「太多只說不做的人，就是世界一直在崩坍的原因之一。」

哇,,　攰死我啦,,　經過連續兩日穿梭香港同內地,,

感覺就好似企喺半空中,,　面色發白,,　雙腳發軟兼酸痛,,　（汗）

上廣州既時候,,　路面完全見唔到類似三輪車既蹤影,,

我諗政府應該已經開始規範呢類型既車輛行駛,,

可能因為經濟好左既關係,,　內地都多左好多人搭的士,,　我地截的士都截左好內,,

然後第二日上深圳,,　好多野都拍得住香港,,

完全冇諗到深圳地鐵會用廣東話黎廣播,,　亦冇諗到深圳賣野既價錢已經同香港賣野既價錢不相上下,,

生活質數提高既同時,,　連帶貨品既價格都提高埋,,

驚訝既感覺瞬間令我覺得自己先係所謂既「大鄉里」,,　甚至有種置身於香港既錯覺,,

當然,,　有ｄ不足既地方,,　例如工廠釋放既廢氣,,

即使喺黑夜中都清晰可見,,　場面駭人,,

地鐵列車班次不足,,　要等超內先黎一班列車,,　車廂擁擠既情況自然會發生,,

最近入左三隻新碟啦,,　有Avril Lavigne既《The Best Damn Thing》,,

Westlife既《The Love Album》,,　張含韻既《青春無敵》,,　全部都好好聽喔..

其中《青春無敵》裡面有一首歌叫「北鼻與底兒」,,

大家估下係咩意思,,　用國語試讀個歌名,,　就會發現嘍！

答案就係Baby同Dear既中文譯音啦,,　呵呵,,　有趣吧..　（笑）

最後送上呢三隻碟既封面圖：

Avril Lavigne《The Best Damn Thing》

Westlife《The Love Album》

張含韻《青春無敵》

「有些討厭的感覺是莫名其妙而來的；但絕大部分都一定有原因的。」

假期既第一日終於展開啦,,　自由悠閒既氣息瀰漫於身邊既每一處,,　（是幸福的感覺♪）

聽日就去坐我出世十四年來都從未坐過既叮叮車啦,,

心情就好似幼稚園小朋友去旅行咁期待,,　（笑）

呵呵,,　頭幾日假就緊係要玩得開心ｄ嘛,,

坐完叮叮車就去我姑婆屋企做免費勞工,,

佢就快由美國番黎,,　所以就要幫下佢打掃下間屋,,　其實我都唔知道點解要幫佢＝＝”

然後星期六就同阿靖、Smoke佢地去旺角行街,,

奇怪..　點解冇叫埋阿霈既？　（惑）

去完旺角之後就要直接去姑姐屋企打邊爐,,

唉,,　不過冇得食牛肉,,　因為果度既大部分人都唔食牛,,　搞到我都冇得食,,

星期日就去圖書館,,　好想去借果本《東史郎日記》,,

星期一就要即日上大陸同番香港,,　十分之趕,,　番去都唔知為乜,,

然後第二日再上深圳書城掃貨,,

ｄ書又平又多,,　諗起都覺得興奮。（大笑三聲）

阿媽今日睇電視睇到有個拎7優既學生又開始嘈我,,

係咁問我點解人地個阿媽有個咁叻既仔,,　而佢果個就讀得咁差呀？

跟住我就反問佢點解人地會中六合彩,,　而佢又冇中六合彩既？

命運唔同,,　好多野都冇得怨,,　算係有ｄ睇透。