終於搵到瑠可既ShareHouse,, 但比瑠可拒絕入屋,, 唯有企喺出面淋雨..
呢招雖然唔係百搭既,, 但唔多唔少都起到作用,, 睇！美知留就即刻心軟幫宗佑擔遮哩.. 果然係重度M呢！
|
