「不是從前的小孩了，未至於成熟，但稚氣不再。」

今日係我地小學六年級畢業生既一個盛大(?)既聚會！！　（但冇相睇..嘿嘿XD）

連埋班主任加埋總共廿一個,,　真係佩服聯絡大家既果幾位,,　聽講好似本來會有更加多人,,

但某幾個臨時甩底..　（←指指點點..細聲咒罵）　不過都好勁啦,,　心情大好..！

去左一間巴西餐廳開Party,,　冇咩好野食,,　反而勁多甜點,,　蛋糕、啫喱擺到成枱都係..　食到好濟,,

男同女好自覺咁分成兩隊,,　楚河漢界,,　分得一清二楚,,　嘿嘿,,　以前玩埋一堆既情景不復出現,,

本來去之前都有D擔心呀..　擔心咩？　擔心同佢地之間既疏離感,,　陌生既話題,,　尷尬既氣氛..

始終係大家既中學唔同,,　相處既日子少左咁多,,　會擔心好正常嘛..　擔心到想唔去..

呵呵,,　果然係年青人,,　發揮我既幽默(?),,　好快就熟絡起黎,,　好多人都變左好多,,

嗯..　有D會唔係好記得係邊個..　個名同個人樣配唔到一齊,,　就會出現認錯甚至認唔到既情況,,

男仔勁高,,　明明原本矮過自己,,　突然高過自己,,　呢種消息係最受打擊..　（簡直晴天霹靂）

本來文靜又唔多講野,,　同佢傾計問一句答一句既女仔,,　變得非常健談而且開放,,　有D被嚇倒..

當然,,　亦有好多一直都冇變到,,　十分有親切感,,　以前小學既回憶番晒黎,,　好懷念啊。