琴日訓得太多搞到夜晚訓唔著-.-...眼光光等天光...病左幾日個人都傻下傻下咁，今日好番少許，四點幾搵明仔出去，去左愉景新城果邊行，陪明仔去左傢私鋪行，原來D床都唔係好貴，千幾蚊有交易@@!~睇唔出明仔咁錫屋企，諗住買野俾屋企人用@@!~之後落左葵芳食野，蝕左...個麵好難食耶...行行下開始唔掂，早左番屋企，病啦病啦繼續病啦，病死佢仲好呀咩都唔洗煩=.="...

今日終於冇街去嚕，不過要番工-.-...兩點幾掛八號波@@!~正...咁應該冇咩客，可以番去R鐘-.-+，不過最後都係冇番到，今日好彩有謝豬豬幫我喳，唔知都唔知搞幾耐...第一次用電腦整野整到頭痛囉，啞左...自己整左成個鐘都整唔到既野人地幾分鐘就整完= =...好白痴呀...哩幾日都唔係咁舒服，頭暈暈好辛苦><...

五點幾落到去搵班友仔，原來諗住去唱K，本身諗住唔去，最後都係去左，六點幾過左新金搵阿明同經偉，睇左幾本技能既小冊子，發覺都係冇咩興趣，送完佢地走先番K房，八點閃人，最後都係一首都冇唱到，都唔知有邊個可以撬得開我把口-_-...阿Bill之後黎左，坐左陣先走，Jack同Bill走左去食壽司，好彩都有人陪小弟食飯姐-.-...食飽飽係到傾計，咩都傾下，幾開心，好耐都未試過咁嚕，出親黎都係打機多，再唔係就有人趕住番去，華既諗法成熟左好多，有好多野佢講得都好岩，令我冇得反口，唔出黎做過野都唔會努力讀書，哩樣係真既，有時怪自己點解唔早D試下出黎做野，知道做野辛苦就唔會好似依家咁，不過哩D野都過左去，總有D野你係得到左既可能自己唔知，食飽飽番番去搵佢地，走果陣M仔，雞華同我一人買左隻豬仔，大中細三隻呀~!今晚餵飽佢先@@!~

好得意呀!>< 

零晨三點...終於番到屋企...早上完全冇訓過，不停咁有電話打黎，十二點去左搵華一齊剪頭髮，今次剪得唔錯幾好睇@@!~明仔話去食飯，兜左成個圈囉，正一衰仔黎...七點過左荃灣廣場睇戲，今次終於齊晒人啦...七個，冇多冇少，睇完變形金剛都差唔多十點，幾好睇，正@@!~走果陣落大雨囉...等到細雨先可以走-.-...十點半去左明星打邊爐，咁大個仔都係第一次食咁多野，食到差唔多十二點先走，落熊貓玩左陣就兩點...真係化學囉...之後諗去邊都企左成好耐，最耐成班上晒耀到，哈哈!~四個人格劍二打二岩晒啦XD!~都唔知幾時又可以咁齊人嚕，D時間越黎越難夾...

現在時間為早上六點零五分，番到屋企岩岩半個鐘，琴晚忙到飛起...好彩唔係做廚房姐，不過都唔舒服得去邊，廚房勁少人囉，唔夠人又唔俾人番工，咁搞法邊有人會想繼續做...真係痴線的...成十點幾先食野，食完岩岩收十一點，準備收野，三點幾搞掂晒，同阿Jack係到打機，打左陣就走，陪佢地去左食野，之後搭小巴番去，趴幾個鐘床又要出過去...班衰仔今日放榜，睇戲食飯實唔少得啦...今晚一定要去食糖水呀= =+...成日唔記得囉...唉唉