今日係田徑選拔,由尋日開始我就已經猛咁求阿媽俾我去選拔,佢唔俾我去不特止,仲要喺度鬧咗我一餐!(不過我都知佢係為咗我先會咁ga啫!)不過,當我今日番到學校,見到我嗰班差唔多成班都着哂運動杉!好慘lo!到咗活動課嗰陣,佢哋就去咗選拔喇!經過漫漫長夜之後,佢哋終於番黎la!聽完佢哋講,先知道我哋嗰班得一個人入選lo!(如果我有份去呀!實跑得快過嗰個咁既馬頌雯la!話唔定連葉sir都讚我!發夢中......)而嗰個入選既人仲要係我最唔想佢入到嗰個!一入到田徑就鬆毛鬆翼。真係見佢前面憎佢後面,見到佢就想!仲要坐喺我隔離,一個字講,哂:衰!早知我都去選la!仲等佢咁鬆毛鬆翼!

 今日數學堂要兩個人一組玩一個鬥快計數既game。咁我就同咗某人一組。但係某位同學又冇組喎!咁我哋就梗係即刻叫佢入我哋嗰組la(話哂三個人一定着數過兩個人既)一開始,我哋就發揮我哋既所謂「團隊精神」,符符碌碌咁就入咗决賽喇!之後嗰葉sir都唔知係咪特登整蠱我哋嫁,要我哋同自己既fd鬥!即係白己友打自己友啫!邊組輸咗都唔好la,但係最終都係我哋贏咗。雖然有少少唔開心,但係整體黎講都過得去ge!到咗總決賽la,雖然對手唔係好勁,但係都好緊張。當葉sir將我哋要計既數貼咗喺個黑板之後,我哋就死計爛計,終於皇天不負好心人,俾我哋極力邀請佢入組既嗰位同學計啱咗,終於贏咗呢場比賽!果然係明智既選擇。不過我對份禮物有d不滿lo,人哋計得咁辛苦都係得......一個貼紙。(不過都幾開心嘅,可以贏到呢場比賽!)

今日一大朝早,叔公叔婆佢哋就打電話黎嘈醒咗我,仲話要入黎同我婆婆去茶樓飲茶,兼黎睇吓我哋間屋喎,唉!真係慘呀!嚇到我即刻彈起身執屋。(你知我屋企幾亂嫁啦!)執完嘢之後,叔公叔婆佢哋就打電話黎話已經喺巴士站度落咗車,但係又唔識去嗰間酒樓,咁我同婆婆咪去揾佢哋囉,但係去到個巴士站度見唔到佢哋不特止,仲要落雨添!落雨唔緊要呀,但係個重點係我哋連遮都冇!唉!真係黑仔!我哋揾哂呢度差唔多所有既巴士站,但係都唔見佢哋。(搞到我哋兩個成身濕哂,好似兩個傻婆咁)揾咗幾個字都揾唔到佢哋,所以我哋泱定放棄,番屋企等佢哋打電話黎,原來喺我哋兩個出去揾佢哋嗰陣,佢哋已經喺酒樓度嘆緊冷氣!仲搞到我同婆婆成身濕洒添!飲完茶之後,佢哋就上黎睇我哋間屋。(都唔知有乜好睇)佢哋睇屋好似睇樓咁,又話呢度幾多尺,嗰度有幾大......唉!飲呢餐免費茶既代價真係重!

前幾日,我同我表姊同埋阿姨去咗一個喺太古叫水族廣場
既嘢,我哋由沙田搭地鐵一路搭去太古,期間又轉車又搭車又轉車又搭車搭到頭都暈埋。(梗係la,要過海咁遠)我哋一去到就見到好多魚,小丑魚、鯊魚、水母,即刻咩事都冇哂。行行吓,我阿姨心血來潮話想買魚,咁我哋咪好無奈咁陪佢一齊買囉!佢揀黎楝去揀咗成個鐘先買完。(搞到我哋要喺度呆等)買完之後,佢仲要我哋陪佢安置好缸魚先食得嘢(都唔知d魚重要d定係個肚重要d!),勁無奈囉!安置完d魚之後,我哋就去咗間餐廳度食嘢。食食吓,阿姨個boyfd就打黎話我哋陪阿姨買咗成個鐘d魚......死咗三條