「當我開始對你的樣貌有點印象模糊，是否代表我可以忘記當時心臟的悸動？」

自從入左4B班之後,,　以前同班既朋友都會問我：B班ｄ人係咪好難相處、好黑人憎呀？

雖然未到「黑人憎」既地步,,　但大概都冇咩好感,,　可能因為妒忌,,　可能因為偏見,,

事實上,,　佢地真係有令我無法喜歡既理由,,　當你嘗試同佢地講下笑,,　稍微玩得癲左少少,,　佢地望住你既目光開始有ｄ改變,,　就好似喺佢地眼中,,　你形同怪物..　（汗）

佢地「品格純良」,,　充滿所謂既「正義感」,,　對學習懷住「滿腔熱誠」,,　我喺當中似乎格格不入,,　甚至經常覺得自己入錯班,,

可能亦因為自卑心態,,　佢地彷彿永遠高你一等,,　面色總係有得比你睇,,　青紅黑白泛泛齊..

當然,,　同佢地相處亦有唔好處,,　例如有野唔明,,　求其問下隔離位果個,,　一定答到你問題,,　而且必定詳盡,,

再例如,,　你同佢地同組做報告,,　唔駛驚份功課會交唔到,,　實會有一兩位主動做好左,,　兼且係離Deadline早幾日已經完成好,,

總括黎講..　有好有唔好啦,,　不過最多都只會成為普通朋友,,　能夠成為好朋友既機率係0.0001%。

家姐喺廈門買左本簡體版《哈利波特７》比我,,　入面ｄ角色譯名完全睇唔明,,　上網查左好內先知係邊個..

妙麗譯左做「赫敏」、跩哥譯左做「德拉科」、石內卜譯左做「西弗勒斯」..　救命,,　點鬼知邊鬼個咩！

P.S.　希望能夠順利睇晒成本《哈利波特７》！

「壓抑了超久的情緒今天一次把它清掉，爽呆了。」

終於,,　所有要溫書既科目都考晒,,　今日既MTH對文科呢邊黎講應該都會死傷慘重,,

阿盧仔出卷喎,,　唔將我地殺過片甲不留至奇啦,,　都未曾試過考試考發白日夢..

尋日部電腦仲好地地,,　唔知咩解究今日一開機就話中左毒,,　清黎清去都清唔到ｄ毒,,

我搞左成朝先整番好佢,,　又要再裝番過晒ｄ野,,　另外裝番最新版既Winamp5.5,,

呢個版本多左樣功能,,　就係show到中文字,,　以前果ｄ只係隔左幾個空間就當show左歌名,,

宜家就變成咁,,　睇落都冇咁囧..

－ Winamp v5.5

之前都Photoshop由v7.0升級v8.0（即cs版）,,　因為有ｄ筆刷載入唔到先考慮到要upgrade,,　睇落好似多左好多function,,

但實際會用到既其實都唔係咁多,,　希望未來會用得著。

最近好鐘意睇一套叫《Minamike 南家三姐妹》既動畫,,　畫風唔錯,,　都算得幾好笑,,

好鐘意細妹果種冷漠既態度,,　感覺好對我既味,,　二家姐係好動兒,,　成日做埋ｄ白痴野,,　大家姐係媽媽型既溫柔女生,,　但有時會變陰險,,　基本上三姐妹就係家庭裝怪胎。

提起動畫,,　我就不得不鬧下《紫音之王》既動畫製作組,,　竟然動畫仲核突過漫畫,,　簡直係醜化左《紫音之王》囉,,

通常都只有漫畫核突過動畫,,　第一次見有動畫仲核突過漫畫,,　究竟有冇用心製作呀？！

今日睇左漫畫《不良仔與眼鏡妹》第四集既更新,,　雖然畫風普通,,　但勝在夠爆笑,,　我笑到飊眼淚,,　一級推介！

－《不良仔與眼鏡妹》第一集封面