「聽說：『夢想是實現不了的東西，理想才是值得奔赴的目標。』；如果連理想也找不到，那該怎麼辦？」

尋晚無端端失眠,,　三更半夜坐喺張床度聽MP3聽左幾個鐘仲係未訓得著,,

明明好眼訓,,　打左勁多個喊路,,　但唔知點解訓唔著,,

唔通係因為果杯咖啡？　下晝飲,,　深夜先黎副作用,,　太離譜了吧..

朝早拎住兩個黑眼圈番學,,　搭車果陣見到個好得意既細路,,　發晒爛渣問人攞八達通,,

呢排成日都遇到ｄ好另類既小朋友,,　係因為暑假既關係呱..

終於睇到《黑糖瑪奇朵》第三集,,　王子扮女仔好可愛,,　不過ｄ對白就好嘔心,,　疊字攻擊觀眾的說..＝＝”

王子扮女仔仲可愛過果個鬼屋勁多扮女仔,,　王子果然係勁野！　嘿嘿..

今日突然興致到,,　就用左幾個鐘改左個Blog既版面,,　果個虛線畫到我手都斷埋,,　不過出黎既效果都唔錯吧,,

嘿嘿,,　可以好自豪咁講一句,,　全成個版面都係自己親手畫同用Photoshop整,,　呵呵,,

唔准話整得唔靚,,　會噴火加咬人架我..　（笑）

我記得好之前都整左個類似關於咖啡杯既版面,,　發覺自己整既版面愈整愈大舊,,　嗯..　算啦,,　可以慳番整背景既力。

P.S. 最後都搞掂左補習班請假既事,,　已經煩左我好多日的說..

「跟朋友一起嬉鬧過日子始終是最快樂的。」

今日去左寶琳M記等Yan子放學,,　見到好多熟人,,　搞到我要不停咁揮手,,　（笑）

今次輪到Water病左,,　淨番我同Yan子、阿傅一齊去Food Court食飯,,

阿傅個補習老師ｄ字真係同我果個Miss有得揮,,　龍飛鳳舞,,　一樣咁樣衰的說..

本來諗住叫埋阿傅一齊去九龍灣,,　點知佢約左人去旺角行街,,

唯有得我同Yan子去德福行下,,　去德福之前行左陣新都城,,　睇手機,,

發覺ｄ手機個款都好似差唔多咁,,　同一款既手機上唔同既台,,　價錢差別超大,,

搭地鐵果陣遇到Ms.Lee,,　迫於無奈要同佢傾左陣計,,

唔知邊個提起睇戲既話題,,　搞我好想睇周杰倫果套《不能說出的秘密》,,　有冇人想同我睇呀..？

又挑起埋Yan子想睇《變形金剛 Transformers》既戲癮,,

去到德福,,　原先想去Starbucks,,　但Yan子人有三急,,　就周圍搵廁所,,　遇到兩個要傳福音既人,,

搵左個藉口就走左,,　點知落左一層又遇到佢地兩個,,　搞到要聽佢地講道,,

以為會好快講完,,　但又要答問題,,　又要玩魔術,,　又要留低聯絡方法,,　乜宜家ｄ傳道人咁熱情架咩？

終於甩左佢地,,　去左Starbucks飲左杯泡沫特濃咖啡,,　一隻中國茶杯大細既咖啡就已經14蚊,,　味道仲有ｄ似功夫茶味,,

算,,　當買個經驗,,　下次決定去Mc Cafe嘆下午茶,,

跟住我地去百老匯又再睇手機,,　比我睇到款超鐘意既手機,,　係Sony Ericsson w660i 玫瑰紅,,　（原本以為係w880i,,　之後上網查過,,　發現係w660i）

手機背面有古典花紋呀,,　勁鐘意囉＞ｗ＜　決定等媽咪部手機一壞就換新機！　（不知要等到何年何月..唉）

宜家我用緊果部機影相既象數好差,,　影出黎ｄ野好矇,,　如果我換左新機一定成日攞住周圍影,,　當然唔會係自拍啦XD

嘿嘿,,　可能你會叫我不如索性買部相機,,　但如果又可以用黎打電話又可以用黎影相既話,,　當然更好啦..Right？

P.S. 好內冇打咁多字既日記,,　係因為今日夠特別？