「天下人都愛問候別人的父母親以及祖宗十八代。」
前日星期五真係病到我傻,, 臨放學果堂BIK開始覺得自己有ｄ唔妥,, 忽冷忽熱,, 全身震晒,, 額頭熱到好似暖蛋咁,,
原本決定要去圖書館還書同攞預約左的書,, 果陣時都諗住取消,, 想快ｄ番屋企抖下,,
但諗諗下又覺得去完圖書館再番屋企抖都未遲,, 所以最後都係決定同阿霈去圖書館,,
點知Ben Sir喺4D班鬧左勁內,, 中途仲要拉我去問話,, 極之尷尬,, 詳情請問本人,,
終於等到阿霈出黎一齊去圖書館,, 圖書館果段時間好少人,, 見到有好多好睇既書,, 心郁郁又想借,,
整左好內,, 到五點幾先番屋企,, 一路行番屋企,, 一路覺得自己愈黎愈唔掂,,
番到屋企終於頂唔順,, 向老豆求救,, 老豆就話要帶我去地鐵站果間診所睇病,,
我好唔容易先番到屋企,, 緊係超唔想去啦,, 但冇辦法,, 只好頂硬上,,
去到診所,, 個姑娘竟然要連我個名都讀錯,, 我個名基本上都冇難字,, 佢都讀錯,, 將我個名中間果個字讀左做「曉」,,
我本來以為佢只係睇漏眼,, 但佢望左幾次我個名都冇覺得自己讀錯左,, 心入面已經明白原來佢真係唔知點讀我個名,,
跟住我坐埋一邊就探熱啦,, 又有個同校既人坐喺前面,, 果個細路應該form.1仔,,
雖然著住中學校服但貌似小四學生,, 唉,, 佢坐定定都還是好,, 可惜佢偏偏就係過動兒,, 長稱係過份好動兒童,,
不單只郁身郁勢,, 仲搞我側邊ｄ礦泉水桶,, 又大嗌問佢媽咪：「哇！點解個桶咁重既？點解既？媽咪！」
真係TMD嫌命長,, 白痴仔！個水桶裝滿左水咪會重囉！ 你個中一生頭銜係咪買番黎呀,, 智商仲低過小學一年班..
佢又試圖要搬果ｄ水桶,, 又再次大嗌問佢媽咪：「好重呀個桶,, 我搬唔郁呀！ 點算好呀？」
我終於忍唔住,, 同佢講左句：「你唔搬咪得囉！」,, 佢即係停晒手,, 望左我一眼就坐番好,, 冇再郁身郁勢,,
果然我出聲係個明智既決定,, 耳根清靜,, 等左好內,, 個姑娘終於記得我仲探緊熱,, 叫我過去,,
媽啊,, 我原來燒到102度.. 再燒高ｄ就變白痴啦,, 要同果個form.1仔同等級,, 好彩有黎睇醫生,,
睇完醫生好艱難先番到屋企,, 食左舊蛋卷,, 然後食藥,, 訓完一覺,, 人即刻精神爽利,, 冇晒事嚕！ |
