唉!31號嗰晚都冇得去倒數ar!!(阿媽打麻雀)淨係喺麻雀枱,旁邊倒數。一d氣氛都冇!!真係好懷念上年成大班人倒數既情況。

唉!!尋晚又同叔公叔婆佢哋食飯。(如果你有睇我n年前既日記既話,我諗你都知la可!)不過,今次食飯我竟然出奇地咁開心。因為我阿姨親手整咗個蛋糕俾我食。好sweet ar!!!你知la,食蛋糕之前有個指定動作ga ma。唔知你哋覺唔覺呢,喺人哋同你唱生日歌嗰陣呢,成日都唔知做乜好ga!!一齊唱又唔係,扮無嘢又唔係,但係我最尾選擇咗呆坐,唔知你哋會點呢???唱完歌之後,我梗係食蛋糕la!!我一啖擺入口,死!!!中招!!!我諗唔使我講個味la!!不過,見係阿姨親手整俾我嘅,我都食咗2件。最尾仲有利是收添!!

今日好開心ar!!因為我表姐送咗個唐老鴨既公仔or咕𠱸俾我。好得意ga!!

今日係平安夜,但係我哋成家都冇出街慶祝。唉!就咁喺屋企已經夠悶ga la,仲要有成大班人喺樓下報佳音,搞到我好似自閉咁!!!估唔到今年既平安夜竟然咁寂寞!!!

今日我終於去完教育營la!超好玩ar!尤其是營火晚會同水炮大戰!真係好好玩ga!玩水炮大戰嗰陣,成個水袋掉埋黎,超爽ar!雖然玩嗰方面ok,但係住就唔得la!我哋間房超多蟻同我哋一齊訓,諗起都食唔落飯。不過整體黎講都ok!起碼冇留下乜壞印象。跟住仲有樣嘢仲好笑。有個男同學話趁教育營同某個女同學示愛!(救命ar又唔知自己樣衰,有又嗰豬鼻wo!好心佢番屋企照吓鏡先la!)但係嗰女同學穌

都唔穌佢,一見佢行埋去,佢就即刻走開。結果,梗係示唔到愛la!