今日係我阿媽生日,本來我唸住同阿爸挾份買份禮物俾佢嫁,不過講講講吓連聲都冇埋。之後,我哋就去某日本餐廳食嘢。我本來又想同阿爸挾錢俾嫁,但係都俾錢嗰陣,我又冇攞錢出來!結果阿媽過咗一個好平凡既生日,蛋糕又冇,連禮物都冇得拆!

今日喺新港城見到陳奕迅。原來佢比我想像之中仲肥仲矮!真係令我失望!

今日好開心ar!同表姊佢哋成大班人去咗「海洋公園十月全城哈囉喂」!原來嗰度真係有好多鬼嫁!嚇到我死!d鬼好衰嫁,佢哋專嚇細路,所以佢吔一見到我同埋我d表姊就追住我哋黎嚇!不過我哋呢d嚇大既梗係唔驚la,我哋仲玩咗四個鬼屋添ar!真係諗起都開心!重開心既係我姨媽既公司包哂成個場,幾威ar!而最重要既係玩完之後,仲有禮物送,真係開心到爆!!!!!!!!!!希望下年都有得去la!

今日又有得玩我哋期待以久既數學遊戲!真係開心!咁我就梗係同番某人同某個同學一組喇。但係因為某d原因,我冇得出去玩,搞到好多組都叻過我哋。睇吓我幾重要!(又發緊夢......)雖然我冇份玩,但係為咗幫某人同某個同學打氣,就嗌咗成堂,就係咁,嗌完又打、打完又嗌,個數學堂就完咗喇!嗌完之後就落地獄喇!Help~~(正確黎講係上宗教堂)唉!可能我冇話你知點解我唔想上宗教堂,其實我將成長列以為係宗教堂宗教書咁擺咗入書包,但係真正嗰本宗教書就完封不動咁擺喺書櫃!(注意:我只係帶錯書,而唔係冇帶,攪清楚d!)唉!我本來以為蔡主任咁好人,實會俾條生路我行喇!但係......就喺今日,九月十二號蔡主任喺我手冊上整咗第一個污點!我實記得今日嫁!哼!