尋日去左探訪特殊學校既學生,,

去到果陣,,　唔知點解起晒雞皮,,　仲有ｄ陰風陣陣添,,

排隊入去果陣,,　Katie佢地爭住排後面,,

唯有我一個頂硬上,,　排第一,,　橫掂都係要入去,,　就無謂咁私私縮縮啦,,　（笑）

其中有ｄ個樣都好正常,,　如果企喺街,,　都唔會覺得佢係智障人士,,

不過奇怪既係,,　佢地個樣一係就好正常冇乜野,,

一係就差唔多樣成個餅印咁,,　究竟係點解呢？　（惑）

表演去到中段,,　輪到我地做話劇,,　真係瘀到我都冇眼睇,,

平時又唔正正經經綵排,,　到真正要表演既時候,,　又唔盡力做,,

我真係好想柄埋一二邊唔見人,,　好瘀呀！！＞＜

唉,,　唯一慶幸既係唔洗一對一或一組組咁傾計,,

只係放１５分鐘小息,,　亦冇強制性監我地一定要同佢地傾計,,

點知突發事件就喺呢個時候發生左啦,,　我都只係事後聽當事人Katie講,,

原來有智障既男學生當眾除褲,,　聽講仲係連底褲都除埋,,

Katie咁啱就成為目擊者之一,,　睇到果個人既那話兒,,

可憐的她便成了苦主,,　真係有苦說不出..

今日好攰呀,,　每逢家政烹飪堂就特別攰,,

嗯..　煮野食真係幾開心既,,　不過要洗野同食番自己整既野果下先慘,,

今次整生炒排骨,,　味道我自己覺得還可以,,

Katie就話好難食,,　哈哈,,　自己既水平去到邊都自己知啦,,

唔知點解今年我得到一個病,,　叫做「無端端走音症」,,

初初都只係間中講野走音,,　到左中期,,　逢親講野激動果陣就會走音,,

到左末期,,　病情急劇惡化,,　成日無端端講野都會走音,,

嗚..　可憐既我因為呢個病成日比人笑,,　呢個病仲變埋我既招牌,,

嗚..　我唔制呀∼∼呀！　（嬌嗲聲突然走音）

終於到左Morning Assembly比人訓話既日子,,

原來唔淨只我地班,,　仲有另外三班,,

本來仲以為有得坐,,　點知原來要企,,　眼訓到我差ｄ即場訓比佢睇,,

訓話內容講黎講去都係果幾句,,

又話要搞埋ｄ唔知乜野第一二三四次行動,,

唉,,　搞黎都冇用既,,　我地班都唔會睬你啦,,

Lunch同阿霈、嘉慧一齊去魚米家食,,

見到阿靖聲稱好似呱呱既店員,,　嗯,,　側面都幾似既,,

面形同條眉最似,,　評定為６５％相似度,,

大家得閒自己去觀賞下啦,,　要就趁呢排啦,,　遲ｄ可能要收錢先見到佢塊面,,　（笑）

叫左一份粟米豆腐雞柳飯,,　超大碗,,　最後都只係食左四分之一多少少,,

嘉慧話聽人講,,　原來祖先要食晒我地食剩ｄ野先可以去投胎,,

咁究竟好定係唔好呢？　好乖咁食乾淨自己既食物,,　但係可能會餓親祖先,,

但係剩低好多野食,,　祖先又可能食得太飽,,　飄唔郁喎..　（笑）

食飯食左一陣,,　隔離臺黎左一家人,,　係一對父母同一個細路女,,

初頭都唔為意,,　但見到阿霈同嘉慧無端端陰陰嘴笑,,

仲要不停咁將視線移去隔離,,　我就跟住望過去,,

唔望都仲還好,,　一望就差ｄ笑到噴飯,,　哈哈,,　笑到我肚痛,,

原來隔離臺果位細路女衣衫不整,,　著住吊帶裙,,　但係唔覺意地露兩點,,

好彩個細路女都只係三四歲到,,　唔係咁緊要啦,,

番到學校講比ｄ朋友們知呢件事,,　但係唔夠幾分鐘,,

普通趣聞資訊變成色情趣聞資訊,,　由兒童適宜講到兒童不宜,,

突然間,,　覺得個細路女好慘,,　為你哀傷一分鐘喔！

終於有緣見到阿靖個新髮型,,　好可愛哩∼！

記憶中,,　見過佢幼稚園張相,,　入面果個髮型都好似係咁..