「覺得心靈受到傷害嗎？那就練習到不會被傷害吧！」

依米本日懶洋洋更新。

比較少左熱情(?)黎更新個Blog,,　最近都冇咩劇好睇,,　台劇基本上自從上年月尾開始都冇乜野好睇,,

本來準備睇《惡作劇2吻》,,　但宜家冇左當初果種熱情(??)去追番,,　而且台劇果種無厘頭沮喪無厘頭熱血既劇情我都開始有啲厭倦..

好似黎黎去去都係果堆人拍偶像劇耶,,　飛輪海、唐禹哲、183club、七朵花,,　係人氣偶像當紅既必然副作用?　（後兩個還算是當紅嗎？）

將重心轉移去日劇,,　感覺沒有對味,,　又轉去韓劇,,　有幾套都幾好睇《快刀洪吉童》、《你是誰》、《三個爸爸一個媽媽》,,

但前兩套都已經播完,,　剩番果個可能都會呢兩個禮拜之內完鬼左,,　強烈預感未來苦悶生活。

同范范姐好好朋友既果位歌手郭靜,,　唱歌都幾好聽,,　有專登去聽佢張專輯《下一個天亮》,,　感覺上係聽聽下會訓著果種,,　比較單調,,　現場聽應該會好FU啲..

搵到幾個我幾鐘意既cosers既Blog,,　依喜愛排行次序分別係由、莫旋。木偶、Rina、Yuka..　佢地既cos令我好萌,,　可以睇到咁好既cosplay實在太幸福啦。　（滿足）

今日被問到點解唔試下出cos,,　講真我好佩服cosplayer們,,　無論出得好唔好,,　能夠著起套cos服企喺人前,,　已經好勁,,

我真係冇勇氣出啦,,　出cos出多左可能會覺得好平常,,　但要踏出第一次出cos呢一步係會令人卻步的哩..

而且cosplay花費龐大,,　貧窮的我實在挖不出來..　所以說,,　我果然還是愛看cos多過親身體驗呢！

如果話親身體驗會有成功感,,　那麼睇cos就會有萌萌感(?)啦。

P.S.　《一枝梅》明日開播。

「分享，只想跟某幾個人分享，並不希望與大眾分享。」

依米本日更新。

今年真係多災多難,,　又雪災,,　又藏獨,,　又地震,,　唉..　希望黎緊平平安安啦,,

最近比較忙,,　忙咩？　忙Quiz,,　忙睇書,,　忙睇劇..　（心虛）

介紹兩本我呢排好鐘意既書比大家,,

就係《我的腐女友》系列啦！！　（得兩本算唔算系列？）

其實總共都只得兩本,,　Part 2係續篇,,　亦係最後一本,,　我上星期六去旺角果陣見到就買左Part 2黎睇,,

至於Part 1我係問Mandy借黎睇既,,　「腐」既成分Part 1比較多,,　Part 2著重講兩位主人翁生活趣事,,

不過兩本都好好睇,,　我就係一邊睇一邊大笑,,　比人話我傻,,　我黎更正一下,,　基本上我係喪..　（Level UP）

講到呢度,,　仲未解釋「腐女」究竟點解,,　我記得我之前解過,,　不過好內之前既篇章啦,,　冇謂要大家搵,,

腐女：喜歡閱讀以BL題材為作品的女性。　事實上,,　應該有更複雜的定義,,　不過單純既各位暫時用簡單易明既定義理解住先啦,,

腐女係愛BL愛到無法自拔,,　（其實係根本唔想自拔） 而我,,　亦係其中既一分子..　算係隱性腐女果種吧..

我比較幸運(?),,　我身邊亦有一堆隱性腐女朋友,,　集各大腐女特徵於一身,,　例如對某d字眼好敏感,,　一聽到就會瘋狂..

腐女可能(?)係好多人眼中不能接受的一族(?),,　但係我就覺得冇乜大不了,,　世上都冇人能夠比全世界既人認同的吧..

嘿嘿,,　大家一齊加入腐既世界啦。　（笑）

p.s.　Smoke 講大話真係愈黎愈順口,,　連我都..!!