今日阿欣既行動升級．最後要警察調停．．．．

今朝１０點到起左身．訓左個靚覺精神真係好好．

鴻仔１１點到打俾我話黎我屋企坐陣．佢黎左無耐．

阿欣按１３３打我手提．因為１３３我電話Block唔到．

佢話係隔壁果棟樓．話要跳落去．．．

我無理到佢．可能因為呢一年黎．每一日都聽佢講呢句說話．已經無咩感覺．．

過左都唔知有冇十分鍾．．佢到左我屋企門口．．我一開門．

見到佢跪左係度．話唔一齊返佢唔會走．

咁岩我城叔返到黎．佢先肯起身．我唯有出走廊慢慢同佢傾．

佢又再一走．．．死都唔肯走．鴻仔落左樓叫警衛上黎．

佢突然追住我同鴻仔黎打＝．＝”　佢之前唔會咁做架．點解突然間會變成咁．

個食蕉果句經典"呢d野我理唔到bo,我只係個保安.你地自己報警拉.我要去貼海報"啞晒．．

阿欣又用返琴日果招．係走廊正中間．．脫左自己條裙粒褸．話我非禮佢．

最後．．我唯有報警．．果一刻如果我唔報警．係佢報既話．我就死梗．．

呢ｄ野．女仔永遠係著數好多好多．．脫左自己條裙屈個男仔非禮佢．真係講都無人信．．

警察黎左之後．傾左成個鍾．中間講左好多好多既道理．阿欣既媽咪同大哥都黎左．

阿sir教曉左我．．男仔既eq永遠係比女仔高出好多倍．有事d人會話:

"我都無做錯.點解要我道歉阿!?" 以前我都會咁講．

但係依家我會答你"因為你係男仔."出黎工作既都會聽講過:

"客人與老細.永遠是對的".其實應該係" 客人,老細與女人.永遠是對的"

女警姐姐同阿欣傾左好耐．睇住佢又喊到要生要死．慢慢開始識笑．都放心左ｄ既．

後尾全部人散晒．我訓係張床到．以為一天都光晒．．點知．．．．．

有人打黎．．一個我未見過既電話．．

"喂!?你係邊個"

"如果你唔同返我一齊.我今晚就死俾你睇.我連遺書都寫定勒"

...............件事唔係解決左咩..點解..........我真係想死俾你睇...

直到6點幾到.防止自殺會既危機處理小組打黎.話阿欣媽咪向佢地求助.所以想我提供d資料.

跟住我就出左尖咀見工.點知佢地經理放假.....阿欣又打黎.不過語氣好左好多.

最後佢做我左妹妹^^希望佢快d無事拉~

夜晚就去左網咖打機打通頂~~

今日被人襲擊．．

朝早１１點半先返到屋企．一訓就訓到差唔多夜晚６點．

可能因為屋企電話浪起左．手提將所以來電Block晒．所以先咁好訓拉．

一訓醒個肚餓到死．好似幾日無食野咁．．

點知．．一出到門口．見到阿欣坐左係度等我．．

佢又死都唔走ｗｏ．無理由丟低佢我自己走左架．．．

佢話想同返我一齊．我梗係唔肯拉．

咁辛苦先甩身．我邊有咁蠢．．

佢突然之間丟爆手上隻玻璃鐲．拎ｄ玻璃襲擊我．．

當然．．我梗係咩事都無．．最後佢要我送佢返屋企先肯走．

唯有答應佢．．送到佢到屋企門口先激．佢係咁跑去樓梯口話要跳樓．

係咁俾我拉住．最後佢竟然脫左自己條庫．．話我非禮佢．．．．

果刻真係咁野講．．好在走廊無人．．

好辛苦先迫到佢入屋．跟住我差ｄ餓到暈低．．

去７－１１食左ｄ野再去食飯∼夜晚好早就訓左ｌｕ∼

今日都算係近呢兩年黎最"爽"既一日嚕~~~~~^^~

今朝5點幾返到屋企．訓到1點幾到．鴻仔打黎嘈醒左我．

佢地岩先通完頂．之後我落去同佢地傾左陣計．順便食埋Lunch．

根住一返到去．阿欣又追魂call．同佢傾左陣之後又訓過∼

一訓就訓到夜晚８點幾勒∼正．之後去左金來食晚飯．

根住返屋企溫左陣Cocktail既資料．雖然依家休息緊．

但係都要時時刻刻幫自己增值嘛∼你地都要加油阿∼

夜晚又同阿欣吵架．唉．近呢幾個禮拜日日都係咁勒．

最後唯有忍心將佢電話號瑪加入拒接來電．我地一日仲傾計．一日都仲會吵架．

呢個問題要快ｄ解決先得勒．

ｍｓｎ好耐無見個maggie online勒．有ｄ掛住佢添∼

呢排好似少左好多人咁既．．＝．＝”

以下係一d Cocktail既資料:

Long Island Ice Tea 長島冰茶:

Gin

Rum

Vodka

Tequila

1/2oz Triple Sec

1/2oz Lemon Juice

Coke for topping up