趴床既功力越黎越深厚啦= =...今日趴到成三點先捨得起身...食完飯洗個白白就去左搵佢地，班死仔原來未食飯的-.-...又唔講聲...粉腸黎，不過去到佢地都食完，傾左陣先落熊貓，同雄仔玩SEED D玩到慶慶地，好白痴...都唔知點解會咁...怪怪地...八點送佢地搭車，之後搵經偉佢地食飯，行左輪最後決定左去稻草人食，等個飯等左差唔多成個鐘...問番個侍應哥哥先知原來個飯未落單，真係XYZ佢...食完個飯都成十點，食飽飽陪佢地去左陣新金就走左，搭地鐵去到葵興閃人，行緊番去先黎落雨...都唔知係咪玩我...個人已經灰灰地架啦仲要整D咁既野黎><...

三點到落左熊貓搵M仔，之後雄爺黎左，耀好遲先到囉...今日超多人...多到連搵部機玩都難...玩到八點幾明仔黎左，死M仔囉左錢就閃左去打邊爐-_-...玩到十點幾先捨得去食飯，成班飢民黎...食飽飽就周圍行，雄仔問M仔幾時過黎，原來有排囉...十一點幾成班走晒，M仔係咁叫我地等佢，不過最後都係冇等走左，對眼好累好痛都廢事再打機...今日對得太多啦，番到去先知M仔好嬲...Sorry...今日真係好累想番屋企，果時又咁夜...唉...總之Sorry...

琴晚華、M仔、雄仔上左黎過夜，華哥一上到黎就訓，我地三個就玩啤牌，唉...俾D屈機仔屈機囉，係咁羸，雄仔洗牌由頭洗到尾咁濟，有一次同雄仔夾埋整到M仔洗牌，正!~笑死@@!~玩果陣有講有笑好正，不過真係俾雄仔笑死...講野越黎越似明仔，差D頂佢唔順，哈!~玩到六點先訓，訓左兩三個鐘都訓唔著，雄仔條死仔包扯"鼻寒"...真係想車巴佢= =...搞到要出聽訓...兩點幾成班落左葵芳食野，竟然撞到阿偉，仲帶埋女朋友仔添@@!~之後陪阿耀去睇褲，葵芳睇唔岩走左去荃灣，不過去到大窩口就落左車，上左阿哥到，今次燒唔到碟囉...無奈...落左熊貓搵阿Jack，原來佢份工好得閒，不過好悶，條死仔一番工就執到"金"囉...無奈晒，又有意外收入...八點幾Jack走人，之後鑄仔又走埋，好冷清...九點幾去左大窩口食車仔麵，D魚皮餃一D都唔好食...被騙了...好耐都未試過咁多人嚕，幾開心，遲D個個有工番都唔知仲有冇咁既機會...

訓到一點幾起身，同M仔，阿耀明仔落左漢都食野，食完野過左太子搵晶晶同謝GG，兩個曲髮人士-_-...嘈左一輪都未講去邊之後一直係到傾計，後來有個阿嬸向謝GG問路，笑死@@!~謝GG俾人叫姐姐...哈哈...好彩個阿嬸問謝GG喳，唔係佢都唔知"好彩"點去XD...五點幾閃人，送左謝GG搭車，之後去左熊貓搵佢地，好悶...去點幾阿Jack黎左，神奇@@!~原本諗住落阿哥到，點知聽日要番學...不過都好既，好過係屋企悶=.=....肥亨食左耀三拳...自己就話唔痛都唔知有冇事...唉...希望冇下次啦...

好耐冇打日記嚕!~前幾日整完個頭，成個女仔咁...不過都ok...成日俾佢地笑= =...前日同明仔囉友番完深圳夜晚又陪左明仔去買褲，正一死仔黎，條褲幾好，不過就肉痛左d...又搞到好夜先番屋企，星期三又陪M仔去觀塘整底板，站頭站尾...就快死...之後陪佢地去到旺角，俾明仔囉左條皮帶去...，明仔著起黑shirt衫又幾好睇，好有大佬feel@@!~今日同雄仔出去，等左佢地成六個鐘...咁大個仔第一次等人等咁耐囉...陪雄仔買完野之後落機鋪坐到唔想再坐，之後經偉佢地黎左，陪佢地玩左陣，但班死仔都仲未到-_-...夜晚冇陪到你地食飯真係好對唔住...走左去同M仔佢地食-_-...玩到十一點幾閃人，送埋雄仔搭車之後先去地鐵站，坐左係到發左陣呆，有時真係唔知自己想點，自己又冇恆心又冇毅力，真係覺得自己好爛，就算連自己有D咩都唔知...爛人一個...