今朝搭巴士番學,, 上到車就企埋一邊啦,,
到準備開車既時候,, 個巴士廣播竟然講「呢度係終點站,, 請各位乘客落車」,,
當堂呆左,, 唔係化,, 啱啱先上車就趕我落車？！ （笑）
成車人都喺度笑,, 尷尬的司機嘍..
番到學校,, 開完Locker之後條鎖匙無端端唔見左條鎖匙,,
搵黎搵去都搵唔到,, 初初仲懷疑係阿揚偷左,, （惡質）
到最後,, 原來唔小心連埋紙巾一齊揼左落去垃圾桶度,,
笑死我,, 我毫不猶豫咁即刻用手執埋佢,,
好彩朝頭早既學校垃圾桶都唔算太污糟,, 如果唔係都唔知點算,,
Katie問我如果係唔小心將50蚊揼左落街上面既垃圾桶會點做,,
我諗,, 我應該會整跌個垃圾桶然後倒晒ｄ垃圾出黎搵番個50蚊,,
我都唔知點解會咁做,, 但就係好唔甘心果50蚊就咁就冇左,,
不過如果真係咁做既話,, 清道夫應該會咒罵我吧,, （笑）
Phy堂調左位,, 掛名叫調位,, 實際上只係移位,, 失望！
Lunch去左元綠食,, 討論Smoke白痴ｄ定阿靖白痴ｄ,,
哈,, 兩個一擔擔啫,, 但鑑於Smoke不容易被摧毀既心靈,,
所以都係投左「Smoke白痴ｄ」神聖既一票,, 選情一面倒,, 「Smoke白痴ｄ」當選,,
徐玲突然問我,, 你細個大膽ｄ定宜家大膽ｄ？
我答：宜家大膽ｄ,, 細個果陣係大喊包,, 比人「店」下都喊,,
宜家變左小喊包,, 比人踢下先喊,, （無聊）
原來好多人都話細個大膽ｄ,, 如果係阿聰,, 佢可能由細到大都冇大膽過,, （笑）
我細個果陣有幾細膽,, 阿秀應該清楚ｄ,, （呵）
係咪人愈大就會愈容易感動,, 以前覺得好白痴既電視情節宜家竟然覺得好感動,,
點解會咁呀,, 難道我白痴左？ 一定係成日都同阿霈佢地群埋一堆既關係引致,,
算啦,, 大家都一樣白痴先會做到朋友.. （微笑）
|
