「熟悉還是陌生，是要靠自己去打破。」

超內冇黎打日記啦,,　忙碌忙碌嘛,,

但喺忙碌既生活中活得好自在,,　似乎已經適應左咁忙碌既生活,,

已經調左一次位啦,,　發現我地班做事都算有效率,,　實在少左好多麻煩,,

本來希望調去近走廊窗口既果幾行,,　點知愈調愈入,,　宜家坐喺近街窗口既第二行既第四個位..

不過都好,,　身邊都係ｄ識得既人,,　生活甚為愉快,,　（笑）

升左上中四既日子的確比中三忙碌,,　但未到超級忙碌既程度,,　我諗超級忙碌程度既情況應該喺下學期先開始出現吧..

聽講理科果班人好慘,,　做成百幾條數,,　可憐哩,,　不過可以訓練計數快ｄ喎,,　咩都值番啦,,

家姐去完日本旅行番黎嚕,,　好似帶左好多手信,,　嘿嘿,,

希望明天亦是快樂的一天。

「看不爽他們，看不爽他們總要裝很努力，可能他們真的很努力，但我就看不爽，是嫉妒又怎樣？至少我會大聲說我真的有嫉妒過！」

好似仲係唔多適應我果班,,　可能係患上左開學憂鬱症,,　（啥來的？）

真正熟悉既朋友一個都冇,,　感覺好孤獨,,　唉,,　好無助..

壓力好大,,　發覺中四真係好似好多野要讀,,　雖然掛名話少左科要讀,,　但我一諗到會考要考晒果堆書就覺得好頭痛,,

更何況唔止考書裡面的野,,　仲要自己搵課外既野黎讀,,　突然覺得會考好恐怖,,　或者唔係突然,,　只係了解得愈多會考既模式,,　就愈覺得有心無力,,　有應付唔黎既感覺,,

好唔鐘意我果班,,　可見我當初知道自己B班之後既憂慮係不無道理,,　...................

最近新聞又特別播關於九歲天才升六讀浸大既事,,　睇到我肚裡面ｄ腸都纏埋一堆,,　打晒結,,

人地都要捱生捱死經過會考、考大學,,　千辛萬苦先上到去讀大學,,　但仍然未必上到心目中想要既大學,,

雖然話今時今日大學生週街都係,,　不過起碼都算係個捱出黎既大學生,,

果個九歲天才,,　似乎比人地都要輕鬆,,　只因佢有一個與眾不同既腦,,　九歲就得到最耀眼既殊榮,,　唔知點解我覺得有ｄ心寒,,

係既,,　我係妒忌,,　加些許憤恨,,　亦再一次體會到世上唔會有真正既公平既事實,,

天妒英才,,　期待九歲天才第日會有咩傑出既成就,,　佢可能係其中一個Heroes,,　會拯救地球都唔定..　（中毒太深"）

P.S.　或者無心向學先至係我既致命傷..