「意外，就是意料之外；能解釋的就不是意外，怎麼還問我為什麼會出意外？」

細個果陣聽到ｄ朋友唔識睇簡體字,,　而自己就無師自通,,　都會好自豪咁主動解釋比朋友知隻簡體字點解,,

到左大個,,　發現好多人都一樣無師自通咁學識睇簡體字,,　甚至識得寫,,　仲要寫得好流暢,,

先知道原來自己並唔係咁叻,,　開始慢慢學下寫簡體字,,　可能平時唔係成日寫,,　所以到左宜家都只係識寫幾個,,

最近因為要狂抄筆記既關係,,　更加覺得簡體字好偉大,,　決心要學好ｄ簡體字,,　嘿嘿,,　都學得唔錯..

大家有冇聽周杰倫新碟《我很忙》呢？　除左主打歌《牛仔很忙》之外,,　其他既歌都好好聽,,

其中有一首《陽光宅男》,,　係講一個好電車既男仔變身做型男,,　然後去追女仔既故事,,　ｄ歌詞好搞笑,,

不嬲都好鐘意周杰倫帶有中國風既歌,,　今次有《青花瓷》,,　ｄ歌詞填得清雅,,　帶點傷感。

P.S.　要考試啦！！！！！＞＜

「無論你怎樣，都不會明白我當天的動機，一輩子都不會明白。」

由細細個企喺商場大堂既小型書展睇「免費」童話故事書,,

到小學開始迷上衛斯理,,　再開始睇鄭梓靈果類型既書,,

然後再中學開始淪陷喺台灣既言情小說,,

跟住到今日,,　我再迷上內地既小說,,　最近因為去過大陸既書城同小型書店,,

發覺內地既小說真係好好睇,,　有內涵,,　文字造藝高,,　用詞優美,,　睇起上黎,,　人都零舍舒服,,

無關「媚中」不「媚中」既事,,　純粹覺得真係非常欣賞內地作家,,

最近超級鐘意饒雪漫同公孫羽既作品,,　公孫羽只係個新丁,,　饒雪漫喺內地就比較出名,,

好內之前都有睇過饒雪漫既作品,,　唔記左係邊個借比我睇,,　書名係《校服的裙擺》..

佢地兩個既作品我都好鐘意,,　饒雪漫既作品比較偏向成熟,,　公孫羽既作品則比較年青 (?) ,,

總之以後有一排應該都係以刨佢地既書為過日辰既主要消閒方法,,　大家都一齊陪我刨啦。

－　饒雪漫《左耳》　（另外仲有續集《左耳終結版》）

－　公孫羽《愛上一隻鬼》