最高溫度32度-_-??熱死...下午係地鐵站等茂林等左好耐都唔見，結果撞到雞仔同傻明，同雞仔極速番左去，但見唔到茂林，之後撞到佢就一齊去交份功課，番到課室再交份報告俾個阿Sir，之後傻明叫我地加佢名...逼於無奈加左...真係好唔鋸囉...幾份報告都係咁樣，算...都加左冇得改...麻鬼煩，今日最後一堂勁早放，番左去四五個字就閃得，五點幾番到屋企，食左成碟餃子，哩排大食左@@!~不過阿媽整既餃子又真係幾正，haha!~

晨早流流起身就熱到飛起...番到去頭兩堂都係連線打機，之前報告完真好，下午番中環，今日考試，考忌廉湯同牛扒，好易@@!~今次既忌廉湯整得好好好靚呀!~班友係咁過黎偷飲...好久呀...又唔飲自己整果D係都要飲人地果D=.=...成功合格@@!~不過可惜唔記得影相，番到葵芳，去萬寧買洗面奶，俾個女Sales係咁問...煩爆...之後喇喇聲走人去第二間買算...真係麻鬼煩...番到屋企狂趕西廚報告...苦也!~

早上俾幾個電話嘈醒左...麻鬼煩...食完飯兩點幾落左去搵M仔同阿Jack，一落到荃灣就落大雨，好彩早左出門...無奈耀同明仔都黎左，明仔對鞋濕晒... 哈!~之後同M仔打機，班人真係好久，玩左無奈走人，買左兩個豆沙燒餅食，好味@@!~之後阿Jack話肚餓去食飯，不過得佢自己一個食...個個都好飽...諗住同明仔去行荃豐，不過行左幾步明仔就話走人，自己都同意so一齊番屋企，去到明仔樓下決定跑番去...廢事淋親啦...番到去岩岩好食飯，夜晚得自己一個係到趕報告囉...班死仔個個唔係出去玩就係番工...正衰人黎= =...

表面既開心唔代表內心快樂，永遠都係擔當路人既角色，永遠都只係做陪襯品，好事永遠都唔會係我身上發生!~ 

番完上午下午走堂冇番，行緊去地鐵站果陣鑄仔打黎，話要借錢，之後同佢傾左輪，傾完好灰，唉...驚都冇用遲早都要面對，到時先算啦唔想諗咁多，廢事越諗越煩越唔開心...