「能再見面真的太好了。」

相隔三年,,　繼圓規經過香港,,　另一位遊客帕布終於到港,,　（笑）

太內冇打風,,　大家面對呢個久違了既風球似乎有ｄ手忙腳亂,,

百佳迫滿師奶,,　搶購搶到好似世界末日咁,,　慌死唔快ｄ買就會餓死咁,,

本來想同嘉慧佢地去百佳玩車,,　點知就係果堆師奶迫住晒,,　搞到冇得玩,,

今日去左海港同嘉慧、Katie、水、聰、霖、洪梓一齊飲下午茶,,

點知開左位兼叫埋野食之後,,　聰、霖、洪梓臨時走人,,　一個要去買書,,　一個要去小學同學屋企,,　一個要番屋企打機..　（宅女麼？）

我係無咩所謂既..　不過你地準備比Katie炮轟啦XD

唯有剩低我地四個啃晒七個人份量既野食,,　飽到腰圍都脹左一圈,,　賠我肚皮來！！

我地喺商場觀賞街上面ｄ人比八號風球吹襲既情況,,　好搞笑,,　（惡趣味XD）

個個都趕住番屋企,,　我地就好悠閒咁行黎行去,,　感覺好奇怪,,

我地一路上不停係咁嘻嘻哈哈,,　好多人都用奇異既目光望住我地,,　下次收歛ｄ先..　（會先算..XD）

阿媽不停催我番屋企,,　為左做乖乖女所以就好聽話咁番左屋企。

睇雜誌睇到關於張敬軒既專訪,,　無論專訪內容講真定假都好,,　我對張敬軒既好感仍然不變,,

真係愈黎愈鐘意佢,,　唱功好,,　樣貌又唔錯既香港藝人好難搵哩..　（算係香港藝人吧..）

之前明珠台播左《The Princess Diary 走佬俏公主》,,　（個譯名好難聽）

一時興起就去搵黎《The Princess Diary 2》黎睇,,　都算幾好笑,,　個女主角個嘴好大,,　好在佢係公主,,　如果唔係,,　睇怕會食窮郎..XD

P.S.　呢個禮拜要做晒ｄ功課！！　（睇下點先啦..）

「不要為了讓自己的品味看起來比較高尚、特別，而硬把垃圾看成藝術，不單只是對藝術的侮辱，也侮辱了自己。」

明明今年會考唔關我事,,　阿媽又開始嘮叨,,　不停喺我身邊講阿邊個阿邊個咁有上進心,,　第日一定攞好多個優,,

阿邊個阿邊個平時攞咁多獎,,　第日會考成績一定好好,,　阿邊個阿邊個平時讀書咁好,,　第日一定做十優狀元,,

明明選科之前仲叫我鐘意選咩科就選咩科,,　跟住宜家佢地又馬後炮,,　話ｄ讀書差既人先會揀文科,,　讀文科冇出息,,

咁即係算點先？　原來之前係扮好爸爸好媽媽,,　扮有民主,,　真係好一對好爸爸好媽媽喔..

煩死了..　我知道佢地對我有期望,,　但我真係唔鐘意讀理科嘛,,　咁冇興趣就冇興趣架啦,,　我都唔想呀,,

好擔心之後既會考,,　都唔知會考成點,,　如果只考得果十幾分既話,,　咁應該點算好..？

天知道我點解宜家就要擔心會考,,　真係TMD,,　好煩呀,,　仲煩過選科,,　做人點解要咁煩呀,,　短短果幾十年命,,

就四分之一既時間喺度煩考試既野,,　究竟邊個發明教學制度,,　簡直玩死人..　%@#&$...

今日係最後一日番學校果個補習班啦,,　番去都唔知做乜,,　淨聽佢講答案,,

肥雞教左我玩「3、6、9、12」,,　呢個名係佢自己作,,　佢話唔記得左原名叫咩名所以隨便叫一個,,

原來肥雞好容易比ｄ中年男人散發出黎既魅力誘惑到,,　皆因佢..　你地都係親自問佢啦,,

去左新都城果間天利行買書,,　本本書都勁厚勁大本,,　中四仲要冇Locker,,　真係死得囉..

宗教都唔知點解要咁大本,,　乜好多野教咩？

我終於明白點解香港有咁多基督徒,,　比呢堆野係咁催眠想唔信都要扮信啦,,

Account果本野成本字典咁,,　真係攞我命,,　希望理科果堆人ｄ書都同我地差唔多咁大本,,　有難同當嘛,,

P.S. 發覺自己企喺一個好尷尬既位置,,　究竟我宜家算係文科定商科呢？