今日午膳,,　無端端就同阿霈嘈起上黎,,

嗯..　其實我上堂之前已經冇晒火氣,,

正確黎應該話,,　已經冇果陣嘈交咁燥,,

不過,,　放學之後,,　我都冇搵過阿霈傾計嚕,,　（失敗的我|||）

講起上黎,,　記憶中,,　我同阿霈好似第一次咁爭執咧,,

呢次爭執仲要環繞住某人,,　（在場人士應該就知道邊個）

我點解咁嬲？　其實,,　我都冇乜資格嬲,,　（吵鬧後的省悟）

因為我之前真係有爆過少少大鑊,,　但事情已經過去很久很久了,,

久到我以為已經告一段落既時候,,　仲係搬出黎講,,

我之後冇再爆大鑊啦,,

聽人講是非,,　多過同人地加把嘴講是非,,

中秋節果晚既小插曲係我提起先既..

係！　係我錯先,,　但我都冇再提起過

但係過左一陣,,　阿霈自己又提起,,

我同Smoke都當場啞左,,

因為阿霈從來未試過喺我地加其他朋友面前主動提起過,,

（即係：我未見過阿霈喺成堆人面前提起..）

事情唔提都提起左,,  交唔鬧都鬧埋,,

再多講無謂,,　因我屬講多錯多之人,,

我願意去忘記今日既事,,

唔知「你」願唔願意去忘記呢？..　（謎之音：唔願意咁又點？XD）

嗯,,　呢篇野純粹係想向阿霈道個歉,,

如果有詞不達意既說話,,　令阿霈火上更火既話,,

咁真係唔好意思..　（歉）

尋晚中秋出左去玩,,　玩到十二點先番到屋企,,

即使係到左十二點,,　街上面仍然有好多人拎住ｄ燈籠周圍走,,

隨便踎喺某個角落,,　蠟燭點完一枝又一枝,,

寶康公園入面,,　到處都係火光,,　形形色色既燈籠掛喺樹上面,,

氣氛勁熱鬧,,　不過都多左阿叔阿嬸黎捉煲蠟既人,,

我地都唔小心玩到煲蠟,,　真係純屬意外,,

好彩,,　有個大叔救左我地,,

第一次煲蠟既感受,,　係不知所措,,

所以,,　都係奉勸各位唔好煲蠟,,　

如果真係想玩,,　都要柄埋一二邊自己玩,,　唔好累街坊,,

過左一陣,,　Yvonne去左同佢阿爸攞錢,,

圖書館附近,,　有堆人喺度跳街舞,,

我地睇左一陣,,　Yvonne番黎同我地會合,,

話攞左一百蚊,,　我突然靈機一觸,,　講笑咁話：

「不如拎呢一百蚊去施捨一下佢地（跳街舞果堆人）啦！」

阿霈都即刻附和我話：「係喎！攞去施捨佢地啦！」

我地成班人都一齊笑,,　可能我地講得太大聲,,

事後聽阿霈話,,　果陣有個白色衫既人睥住我地,,

之後有人話要去廁所,,　所以我地就行去新都城一期,,

行去既途中,,　我突然諗番起我頭先講既野,,

覺得好內疚,,　所以就問：

「我係咪講得太過分？　佢地跳舞比我地睇,,　我仲要咁話佢地。」

老實講,,　我真係覺得好唔好意思,,

所以喺呢度,,　想同佢地道歉：「真係好對唔住！」

如果佢地睇到就好啦,,　良心會過得去ｄ嘛,,

因為以前成日口快快講錯野得罪人,,

搞到我之後一講錯野,,　就勁後悔,,　唉..

真係好對唔住呀,,　我無心呀,,　＞＜

番屋企既時候,,　搭左Yvonne爸爸既順風車,,

好快咁,,　就番到屋企嚕,,　

成班人聚埋一齊,,　真係又開心又抱歉既一日！

你既中秋節係孤家寡人,,　定係成雙成對呢？　（笑）