「想割開自己的腦袋，看看裡頭究竟裝了些什麼，為何如此健忘？」

今日新春長跑,,　但係朝早起身既時候,,　腳腕既位置突然間勁痛,,　要拐下拐下行入廁所,,

超級唔想去跑,,　不過唔跑要交家長信,,　廢事麻煩,,　最後都有落場跑..

見到Kathy佢地拎住好多零食,,　準備喺當值果陣食,,　心裡非常羨慕,,　早知就做student helper啦,,

明明同阿巫約定左一齊慢慢行,,　點知佢一枝箭咁就衝左上前面,,　揼低左我,,

其他人又好熱血爭住跑第一,,　唉..　我唯有焗住同佢地一齊跑,,　途中遇到嘉慧同Yan子,,

但跑跑下又淨番我同嘉慧,,　並肩作戰,,　仲遇到以前既小學數學老師,,　唔知佢認唔認得我,,

但佢個猩猩樣化左灰我都認得,,　實在太深刻..　猶如見到真既猩猩一樣..

跑下又行下既狀態下,,　終於跑左路程的一半,,

攞卡果陣,,　問Kathy佢地攞左粒蘑菇軟糖黎食,,　嘉慧攞左粒蛋軟糖黎食,,

回程果陣有時比人追過,,　有時又追番人地,,

最後跑到終點,,　我既號碼係四百七十唔知幾多,,　（忘了）

真正停低休息既時候先感覺到腳腕再惡化既痛..　痛到..　痛到..

唔識點形容,,　我甚至懷疑自己係咪可以行到番屋企..

番屋企途中仲發生左件超級唔愉快既事,,　廢時講,,　免得激心..

跑完新春之後真係好似老左十年,,　唔知係腳攰無力定係個書包太重,,　好似揹左個龜殼上身..

我以後都唔再跑新春..

P.S.　初步整好左個相簿,,　入面放左我好多珍藏既相,,　得閒請移玉步去睇下啦..

仲有好多未upload,,　將就將就睇住先..

「我們說愛情有多麼的動人，它最動人的，卻是還沒有真正開始的時候。」張小嫻《在天涯尋覓你》

又黎寫每月一記啦,,　考慮左好內,,　終於決定轉番最原始的版面,,

感覺上方便好多,,　以前果個整既時候好煩,,　又要就住個位,,　又要對好番個位,,

最後我都係比惰性屈服左,,　揀番個最舒服既方式,,　咁先符合我性格嘛..

星期五果日夜晚大約七點半度我要攞個行李箱去地鐵站比阿媽個同事,,

我拖住個行李箱既一路上,,　路人甲乙丙丁不停咁望住我..　我心諗佢地會唔會以為我係離家出走,,

如果遇到警察咁點算,,　佢會唔會叫停我,,　問我做咩拎住個行李箱周圍遊蕩,,　諗埋ｄ白痴野..　（汗）

咁我就不自覺地一路行一路笑得好燦爛,,　咁ｄ人就唔會認為我係由悲情的家逃奔出來,,

諗諗下,,　又覺得自己做咩要專登笑比人地睇,,　人地要誤會咪誤會囉,,

跟住就即刻扮黑面,,　感覺好似面部肌肉抽筋咁..　白痴喔？！

↑豬蹄般的手拖住個行李箱..

到左地鐵站,,　佢人未到,,　只好呆等,,

等人既期間,,　發現左個十分孤單既專影證件相機..　（←正式名稱唔記得左）

要等既人終於到左,,　急急腳咁離開..　我可以番屋企嚕＞＜

P.S.　發現At17既Ellen同林一峰有幾分相似..